အိၣ်ဒီးတၢ်ဒိသူၣ်ဒိသး

တၢ်ဒိသူၣ်ဒိသးန့ၣ်​ မ့ၢ်တၢ်သ့တၢ်ဘၣ်လၢ ပနၢ်ပၢၢ်ပှၤဂၤ အတၢ်ဆိကမိၣ်, အတၢ်တူၢ်ဘၣ်, တၢ်လၢအပာ်လုၢ်ပာ်ပှ့ၤဝဲ ဒီးအတၢ်လိၣ်ဘၣ်တဖၣ်လီၤ. ပမ့ၢ်ဒိသူၣ်ဒိသးပှၤဂၤန့ၣ်​ ပှၤဂၤသ့ၣ်ညါဝဲသ့လီၤ. ပမ့ၢ်အဲၣ်ဒိးမၤစၢၤ ပှၤဂၤနီၢ်နီၢ်န့ၣ်​ ပကအိၣ်ဒီး တၢ်ဒိသူၣ်ဒိသးလၢ အဝဲအဖီခိၣ်လီၤ. ဖဲပပာ်ဖျါ တၢ်ဒိသူၣ်ဒိသးလၢ တၢ်စံၣ်တဲၤတဲလီၤ တၢ်မၤပူၤအခါ မ့ၢ်ဒၣ်ပကွၢ်လိမၤဒိး ယဟိဝၤယွၤ အတၢ်အဲၣ်, အတၢ်ကဟုကယာ် ဒီးတၢ်အံၤကထုးန့ၢ်ပှၤဂၤအသးလၢ ကအဲၣ်ဒိး သ့ၣ်ညါထီၣ်​ ယဟိဝၤယွၤအဂ့ၢ်လီၤ.—ဖံလံး ၂:၄.

တၢ်ပာ်ဖျါ တၢ်ဒိသူၣ်ဒိသးန့ၣ်​ တမ့ၢ်ထဲဒၣ်​ ကျဲတဘိလၢ ပသူအီၤလၢ ပကသိၣ်လိပှၤဂၤအဂီၢ်ဘၣ်. ပပာ်ဖျါထီၣ်​ တၢ်ဒိသူၣ်ဒိသး ခီဖျိ ပဒိကနၣ်တၢ်လၢ တၢ်သူၣ်အိၣ်သးအိၣ်အပူၤ လီၤတံၢ်လီၤဆဲးလီၤ. ပပာ်ဖျါထီၣ်​ တၢ်ဒိသူၣ်ဒိသးလၢ ပတၢ်ပာ်သူၣ်ပာ်သး, ပတၢ်နဲၣ်စုနဲၣ်ခီၣ်, ဒီးပတၢ်ပာ်မဲာ်ပာ်နါလီၤ. ပပာ်ဖျါထီၣ်​ တၢ်ဒိသူၣ်ဒိသး ခီဖျိ ပပာ်ဖျါထီၣ်​ တၢ်သူၣ်အိၣ်သးအိၣ်ပှၤဂၤနီၢ်နီၢ်လီၤ. ပပာ်သူၣ်ပာ်သး တၢ်လၢအဝဲသ့ၣ်သးအိၣ်ဝဲ, အတၢ်စူၢ်တၢ်နာ် ဒီးအတၢ်အိၣ်သးလီၤ. ပတဲဘၣ်ပှၤဂၤလၢ တၢ်ဂ့ၢ်တၢ်ကျိၤလၢ အဘျုးအိၣ်​ သနာ်က့ ပတမၢဆူၣ်ပှၤဂၤလၢ ကဆီတလဲအသးဘၣ်. ဖဲပှၤလၢပစံၣ်တဲၤတဲလီၤအီၤတဖၣ်​ တူၢ်လိာ်ပတၢ်မၤစၢၤအခါ မၤအါထီၣ်ပတၢ်သးခုလၢ တၢ်စံၣ်တဲၤတဲလီၤတၢ်မၤအပူၤလီၤ.

ကွၢ်တၢ်ဂီၤမူလၢအမ့ၢ် ဒ်သိးနကအိၣ်ဒီး တၢ်သူၣ်ခုသးခုလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်— မၤဂ့ၤထီၣ်နတၢ်သ့တၢ်ဘၣ်တဖၣ်— အိၣ်ဒီးတၢ်ဒိသူၣ်ဒိသး ဒီးစံးဆၢတၢ်သံကွၢ်တဖၣ်အံၤ–

• 

  ဖဲဖီဒ့ၣ်ညါ စဲၤခံအခါ နံထၣ်​ ပာ်ဖျါထီၣ်​ တၢ်ဒိသူၣ်ဒိသးဒ်လဲၣ်.

• 

  ဖဲဖီဒ့ၣ်ညါ တဲဝဲလၢ အဝဲအိၣ်ဒီးတၢ်ကိၢ်တၢ်ဂီၤအါမး ဒီးမၤလိတၢ်တချုးဘၣ်အခါ နံထၣ်ပာ်ဖျါထီၣ်​ တၢ်ဒိသူၣ်ဒိသးဒ်လဲၣ်.

• 

  ဖဲဖီဒ့ၣ်ညါ တဲဝဲလၢ အဝဲရဲၣ်လီၤကျဲၤလီၤတၢ် တသ့ဂ့ၤဂ့ၤဘၣ်အခါ နံထၣ်​ ပာ်ဖျါထီၣ်​ တၢ်ဒိသူၣ်ဒိသးဒ်လဲၣ်.