တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | လူၤကၣ် ၈–၉
ပိာ်ယခံတက့ၢ်—တၢ်မနုၤလိၣ်ဝဲလဲၣ်
ပှၤထဲၣ်စံာ်ဖိတဂၤန့ၣ် ဒ်သိးအထဲၣ်ကျိၤကလဲၤအသးဘျၢဘျၢအဂီၢ် ကွၢ်လီၤအလီၢ်ခံဒီး ဆိကမိၣ်တၢ်အဂၤတသ့ဘၣ်. ဒ်န့ၣ်အသိး ခရံာ်ဖိတဂၤန့ၣ် ဆိကမိၣ်ထီၣ်က့ၤဝဲ တၢ်လၢအပာ်တ့ၢ်ကွံာ်ဝဲတဖၣ် ဒီးပျဲဝဲတၢ်သ့ၣ်တဖၣ်န့ၣ် မၤတံာ်တာ်အီၤတသ့ဘၣ်.—ဖံလံး. ၃:၁၃.
ဖဲပထံၣ်ဘၣ်တၢ်ကီတၢ်ခဲအခါ ဘၣ်သ့ၣ်သ့ၣ် ပကသ့ၣ်နီၣ်ထီၣ်က့ၤ ‘တၢ်ဆၢကတီၢ်အဂ့ၤ’ လၢအမ့ၢ်မုၢ်နံၤလၢ တချုးပဒိးန့ၢ်ဘၣ် တၢ်မ့ၢ်တၢ်တီအခါဒံးဘၣ်န့ၣ်လီၤ. ဖဲန့ၣ်အဆၢကတီၢ် ပကဆိကမိၣ်ဘၣ်ထဲ တၢ်သူၣ်ခုသးခုလၢအပူၤကွံာ်တဖၣ် ဒီးမ့မ့ၢ်တၢ်ကီတၢ်ခဲလၢ ပထံၣ်ဘၣ်အီၤလၢ အပူၤကွံာ်တဖၣ်န့ၣ် ပတဆိကမိၣ်ထီၣ်အီၤအါအါလၢၤဘၣ်. ပှၤအံၣ်စရ့လးဖိတဖၣ် ဟးထီၣ်လၢ ကီၢ်အဲၤကူပတူးဝံၤအလီၢ်ခံ အဝဲသ့ၣ်မၤဝဲဒ်န့ၣ်အသိးလီၤ. (၄ မိၤ. ၁၁:၅, ၆) တၢ်ဆိကမိၣ်ဒ်အံၤတဖၣ် မ့ၢ်ဟဲနုာ်လီၤလၢပသးပူၤန့ၣ် ညီလၢပကအဲၣ်ဒိးအိၣ်မူက့ၤ ဒ်လၢညါအသိးန့ၣ်လီၤ. လၢတၢ်န့ၣ်အဃိ ဆၢကတီၢ်ခဲအံၤ ပမ့ၢ်ဂံၢ်ထီၣ်ဒွးထီၣ် တၢ်ဆိၣ်ဂ့ၤလၢပဒိးန့ၢ်ဘၣ်ခဲအံၤတဖၣ် ဒီးပမ့ၢ်သးစၢၢ်ဆၢတၢ်ဆိၣ်ဂ့ၤ လၢပကဒိးန့ၢ်ဘၣ်လၢ ခါဆူညါယွၤအဘီအမုၢ် အတၢ်ပၢဖီလာ်န့ၣ် ကဂ့ၤဝဲလီၤ.—၂ ကရံၣ်. ၄:၁၆-၁၈.