အိၣ်မူဒ် ခရံာ်ဖိအသိး
ဒီပုၢ်ဝဲၢ်မုၣ်တဖၣ် မၤအါထီၣ် ယဟိဝၤယွၤ အတၢ်မၤကသ့ဒ်လဲၣ်
ဒီပုၢ်ဝဲၢ်မုၣ်တဖၣ် ပၣ်ဃုာ်လၢ ကစၢ်ယွၤ အတၢ်မၤလၢ သနၢၣ်လၢအရ့ဒိၣ်တဖၣ် အကျါလီၤ. (စံး. ၆၈:၁၁) အဝဲသ့ၣ်အိၣ်ဒီး ပှၤမၤလိလံာ်စီဆှံဖိအါမး. ဒီးပှၤမၤပှၤလဲၤလၢညါအါတက့ၢ်န့ၣ် မ့ၢ်ဝဲဒီပုၢ်ဝဲၢ်မုၣ်တဖၣ်လီၤ. ဒီပုၢ်ဝဲၢ်မုၣ်လၢအကထိတဖၣ်န့ၣ် မၤတၢ်ဆူၣ်ဆူၣ်လၢ ဘ့ၤသ့လး, မံၤၡၢၤနရံၤ, တၢ်သူၣ်ထီၣ်ဘှီထီၣ်တၢ်မၤ ဒီးတၢ်ကွဲးကျိာ်ထံတၢ်မၤတဖၣ်. ဒီးဒီပုၢ်ဝဲၢ်မုၣ်လၢ အဒိၣ်တုာ်ခိၣ်ပှဲၤလၢ နီၢ်သးတခီန့ၣ် ဟ့ၣ်ဂံၢ်ဟ့ၣ်ဘါ အဟံၣ်ဖိဃီဖိ ဒီးတၢ်အိၣ်ဖှိၣ်လီၤ. (ကတိၤ. ၁၄:၁) ဒီပုၢ်ဝဲၢ်မုၣ်တဖၣ် မၤတၢ်ဒ် တၢ်အိၣ်ဖှိၣ်သးပှၢ် မ့တမ့ၢ် တၢ်အိၣ်ဖှိၣ်အပှၤမၤစၢၤတၢ်အသိး တသ့ဘၣ်သနာ်က့ အဝဲသ့ၣ် ပာ်လီၤဖီတၢၣ်တဖၣ်လၢ တၢ်အိၣ်ဖှိၣ်အပူၤသ့လီၤ. နမ့မ့ၢ်ဒီပုၢ်ဝဲၢ်မုၣ်တဂၤန့ၣ် ကျဲတနီၤလၢ နမၤအါထီၣ်ကစၢ်ယွၤ အတၢ်မၤသ့န့ၣ် မ့ၢ်မနုၤလဲၣ်.
မၤအါထီၣ် ခရံာ်ဖိအတၢ်ဂ့ၤတၢ်ဝါတဖၣ်—၁ တံၤ. ၃:၁၁; ၁ ပ့း. ၃:၃-၆
မၤစၢၤဒီပုၢ်ဝဲၢ်မုၣ်လၢ တၢ်အိၣ်ဖှိၣ်အပူၤ လၢအတၢ်လဲၤခီဖျိစှၤတဖၣ်—တံ. ၂:၃-၅
ဂုာ်ကျဲးစၢး ပၣ်ဃုာ်အါထီၣ်လၢ တၢ်စံၣ်တဲၤတဲလီၤတၢ်မၤအပူၤ ဒီးမၤအီၤတုၤလီၤတီၤလီၤ
မၤလိ ကျိာ်အဂၤ
လဲၤမၤစၢၤတၢ်လၢ တၢ်လီၢ်လၢအလိၣ်ဘၣ် တၢ်မၤစၢၤ
တီၣ်ထီၣ်လံာ်ပတံထီၣ်လၢ ဘ့ၤသ့လး တၢ်မၤအဂီၢ် မ့တမ့ၢ် မၤစၢၤတၢ်လၢ တၢ်သူၣ်ထီၣ်ဘှီထီၣ် တၢ်ဘူၣ်ထီၣ်ဘါထီၣ်အလီၢ်
တီၣ်ထီၣ်လံာ်ပတံထီၣ်လၢ ပှၤစိာ်ဘီမုၢ်တၢ်သးခုကစီၣ်ဖိအကၠိအဂီၢ်
ကွၢ်တၢ်ဂီၤမူလၢအမ့ၢ် “ပိာ်မုၣ်လၢ အမၤတၢ်ဆူၣ်ဆူၣ်လၢ ကစၢ်အပူၤ” ဒီးစံးဆၢတၢ်သံကွၢ်တဖၣ်အံၤ–
ဒီပုၢ်ဝဲၢ်မုၣ်တဂၤစုာ်စုာ် အတၢ်ကတိၤတဖၣ်န့ၣ် ဟ့ၣ်ဂံၢ်ဟ့ၣ်ဘါနၤဒ်လဲၣ်.