ယ့ၣ်ၡူးကဲ ပှၤဒ်လဲၣ်တဂၤလဲၣ်

ပမ့ၢ်မၤလိ ဘၣ်ဃးဒီး တၢ်လၢယ့ၣ်ၡူးတဲဝဲဒီးမၤဝဲ ဖဲအအိၣ်လၢ ဟီၣ်ခိၣ်ချၢအခါန့ၣ် ပကသ့ၣ်ညါဘၣ် အတၢ်ပာ်သူၣ်ပာ်သး ဒီးပကအဲၣ်ဒိး ဒီသကိးဒီး ယ့ၣ်ၡူး ဒီးအပါယဟိဝၤယွၤ. ယ့ၣ်ၡူး အတၢ်ပာ်သူၣ်ပာ်သး အိၣ်ဒ်လဲၣ်. ပကွၢ်လိအီၤ ကသ့ဒ်လဲၣ်.

၁. ယ့ၣ်ၡူးလီၤဂာ်ဒီး အပါဒ်လဲၣ်.

ဖဲယ့ၣ်ၡူး အိၣ်လၢမူခိၣ်အခါ အဝဲကွၢ်လိအပါ ဒီးမၤလိန့ၢ်တၢ်လၢ အပါအအိၣ် လၢအနံၣ် လၢအကကွဲၢ် လၢအကထိတဖၣ်ညါ. အဃိ ယ့ၣ်ၡူးအတၢ်ဆိကမိၣ်, အတၢ်တူၢ်ဘၣ် ဒီးတၢ်လၢအမၤဝဲန့ၣ် လီၤဂာ်ဒ်သိးဒီးအပါလီၤ. (ဖး ယိၤဟၣ် ၅:၁၉.) တကးဒံးဘၣ် ယ့ၣ်ၡူးပာ်ဖျါထီၣ်ဝဲ အပါအတၢ်ပာ်သူၣ်ပာ်သး လၢလၢပှဲၤပှဲၤအဃိ ယ့ၣ်ၡူးတဲဝဲလၢ “ပှၤလၢအထံၣ်ယၤန့ၣ် မ့ၢ်အထံၣ်စ့ၢ်ကီး ပၢ်လီၤ.” (ယိၤဟၣ် ၁၄:၉) နမ့ၢ်မၤလိ ဘၣ်ဃးဒီး ယ့ၣ်ၡူး အတၢ်ပာ်သူၣ်ပာ်သးန့ၣ် နကသ့ၣ်ညါအါထီၣ် ယဟိဝၤယွၤအဂ့ၢ်. အဒိ ယ့ၣ်ၡူး အတၢ်သးအိၣ်ပှၤဂၤန့ၣ် ပာ်ဖျါထီၣ်ဝဲလၢ ယဟိဝၤယွၤစ့ၢ်ကီး သးအိၣ်နၤဒိၣ်မး.

၂. ယ့ၣ်ၡူး အဲၣ်ယဟိဝၤယွၤန့ၣ် အပာ်ဖျါထီၣ်ဝဲဒ်လဲၣ်.

ယ့ၣ်ၡူး တဲဝဲလၢ “ဒ်သိးဟီၣ်ခိၣ် ကသ့ၣ်ညါလၢ ယအဲၣ်ပၢ်အဂီၢ် ယမၤဒ်ပၢ်မၤလိာ်ယၤ အသိးလီၤ.” (ယိၤဟၣ် ၁၄:၃၁) ဖဲယ့ၣ်ၡူး အိၣ်လၢဟီၣ်ခိၣ်ချၢအခါ မ့ၢ်ကီလၢအဂီၢ်သနာ်က့ အဒိကနၣ် အပါအကလုၢ်ဒံးအဃိ အပာ်ဖျါထီၣ်လၢ အအဲၣ်အပါဒိၣ်မး. ခီဖျိလၢ ယ့ၣ်ၡူးအဲၣ်အပါ ဒိၣ်မးအဃိ အတဲဘၣ်ဃးဒီး အပါအဂ့ၢ်ထီဘိ ဒီးအမၤစၢၤပှၤဂၤ ဒ်သိးဒီး အဝဲသ့ၣ် ကအိၣ်ဒီး တၢ်ရ့လိာ်သးဒီးအပါ.​—ယိၤဟၣ် ၁၄:၂၃.

၃. ယ့ၣ်ၡူး အဲၣ်ပှၤဟီၣ်ခိၣ်ဖိန့ၣ် အပာ်ဖျါထီၣ်ဝဲဒ်လဲၣ်.

လံာ်စီဆှံ တဲဝဲလၢ ယ့ၣ်ၡူး “ဘၣ်သူၣ်ဘၣ်သး . . . ပှၤဟီၣ်ခိၣ်ဖိ” ဒိၣ်မး. (ကတိၤဒိ ၈:၃၁) ယ့ၣ်ၡူးပာ်ဖျါထီၣ်ဝဲ အတၢ်အဲၣ်အံၤ ခီဖျိ အဟ့ၣ်ဂံၢ်ဟ့ၣ်ဘါပှၤဂၤ ဒီးမၤစၢၤပှၤဂၤ လၢတၢ်သးအိၣ်အပူၤ. ဒီးအဝဲမၤ တၢ်လီၤလးအါမး လၢအပာ်ဖျါထီၣ်ဝဲ အတၢ်စိတၢ်ကမီၤ တကးဒံးဘၣ် အတၢ်ဒိသူၣ်ဒိသးစ့ၢ်ကီး. (မၢ်ကူး ၁:၄၀-၄၂) ယ့ၣ်ၡူး ရ့ဒီးပှၤဂၤဂ့ၤဂ့ၤ ဒီးအတကွၢ်ဒိၣ်ဆံးအါစှၤ ပှၤနီတဂၤဘၣ်. တၢ်လၢအတဲဝဲတဖၣ်န့ၣ် မၤမုာ်ထီၣ် ပှၤလၢအသးတီ လၢအဒိကနၣ်အီၤတဖၣ်အသး ဒီးဟ့ၣ်အဝဲသ့ၣ် တၢ်မုၢ်လၢ်. တကးဒံးဘၣ် ခီဖျိလၢ ယ့ၣ်ၡူး အဲၣ်ပဝဲပှၤဟီၣ်ခိၣ်ဖိ ခဲလၢာ်အဃိ အဝဲသးအိၣ် တူၢ်ဆါအသး ဒီးတူၢ်သံအသးလၢပဂီၢ်. ဘၣ်ဆၣ် ပမ့ၢ်အိၣ်မူမၤထွဲ အတၢ်သိၣ်လိတဖၣ်န့ၣ် အဝဲအဲၣ်ပှၤ လီၤဆီန့ၢ်ဒံး အအဲၣ်ပှၤဟီၣ်ခိၣ်ဖိ အဂၤတဖၣ်.​—ဖး ယိၤဟၣ် ၁၅:​၁၃, ၁၄.

ဃုသ့ၣ်ညါအါထီၣ်

၄. ယ့ၣ်ၡူး အဲၣ်အပါ

ယ့ၣ်ၡူး အဒိအတဲာ်န့ၣ် မၤစၢၤပှၤဒ်သိး ပကပာ်ဖျါထီၣ်တၢ်အဲၣ် လၢယဟိဝၤယွၤအဖီခိၣ်. ဖး လူၤကၣ် ၆:၁၂ ဒီး ယိၤဟၣ် ၁၅:၁၀; ၁၇:၂၆. ဖးလံာ်စီဆှံတဆၢ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ. ဝံၤဒီး ဖးလံာ်စီဆှံလၢခံတဆၢ ဒီးတဲသကိးကဒီး တၢ်သံကွၢ် လၢလာ်တဖျၢၣ်အံၤ–

• ဒ်ယ့ၣ်ၡူးအသိး ပပာ်ဖျါထီၣ်လၢ ပအဲၣ်ယဟိဝၤယွၤ ကသ့ဒ်လဲၣ်.

၆. ယ့ၣ်ၡူး သးအိၣ်ဟ့ၣ်တၢ်

ယ့ၣ်ၡူးန့ၣ် အတၢ်တအိၣ်အါအါဘၣ် သနာ်က့ တၢ်လၢအအိၣ်ဒီးအီၤန့ၣ် အဝဲသးအိၣ်ဟ့ၣ်ပှၤဂၤ. ဒီးယ့ၣ်ၡူးတဲဘၣ်ပှၤလၢ ပဝဲစ့ၢ်ကီး ပကဘၣ်သးအိၣ်ဟ့ၣ်တၢ်. ဖး မၤတၢ် ၂၀:၃၅ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ဒ်သိး ပကသးခုအဂီၢ် ယ့ၣ်ၡူးတဲဝဲလၢ ပကဘၣ်မၤဒ်လဲၣ်.

ကွၢ်တၢ်ဂီၤမူ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ.

တၢ်ဂီၤမူ– “ဟ့ၣ်တၢ်န့ၣ် ဒုးအိၣ်ထီၣ် တၢ်သးခုအါ”​—တၢ်ဂီၤမူဖုၣ်ကိာ် (၄:၀၀)

• ပတၢ်မ့ၢ်တအိၣ်အါအါဘၣ် သနာ်က့ ပဟ့ၣ်တၢ်သ့ လၢကျဲဒ်လဲၣ်.

မ့ၢ်နသ့ၣ်ညါဧါ

လံာ်စီဆှံ သိၣ်လိပှၤလၢ ပကဘၣ်ဃ့ထုကဖၣ် လၢယဟိဝၤယွၤအအိၣ် ခီဖျိ ယ့ၣ်ၡူးအမံၤ. (ဖး ယိၤဟၣ် ၁၆:​၂၃, ၂၄.) ပမ့ၢ်ဃ့ထုကဖၣ် ဒ်န့ၣ်န့ၣ် ပပာ်ဖျါထီၣ်လၢ ပစံးဘျုးစံးဖှိၣ်က့ၤ ယ့ၣ်ၡူးလၢ တၢ်လၢအမၤဝဲ လၢပဂီၢ် ဒ်သိးကမၤစၢၤပှၤလၢ ပကကဲထီၣ် ယဟိဝၤယွၤအသကိး.

တၢ်ဂ့ၢ်လၢအရ့ဒိၣ်

ယ့ၣ်ၡူးန့ၣ် အအဲၣ်ယဟိဝၤယွၤ ဒီးအအဲၣ်ပှၤဂၤ. ဒီးယ့ၣ်ၡူးန့ၣ် အလီၤဂာ်ဒီး အပါအဃိ နသ့ၣ်ညါ ယ့ၣ်ၡူးအဂ့ၢ် မ့ၢ်အါထီၣ်န့ၣ် နသ့ၣ်ညါ ယဟိဝၤယွၤအဂ့ၢ် ကအါထီၣ်စ့ၢ်ကီး.

တၢ်ကွၢ်ကဒါက့ၤ

• ဒ်ယ့ၣ်ၡူးအသိး နပာ်ဖျါထီၣ်တၢ်အဲၣ် လၢယဟိဝၤယွၤအဖီခိၣ် ကသ့ဒ်လဲၣ်.

• ဒ်ယ့ၣ်ၡူးအသိး နပာ်ဖျါထီၣ်တၢ်အဲၣ် လၢပှၤဂၤအဖီခိၣ် ကသ့ဒ်လဲၣ်.

• ယ့ၣ်ၡူး အတၢ်ပာ်သူၣ်ပာ်သး လၢနဘၣ်သူၣ်ဘၣ်သး အဒိၣ်ကတၢၢ်န့ၣ် မ့ၢ်ဖဲလဲၣ်တခါလဲၣ်.

ဃုသ့ၣ်ညါ

ဃုသ့ၣ်ညါကွၢ် ယ့ၣ်ၡူး အတၢ်ပာ်သူၣ် ပာ်သး တနီၤလၢပကွၢ်လိအီၤသ့.

“ကွၢ်လိမၤဒိး ယ့ၣ်ၡူးအတၢ်ဂ့ၤတၢ်ဝါ လၢအမ့ၢ် . . .” (ယ့ၣ်ၡူးမ့ၢ်ကျဲ ဒီးတၢ်မ့ၢ်တၢ်တီ ဒီးတၢ်မူ, ကဘျံးပၤ ၃၁၇)

ဖးကွၢ် ဘၣ်ဃးဒီး ဘၣ်မနုၤအဃိ ပဘၣ် ဃ့ထုကဖၣ် ခီဖျိ ယ့ၣ်ၡူးအမံၤလဲၣ်.

“ဘၣ်မနုၤအဃိ ပဘၣ်ဃ့ထုကဖၣ် ခီဖျိ ယ့ၣ်ၡူးအမံၤလဲၣ်” (တၢးထီခိးတၢ်, လါဖ့ၤဘြူၤအါရံၤ ၁, ၂၀၀၈)

လံာ်စီဆှံ တဲဘၣ်ဃးဒီး ယ့ၣ်ၡူး အနီၢ်ခိမိၢ်ပှၢ် တမံၤမံၤဧါ.

“ယ့ၣ်ၡူးန့ၣ် အနီၢ်ခိမိၢ်ပှၢ် အိၣ်ဒ်လဲၣ်” (တၢ်မၤလိလၢ အအိၣ်လၢ online အဖီခိၣ်)

ယ့ၣ်ၡူး ရ့ဒီးပှၤပိာ်မုၣ်ဒ်လဲၣ် ဒီးပကွၢ်လိအီၤ ကသ့ဒ်လဲၣ်.

“ကစၢ်ယွၤ ပာ်လုၢ်ပာ်ပှ့ၤ ဒီးပာ်ကဲဝဲ ပှၤပိာ်မုၣ်” (တၢးထီခိးတၢ်, လါစဲးပတ့ဘၢၣ် ၁, ၂၀၁၂)