မ့ၢ်ကစၢ်ယွၤအကလုၢ်ကထါန့ၣ်​ ဆီတလဲအသးလံဧါ.

ပှၤတနီၤနီၤန့ၣ်​ ဆိကမိၣ်ဝဲလၢ မ့ၢ်ယွၤကလုၢ်ကထါန့ၣ်​ ဆီတလဲအသးလံဧါ. ဝံယၡါယၤ တဲဖျါထီၣ်ဝဲလၢ ယွၤကလုၢ်ကထါန့ၣ်​ “ကအိၣ်ဝဲကဆိးဝဲ လီၤစိၤလီၤထီ” န့ၣ်လီၤ. (ယၡါယၤ ၄၀:၈) ကစၢ်ယွၤတၢ်အၢၣ်လီၤအီလီၤလၢ ဘၣ်တၢ်ကွဲးလီၤန့ၢ်ပှၤ လီၢ်တံၢ်လီၤဆဲးဒီး တဆီတလဲအသးဘၣ်န့ၣ်​ ပနာ်သ့သပှၢ်ကတၢၢ်ဧါ.

ကစၢ်ယွၤန့ၣ်အိၣ်ဒီး  တၢ်စိတၢ်ကမီၤ  ဒ်သိးအကလုၢ်ကထါတဖၣ်​ တလီၤမၢ်ဒီး ဟးဂီၤတဂ့ၤန့ၣ်လီၤ. လၢပျၢၤန့ၣ်​ ပှၤလၢအကွဲးကူဝဲလံာ်စီဆှံတဖၣ်​ အဝဲသ့ၣ်ကဂံၢ်ဝဲဒီး ဟံးန့ၢ်ဝဲလံာ်မဲာ်ဖျၢၣ်​ တဖျၢၣ်ဘၣ်တဖျၢၣ်စုာ်စုာ် ဒီးကွဲးကူလီၤဝဲ လီၤတံၢ်လီၤဆဲး ဒ်သိးတၢ်ကတိၤတဖၣ်တအါထီၣ်, တဆီတလဲ ဒီးတလီၤမၢ်နီတဖျၢၣ်တဂ့ၤ အဂီၢ်န့ၣ်လီၤ. ဘၣ်ဆၣ်​ ပှၤဟီၣ်ခိၣ်ဖိတဖၣ်​ တလၢတပှဲၤဘၣ်အဃိ ဖဲအကွဲးကူဝဲလံာ်တဖၣ်အခါ အကမၣ်အိၣ်ဝဲတဆဲးတမွဲးန့ၣ်လီၤ.

လံာ်စီဆှံတၢ်ကစီၣ်လၢ မုၢ်မဆါတနံၤအံၤန့ၣ်​ အလီၤပလိာ်လီၤအသးဒီး တၢ်ကွဲးအသးလၢ အခီၣ်ထံးခီၣ်ဘိန့ၣ်​ ပနာ်အီၤသ့ဒ်လဲၣ်.

လံာ်စီဆှံတၢ်ကွဲးကူလၢပျၢၤန့ၣ်​ အိၣ်လၢအဘ့ၣ်​ အကထိတဖၣ်ညါလီၤ. တၢ်ကွဲးကူတဘ့ၣ်​ မ့ၢ်လီၤဆီဒီးအဂၤန့ၣ်​ အဝဲသ့ၣ်ကထိၣ်သတြီၤဝဲဒီး တၢ်ကွဲးကူအဂၤတဘ့ၣ်န့ၣ်လီၤ. အဃိ ဖဲအဝဲသ့ၣ်က့ၤထိၣ်သတြီၤက့ၤဒီး လံာ်အဂၤတဖၣ်အခါ အဝဲသ့ၣ်ထံၣ်ထီၣ်က့ၤလၢ အဘၣ်ဖဲလဲၣ်တခါလဲၣ်န့ၣ်လီၤ. ဒ်သိး နကသ့ၣ်ညါအါထီၣ်အဂီၢ် ကွၢ်တၢ်ဂ့ၢ်လၢ အမ့ၢ် “Has the Bible Been Changed or Tampered With?” လၢ jw.org အပူၤတက့ၢ်.

ဆိကမိၣ်ကွၢ် တၢ်အဒိတခါ လံာ်လၢပျၢၤလၢအမ့ၢ် ပီၣ်လဲၣ်အံသၣ်အလံာ်ထူန့ၣ်​ ပှၤထံၣ်န့ၢ်ဝဲလၢ လ့ကိပူၤလၢအဘူးဒီး ပီၣ်လဲၣ်အံသၣ်​ ဖဲ ၁၉၄၇ နံၣ်န့ၣ်လီၤ. လံာ်စီဆှံလၢပျၢၤလၢ ပှၤထံၣ်န့ၢ်အီၤတဖၣ်န့ၣ်​ အိၣ်ကွဲးအသးဒီး မုၢ်နံၤမုၢ်သီလၢ အပူၤကွံာ်အါန့ၢ် အနံၣ်​ ၂,၀၀၀ လံလီၤ. ပှၤကူၣ်ဘၣ်ကူၣ်သ့တဖၣ်​ ထိၣ်သတြီၤဝဲ လံာ်စီဆှံလၢပျၢၤဒီး လံာ်စီဆှံလၢ မုၢ်မဆါတနံၤအံၤန့ၣ်လီၤ. အဃိ အဝဲသ့ၣ်ထံၣ်န့ၢ် တၢ်မနုၤလဲၣ်.

ပှၤကူၣ်ဘၣ်ကူၣ်သ့တဖၣ်လၢ အသမံသမိးက့ၤဝဲ လံာ်စီဆှံလၢပျၢၤတဖၣ်န့ၣ်​ သ့ၣ်ညါထီၣ်ဝဲလၢ လံာ်စီဆှံတၢ်ကစီၣ်လၢ ပှၤကွဲးအီၤခဲအံၤန့ၣ်​ လီၤပလိာ်ဝဲဒီး တၢ်ကွဲးအသးလၢ အခီၣ်ထံးတဖၣ်လီၤ.a တုၤလၢမုၢ်မဆါတနံၤအံၤ ပနာ်သ့သပှၢ်ကတၢၢ်လၢ ကစၢ်ယွၤပာ်ဃာ်န့ၢ်ပှၤ အတၢ်ကွဲးစီဆှံ လီၤတံၢ်လီၤဆဲး ဒ်သိးအတဟးဂီၤတဂ့ၤအဂီၢ်လီၤ.

အဃိ မုၢ်မဆါတနံၤညါအံၤ ဖဲပဖးကစၢ်ယွၤ အလုၢ်ကထါအခါ ပနာ်သ့လီၤတံၢ်လီၤဆဲးလၢ အမ့ၢ်ဝဲတီဝဲန့ၣ်လီၤ. လၢတၢ်န့ၣ်အဃိ တၢ်ဂ့ၢ်လၢခံတခါန့ၣ်​ ပကသမံသမိးကွၢ် ပမၤလိန့ၢ်တၢ်လၢ ကစၢ်ယွၤအဝံတဖၣ်​ အအိၣ်သ့ဒ်လဲၣ်န့ၣ်လီၤ.