မိၢ်ပၢ်သ့ၣ်ဧၢ, ဟ့ၣ်နဖိတၢ်ခွဲးတၢ်ယာ် အဂ့ၤကတၢၢ် ဒ်သိးအတၢ်အိၣ်မူ ကပှဲၤဒီးအခီပညီအဂီၢ်

မိၢ်ပၢ်သ့ၣ်ဧၢ, ဟ့ၣ်နဖိတၢ်ခွဲးတၢ်ယာ် အဂ့ၤကတၢၢ် ဒ်သိးအတၢ်အိၣ်မူ ကပှဲၤဒီးအခီပညီအဂီၢ် မိၢ်ပၢ်လၢအပျံၤယွၤတဖၣ်န့ၣ်​ အဲၣ်ဒိးထံၣ်ဝဲဒၣ်လၢ အဖိတဖၣ်​ ကကဲထီၣ်​ ယဟိဝၤယွၤ အခ့အပှၤလၢ အိၣ်ဒီးတၢ်သးတီလီၤ. မိၢ်ပၢ်တဖၣ်​ ကဘၣ်မၤစၢၤအဖိ စးထီၣ်ဖဲ အဝဲသ့ၣ်​ မ့ၢ်ဒံးဖိသၣ်အီနုၢ်အဆၢကတီၢ် ခီဖျိအဝဲသ့ၣ်​ သိၣ်လိအဖိ လံာ်စီဆှံ တုၤအနုာ်လီၤဆူအသးပူၤလီၤ. (၅ မိၤ. ၆:၇; ကတိၤ. ၂၂:၆) မိၢ်ပၢ်တဖၣ်​ ကမၤလၢပှဲၤအမူဒါအံၤအဂီၢ် ကဘၣ်ထဲးဂံၢ်ထဲးဘါ သပှၢ်တၢၢ်လီၤ. ဘၣ်ဆၣ်​ အဝဲသ့ၣ်​ မ့ၢ်မၤဝဲဒ်န့ၣ်န့ၣ်​ အဘျုးကအိၣ်ဒိၣ်မးလီၤ.—၃ ယိၤ ၄.

မိၢ်ပၢ်တဖၣ်​ မၤလိန့ၢ်တၢ်လၢ စီၤယိၤသးဒီး နီၢ်မၤရံအအိၣ်သ့အါမးလီၤ. အဝဲသ့ၣ်​ ဘၣ်ထဲးဂံၢ်ထဲးဘါဒီး တၢ်လၢာ်ဘူၣ်လၢာ်စ့ၤအါသနာ်က့ “လဲၤထီၣ်ဆူယရူၤၡလ့ၣ်ကိးနံၣ်ဒဲး, လၢဘူၣ်လဲၤကပာ်” အဂီၢ်လီၤ. (လူၤ. ၂:၄၁) အဃိ ပသ့ၣ်ညါဘၣ်လၢ နီၢ်သးတၢ်ဖံးတၢ်မၤန့ၣ်​ မ့ၢ်တၢ်အရ့ဒိၣ်ကတၢၢ်လၢ စီၤယိၤသးဒီး နီၢ်မၤရံအဂီၢ်လီၤ. ဒ်န့ၣ်အသိး မုၢ်မဆါတနံၤအံၤ မိၢ်ပၢ်တဖၣ်န့ၣ်​ ခီဖျိလၢ အတၢ်ကတိၤမ့ၢ်ဂ့ၤ, တၢ်ဒိဂ့ၤတဲာ်ဘၣ်မ့ၢ်ဂ့ၤ သိၣ်လိအဖိ ဒ်သိးကလဲၤကျဲလၢအဘၣ်န့ၣ်လီၤ.—စံး. ၁၂၇:၃-၅

ကွၢ်တၢ်ဂီၤမူလၢ အခိၣ်တီမ့ၢ် အဝဲသ့ၣ် ဟံးန့ၢ်တၢ်ခွဲးတၢ်ယာ် ကိးမံၤဒဲး, ဒီးစံးဆၢတၢ်သံကွၢ်လၢ လာ်တဖၣ်အံၤ–

• ဖဲ ကၠီ(န်) ဒီး ၡဲရၢၤ ၡံၤလၢၤ လုၢ်ဒိၣ်ထီၣ်အဖိတဖၣ်အခါ အဝဲသ့ၣ်​ ပာ်ဆိယဟိဝၤယွၤအတၢ်မၤလၢ နီၣ်ဂံၢ်တၢန့ၣ်​ ပာ်ဖျါဝဲဒ်လဲၣ်.

• ဘၣ်မနုၤအဃိမိၢ်ပၢ်တဖၣ်​ ကဘၣ်သိၣ်လိနဲၣ်လိ ဒီးသိၣ်က့ၤသီက့ၤ ဖိတဂၤစုာ်စုာ်လၢ ကျဲလၢလီၤဆီလိာ်အသးလဲၣ်.

• ဒ်သိးဖိတဖၣ်​ လဲၤခီဖျိတၢ်မၤကွၢ်တဖၣ်ကန့ၢ်အဂီၢ် မိၢ်ပၢ်တဖၣ်​ မၤစၢၤအဝဲသ့ၣ်ကသ့ဒ်လဲၣ်.

• ဒ်သိးနဖိတဖၣ်ကကဲထီၣ်​ ယဟိဝၤယွၤအတံၤသကိးအဂီၢ် မ့ၢ်နသူန့ၢ်အီၤ တၢ်ကရၢကရိ အတၢ်ပီးတၢ်လီမနုၤတဖၣ်လဲၣ်.