“ဒုးအိၣ်ထီၣ်တၢ်ဂ့ၤတၢ်ဝါ ဒ်သိးဒီးယွၤ—တၢ်သူၣ်ဒူသးဒူ”

ဘၣ်မနုၤအဃိ အရ့ဒိၣ်လဲၣ်–

• ဖဲပစံၣ်တဲၤတဲလီၤတၢ်အခါ ပလိၣ်ဘၣ်​ တၢ်သူၣ်ဒူသးဒူ. —မၤတၢ် ၅:၂၇-၂၉, ၄၁, ၄၂

• ဖဲတၢ်နးတၢ်ဖှီၣ်ဖးဒိၣ်​ အဆၢကတီၢ် ပတၢ်သူၣ်ဒူသးဒူ ကဘၣ်​ တၢ်မၤကွၢ်အီၤ.—မး. ၂၄:၁၅-၂၁

• တၢ်ပျံၤပှၤကညီန့ၣ်​ ကဆှၢပှၤဆူ တၢ်ဟးဂီၤ.—ယံး. ၃၈:၁၇-၂၀; ၃၉:၄-၇

ပမၤကသ့ဒ်လဲၣ်–

• ဆိကမိၣ်ထံ ယဟိဝၤယွၤ အတၢ်မၤပူၤဖျဲးတဖၣ်. —၂ မိၤ. ၁၄:၁၃

• ဃ့ယွၤလၢကဟ့ၣ်နၤ တၢ်သူၣ်ဒူသးဒူ.—မၤတၢ်. ၄:၂၉, ၃၁

• သန့ၤနသးလၢ ယဟိဝၤယွၤ.—စံး. ၁၁၈:၆

ကွၢ်တၢ်ဂီၤမူလၢအမ့ၢ် ဟးဆှဲးတၢ်လၢ ကမၤဟးဂီၤ ပတၢ်သးတီတက့ၢ်—တၢ်ပျံၤပှၤကညီ, ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–

• တၢ်စံၣ်တဲၤတဲလီၤတၢ်လၢ တၢ်သူၣ်ဒူသးဒူအပူၤန့ၣ်​ ဘၣ်မနုၤအရ့ဒိၣ်လဲၣ်.

• ဖဲ ကတိၤဒိ ၂၉:၂၅ န့ၣ်ပထံၣ်ဘၣ်​ တၢ်ဂ့ၢ်လီၤဆီဒ်လဲၣ်.

• ဆၢကတီၢ်ခဲအံၤ ဘၣ်မနုၤအဃိ အရ့ဒိၣ်လၢ ပကဘၣ်မၤအါထီၣ်​ ပတၢ်သူၣ်ဒူသးဒူလဲၣ်.