“ဟီၣ်ခိၣ်ဟ့ၣ်ထီၣ်လံ အတၢ်အါထီၣ်, ဒီးယွၤပကစၢ် ကဆိၣ်ဂ့ၤပှၤလီၤ.” —စံးထီၣ်ပတြၢၤ ၆၇:၆
နဒိးန့ၢ် တၢ်ဆိၣ်ဂ့ၤတဖၣ် လီၤထူ လီၤယိာ်လၢ တၢ်ဘၣ်တ့ကစၢ်အအိၣ်သ့
ကစၢ်ယွၤအၢၣ်လီၤဝဲ ဝံအၤဘြၤဟၣ်လၢ အစၢၤအသွဲၣ်တဂၤန့ၣ် ကဟဲစိးန့ၢ်ပှၤ တၢ်ဆိၣ်ဂ့ၤလၢ “ကယဲၢ်ပှၤကညီလၢ ဟီၣ်ခိၣ်ချၢ” ခဲလၢာ်လီၤ. (၁ မိၤၡ့ ၂၂:၁၈) ပှၤတဂၤလၢ ဟဲလီၤစၢၤလီၤသွဲၣ်လၢအီၤန့ၣ် ကမ့ၢ်မတၤလဲၣ်.
အပူၤကွံာ်ကအိၣ်လၢအနံၣ် ၂,၀၀၀ န့ၣ်, ကစၢ်ယွၤဟ့ၣ်လီၤယ့ၣ်ၡူး လၢအဟဲလီၤစၢၤလီၤသွဲၣ်လၢစီၤအၤဘြၤဟၣ်တဂၤ အတၢ်စိတၢ်ကမီၤလၢ ကမၤဝဲတၢ်လီၤလးလၢ အလီၤကမၢကမၣ်တဖၣ်န့ၣ်လီၤ. တၢ်လီၤလးတဖၣ်န့ၣ် ပာ်ဖျါထီၣ်လၢ တၢ်အၢၣ်လီၤအီလီၤလၢ ကစၢ်ယွၤမၤဝဲဒီး စီၤအၤဘြၤဟၣ်န့ၣ် ကဟဲလၢထီၣ်ပှဲၤထီၣ်ဝဲ ခီဖျိလၢ ယ့ၣ်ၡူးန့ၣ်လီၤ.—ကလၤတံ ၃:၁၄.
ယ့ၣ်ၡူးမၤ တၢ်လီၤလးသ့ၣ်တဖၣ်န့ၣ် မၤစၢၤဝဲပှၤအါဂၤလၢ ကသ့ၣ်ညါထီၣ်လၢ ကစၢ်ယွၤဃုထၢအီၤ လၢကဆိၣ်ဂ့ၤ ပှၤဟီၣ်ခိၣ်ဖိန့ၣ်လီၤ. တကးဒံးဘၣ် ပာ်ဖျါထီၣ်စ့ၢ်ကီးလၢ ကစၢ်ယွၤကသူအီၤလၢ ကဆိၣ်ဂ့ၤဝဲပှၤဟီၣ်ခိၣ်ဖိ လီၤထူလီၤယိာ်န့ၣ်လီၤ. ပာ်သူၣ်ပာ်သး ယ့ၣ်ၡူးမၤတၢ်လီၤလးသ့ၣ်တဖၣ်န့ၣ် ပာ်ဖျါထီၣ်န့ၣ်ပှၤလၢ အအိၣ်ဒီးတၢ်ဂ့ၤတၢ်ဝါလၢ အထုးန့ၣ်ပသးဒိၣ်မးလီၤ.
တၢ်သးကညီၤ—ယ့ၣ်ၡူးမၤဘျါက့ၤ ပှၤလၢအိၣ်ဒီးတၢ်ဆါ.
ဘၣ်တဘျီ ပှၤဘၣ်တၢ်ဆါအၢတဂၤန့ၣ် ဃ့ကညးဝဲ ယ့ၣ်ၡူးလၢ ကမၤဘျါက့ၤအီၤလီၤ. ယ့ၣ်ၡူးဖီၣ်အီၤဒီး တဲအီၤလၢ “ယသးအိၣ်” န့ၣ်လီၤ. တဘျီဃီန့ၣ် ပှၤလၢအဘၣ်တၢ်ဆါအၢတဂၤန့ၣ် အတၢ်ဆါဘျါကွံာ်ဝဲလီၤ.—မၢ်ကူး ၁:၄၀-၄၂.
ဟ့ၣ်တၢ်ညီ—ယ့ၣ်ၡူးဒုးအီၣ်ဒုးအီဝဲ ပှၤလၢအသၣ်ဝံၤတဖၣ်.
ယ့ၣ်ၡူးတအဲၣ်ဒိးလၢ ပှၤတဂၤဂ့ၤတဂၤဂ့ၤ ကသၣ်ဝံၤလီၤဒိးဘၣ်. အဃိယ့ၣ်ၡူးမၤတၢ်လီၤလးလၢ ကဒုးအီၣ်ဒုးအီဝဲ ပှၤလၢအကထိတဖၣ်လၢ ကိၣ်ဒီးညၣ်န့ၣ် တမ့ၢ်ထဲတဘျီဧိၤဘၣ်. (မးသဲ ၁၄:၁၇-၂၁; ၁၅:၃၂-၃၈) အဝဲသ့ၣ်သးမံဒီး တၢ်လၢအဝဲသ့ၣ် အီၣ်ဘၣ်တဖၣ် ဝံၤတၢ်အီၣ်န့ၣ် အိၣ်တီၢ်ဝဲဒီဒူၣ်ညါန့ၣ်လီၤ.
တၢ်ဒိသူၣ်ဒိသး—ယ့ၣ်ၡူးမၤသမူထီၣ်က့ၤ ပှၤသံ.
ယ့ၣ်ၡူး “သးကညီၤ” ဒီးမၤသမူထီၣ်ဝဲ မုၣ်ကမဲလၢ ပှၤကွၢ်ထွဲအီၤ တအိၣ်နီတဂၤလၢၤဘၣ် တဂၤအဖိခွါန့ၣ်လီၤ.—လူၤကၣ် ၇:၁၂-၁၅.