တဲတၢ်သ့သ့ဘၣ်ဘၣ်

စီၤပီလူးမၤဝဲဒ်လဲၣ်

တၢ်ဂီၤမူ– စီၤပီလူး စံၣ်တဲၤတဲလီၤဝဲ ပှၤအၤသ့ၣ်ဖိတဖၣ်

၁. ကွၢ် တၢ်ဂီၤမူ ဒီး ဖး မၤတၢ် ၁၇:၂၂, ၂၃. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–

1. က. ဖဲစီၤပီလူးထံၣ်ဝဲလၢ ဝ့ၢ်အၤသ့ၣ် အိၣ်ပှဲၤဝဲဒီး တၢ်ဂီၤတၢ်ဖှီၣ်အခါ စီၤပီလူး အသးမၤသးဒ်လဲၣ်.—ကွၢ် မၤတၢ် ၁၇:၁၆.

2. ခ. စီၤပီလူး တတဲဆါ ပှၤအၤသ့ၣ်ဖိတဖၣ် အတၢ်ဘူၣ်တၢ်ဘါဘၣ်. ဒ်သိး စီၤပီလူး ကစံၣ်တဲၤတဲလီၤအဝဲသ့ၣ်အဂီၢ် အတဲတၢ်ဒီးအဝဲသ့ၣ် သ့သ့ဘၣ်ဘၣ်ဒ်လဲၣ်.

ပမၤလိန့ၢ်တၢ်လၢ စီၤပီလူးအအိၣ်ဒ်လဲၣ်

၂. တချုးလၢ ပတဲတၢ်ဒီးပှၤဂၤဒံးဘၣ်န့ၣ် ပဘၣ်ဆိမိၣ်ပာ်စၢၤထံထံလၢ ပကတဲတၢ်ဒီးအဝဲသ့ၣ်ဒ်လဲၣ်, ပကတဲမနုၤလဲၣ် ဒီးပကတဲအီၤဒ်လဲၣ်. ပမ့ၢ်မၤဒ်န့ၣ်န့ၣ် ဘၣ်သ့ၣ်သ့ၣ် ပှၤကဒိကနၣ်ပှၤ.

ကွၢ်လိမၤဒိးစီၤပီလူး

၃. တဲတၢ်ကတိၤလၢပှၤကနၣ်မုာ်. အဒိ ဖဲပတဲ လံာ်စီဆှံအဂ့ၢ် မ့တမ့ၢ် ယ့ၣ်ၡူးအဂ့ၢ် ဆူပှၤလၢအတမ့ၢ် ခရံာ်ဖိဘၣ်အခါ ဒ်သိး အဝဲသ့ၣ် ကနၢ်ပၢၢ် ဒီးတူၢ်လိာ်ဝဲကသ့အဂီၢ် ပကဘၣ်သူ တၢ်ကတိၤလၢ အဝဲသ့ၣ်နၢ်ပၢၢ်ဘၣ်ဝဲညီ.

၄. တဘၣ်ဘှီဘၣ်ထီၣ်ပှၤဂၤ တဘျီဃီတဂ့ၤ. ပှၤတဂၤဂၤ မ့ၢ်ပာ်ဖျါထီၣ်အတၢ်ထံၣ် ဒီးမ့ၢ်ထီဒါလိာ်သးဒီးလံာ်စီဆှံ သနာ်က့ ပျဲအတဲတၢ် ဒီးတလိၣ်တဲအါတၢ်ဒီး အဝဲသ့ၣ်ဘၣ်. (ယၤ ၁:၁၉) နမ့ၢ်ဆဲးဒိကနၣ်အီၤထံထံန့ၣ် နကသ့ၣ်ညါထီၣ်လၢ ဘၣ်မနုၤအဃိလၢ အတဲဝဲဒ်န့ၣ်လဲၣ်.—ကတိၤ ၂၀:၅.

၅. အလီၢ်မ့ၢ်အိၣ်န့ၣ် တူၢ်လိာ်တၢ်လၢပှၤဂၤတဲဝဲ ဒီးပတြၢၤအီၤ. ပှၤအါတက့ၢ်နာ်ဝဲလၢ အတၢ်ဘူၣ်တၢ်ဘါန့ၣ် ဘၣ်နီၢ်ကီၢ်လီၤ. ပမ့ၢ်ထံၣ်ဘၣ်ဒီး ပှၤဒ်န့ၣ်န့ၣ် ဂုာ်ကျဲးစၢးတဲဆိထဲ တၢ်သ့ၣ်တဖၣ်လၢအဝဲသ့ၣ် တူၢ်လိာ်ဘၣ်ဝဲညီ. လၢခံဆဲးမၤစၢၤအဝဲသ့ၣ် ကယီကယီ ဒ်သိးအဝဲသ့ၣ် ကနၢ်ပၢၢ်ထီၣ် လံာ်စီဆှံ အတၢ်သိၣ်လိ.