အိၣ်မူဒ် ခရံာ်ဖိအသိး
ဃုထၢတၢ်မၤမုာ်မၤဖှံသးလၢ တၢ်ကူၣ်သ့အပူၤ
ဘၣ်မနုၤအဃိ ပကဘၣ်ဃုထၢတၢ်မၤမုာ်မၤဖှံသးလၢ တၢ်ကူၣ်သ့အပူၤလဲၣ်. မ့ၢ်လၢ တၢ်ဂီၤမူလၢပကွၢ်, တၢ်သးဝံၣ်လၢပကနၣ်, ပှာ်ယဲၤသန့လၢ ပနုာ်လီၤကွၢ်, လံာ်လၢပဖး မ့တမ့ၢ် ဝံၣ်ဒံၣ်အိၣ် က့(မ်) လၢပလိာ်ကွဲတဖၣ်န့ၣ် နုာ်လီၤတုၤ လၢပသးပူၤသ့အဃိလီၤ. တၢ်လၢပဃုထၢတဖၣ်န့ၣ် မၤဘၣ်ဒိပတၢ်ပာ်သူၣ်ပာ်သးသ့လီၤ. လီၤသးအုးဒိၣ်မးလၢ မုၢ်မဆါတနံၤအံၤ တၢ်မၤမုာ်မၤဖှံသးတဖၣ်န့ၣ် ပၣ်ဃုာ်ဒီးတၢ်လၢ ယဟိဝၤယွၤသးဟ့ဝဲတဖၣ်လီၤ. (စံး. ၁၁:၅; ကလၤ. ၅:၁၉-၂၁) လၢတၢ်န့ၣ်အဃိ လံာ်စီဆှံဟ့ၣ်ဂံၢ်ဟ့ၣ်ဘါပှၤလၢ ပကဆဲးဆိကမိၣ်ထံ တၢ်လၢကမၤလၤကပီၤ ယဟိဝၤယွၤအဂီၢ်လီၤ.—ဖံလံး. ၄:၈.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ယကြၢးဃုထၢ တၢ်မၤမုာ်မၤဖှံသးဒ်လဲၣ် ဒီးစံးဆၢတၢ်သံကွၢ်တဖၣ်အံၤတက့ၢ်–
မုၢ်မဆါတနံၤအံၤ တၢ်မၤမုာ်မၤဖှံသးတနီၤ လီၤဂာ်လိာ်အသးဒီး လၢပျၢၤပှၤရိမ့ၤဖိတဖၣ် အတၢ်လိာ်ကွဲလၢ အဘၣ်ဃးဒီး တၢ်မၤသံမၤဝီလိာ်သးဒ်လဲၣ်.
ပှၤသးစၢ်တဖၣ် ဃုထၢဝဲ တၢ်မၤမုာ်မၤဖှံသးလၢ တၢ်ကူၣ်သ့အပူၤကသ့အဂီၢ် ဒီပုၢ်ဝဲၢ်လၢ တၢ်အိၣ်ဖှိၣ်အပူၤတဖၣ် မၤစၢၤဝဲကသ့ဒ်လဲၣ်.
ရိမ့ၤ ၁၂:၉ န့ၣ်ကြၢးကဲဘျုးလၢ ပတၢ်ဃုထၢတၢ်မၤမုာ်မၤဖှံသးအဂီၢ်ဒ်လဲၣ်.
လၢနလီၢ်ကဝီၤန့ၣ် တၢ်မၤမုာ်မၤဖှံသးတနီၤလၢ အကဲဘျုးန့ၣ် မ့ၢ်မနုၤလဲၣ်.