နတၢ်နာ် ယဟိဝၤယွၤ အတၢ်အၢၣ်လီၤအီလီၤ ဂၢၢ်ကျၢၤဝဲထဲလဲၣ်

စီၤယိၤၡူဒီးစီၤၡလိၤမိၤ ခံဂၤလၢာ်တဲဖျါထီၣ်ဝဲလၢ ကယဲၢ်တၢ်အၢၣ်လီၤအီလီၤလၢ ယဟိဝၤယွၤ အၢၣ်လီၤအီလီၤဝဲတဖၣ်န့ၣ်​ ဟဲလၢထီၣ်ပှဲၤထီၣ်ဝဲ ကိးမံၤဒဲးလီၤ. (ၡူ. ၂၃:၁၄; ၁ စီၤပၤ. ၈:၅၆) ပှၤအုၣ်အသးလၢ ပနာ်န့ၢ်အီၤသ့ခံဂၤအံၤ ပာ်ဖျါထီၣ်ဝဲတၢ်ဂ့ၢ်လၢ ပမၤဂၢၢ်ကျၢၤထီၣ်ပတၢ်နာ် ကသ့ဒ်လဲၣ်န့ၣ်လီၤ.—၂ ကရံၣ်. ၁၃:၁; တံ. ၁:၂.

ဖဲစီၤယိၤၡူအစိၤန့ၣ်​ ယဟိဝၤယွၤ မၤလၢထီၣ်ပှဲၤထီၣ်​ အတၢ်အၢၣ်လီၤအီလီၤဒ်လဲၣ်. နၤဒီးနဟံၣ်ဖိဃီဖိ ကွၢ်သကိးတၢ်ဂီၤမူလၢအမ့ၢ် ‘ယွၤအတၢ်ကတိၤလၢ အတဟဲလၢပှဲၤထီၣ်န့ၣ်​ တအိၣ်နီတထံၣ်ဘၣ်’ တက့ၢ်. ဝံၤဒီးသမံသမိးကွၢ် တၢ်သံကွၢ်လၢလာ်အံၤ– (၁) နကွၢ်လိမၤဒိး နီၢ်ရၤဃးအတၢ်နာ် ကသ့လၢကျဲဒ်လဲၣ်. (ဧ့ၤ. ၁၁:၃၁; ယၤ. ၂:၂၄-၂၆) (၂) စီၤဧၤကၣ်​ အဒိအတဲာ်ပာ်ဖျါထီၣ်ဝဲလၢ ပမ့ၢ်တဒိကနၣ်တၢ်န့ၣ်​ ပကတုၤလၢ တၢ်ဟးဂီၤ လၢကျဲဒ်လဲၣ်. (၃) ပှၤကံးဘိၣ်ဖိတဖၣ်​ ဘၣ်ယိၣ်တၢ်ဒၣ်လဲာ် ဘၣ်မနုၤအဃိ အဝဲသ့ၣ်​ ဘၣ်လီဝဲစီၤယိၤၡူဒီး မၤဃူမၤဖိးတၢ်ဒီး ပှၤအံၣ်စရ့လးဖိတဖၣ်လဲၣ်. (၄) ဖဲပှၤအမိၢ်ဖိ အစီၤပၤယဲၢ်ဂၤ ဟဲမၤပျံၤမၤဖုးဝဲ ပှၤအံၣ်စရ့လးဖိတဖၣ်​ ဝံၤအလီၢ်ခံ ယဟိဝၤယွၤအတၢ်ကတိၤ ဟဲလၢထီၣ်ပှဲၤထီၣ်ဝဲလၢ ကျဲဒ်လဲၣ်. (ၡူ. ၁၀:၅-၁၄) (၅) ဖဲနဃုဆိယွၤအဘီအမုၢ်ဒီး အတၢ်တီတၢ်လိၤအခါ ယဟိဝၤယွၤဆိၣ်ဂ့ၤနၤလၢကျဲဒ်လဲၣ်.—မး. ၆:၃၃.

ပမ့ၢ်ဆိကမိၣ်​ တၢ်လၢယဟိဝၤယွၤ မၤတ့ၢ်ဝဲတဖၣ်, မၤဝဲလၢဆၢကတီၢ်ခဲအံၤ ဒီးကမၤဝဲလၢခါဆူညါန့ၣ်​ ပတၢ်နာ်လၢ အတၢ်အၢၣ်လီၤအီလီၤအဖီခိၣ်​ ကဂၢၢ်ကျၢၤဒိၣ်ထီၣ်ဝဲလီၤ.—ရိ. ၈:၃၁, ၃၂.