အိၣ်မူဒ် ခရံာ်ဖိအသိး
နအိၣ်ကတဲာ်ကတီၤသးလၢ ကျိၣ်စ့တၢ်ကီတၢ်ခဲအဂီၢ်လံဧါ
ပသ့ၣ်ညါလၢ ပအိၣ်မူဘၣ်လၢ တၢ်အကတၢၢ် ဘူးကတုၤ အဆၢကတီၢ်. ဒီးလံာ်စီဆှံ ဟ့ၣ်ပလီၢ်ပှၤလၢ ပတဘၣ်သန့ၤပသးလၢ “တၢ်ထူးတၢ်တီၤလၢ အဟးဂီၤသ့” ဘၣ်. (၁ တံၤ ၆:၁၇; ၂ တံၤ ၃:၁) အဃိ ဖဲပထံၣ်ဘၣ် ကျိၣ်စ့တၢ်ကီတၢ်ခဲ အိၣ်ထီၣ်လၢ ဟီၣ်ခိၣ်ဒီဘ့ၣ်အခါ ပတကမၢကမၣ်ဘၣ်. စီၤပၤယဟိၤၡၤဖး အဒိအတဲာ်န့ၣ် သိၣ်လိပှၤလၢ ပကဘၣ် ကတဲာ်ကတီၤပသးလၢ ကျိၣ်စ့အတၢ်ကီတၢ်ခဲအဂီၢ်ဒ်လဲၣ်.
ဖဲစီၤပၤယဟိၤၡၤဖး ထံၣ်ဘၣ်ဒီး ဒုၣ်ဒါအတၢ်မၤပျံၤမၤဖုးအခါ အဝဲသန့ၤအသးလၢ ယဟိဝၤယွၤ. (၂ ကွဲး ၂၀:၉-၁၂) အဝဲ မၤဂၢၢ်ကျၢၤထီၣ် ဝ့ၢ်တဖၣ် ဒီးဆီလီၤဝဲ သုးခိးတၢ်အလီၢ်တဖၣ် ဒ်သိးအကမၤစၢၤ ပှၤဂီၢ်မုၢ်လၢ ကအိၣ်ကတဲာ်ကတီၤဆိပာ်စၢၤအသးအဂီၢ်. (၂ ကွဲး ၁၇:၁, ၂, ၁၂, ၁၃) ဒ်စီၤယဟိၤၡၤဖးအသိး ပကဘၣ်နာ်န့ၢ် ယဟိဝၤယွၤ ဒီးအိၣ်ကတဲာ်ကတီၤပာ်စၢၤပသး လၢတၢ်ကီတၢ်ခဲလၢ ပကထံၣ်ဘၣ်တဖၣ်အဂီၢ်.
ကွၢ်တၢ်ဂီၤမူလၢအမ့ၢ် မ့ၢ်နအိၣ်ကတဲာ်ကတီၤနသးလၢ တၢ်ဘၣ်ဒိဘၣ်ထံးလၢန့ဆၢၣ်အဃိလံဧါ ဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–
ပအိၣ်ကတဲာ်ကတီၤပသးလၢ န့ဆၢၣ်တၢ်ဘၣ်ဒိဘၣ်ထံးအဂီၢ် ကသ့ဒ်လဲၣ်.
ပအိၣ်ကတဲာ်ကတီၤပသးလၢ ပကမၤစၢၤပှၤဂၤအဂီၢ် ကသ့ဒ်လဲၣ်.