အိၣ်မူဒ် ခရံာ်ဖိအသိး
လၢတၢ်မၤအနံၣ် လၢခံတနံၣ်အဂီၢ်န့ၣ် နဖီတၢၣ်အိၣ်ဒ်လဲၣ်
ဖီတၢၣ်တမံၤဂ့ၤတမံၤဂ့ၤလၢ ပပာ်လီၤအီၤ ဒ်သိး ပကမၤအါထီၣ်ဘၣ် ယဟိဝၤယွၤ အတၢ်မၤ ဒီးမၤသးခုအီၤန့ၣ် အကဲဝဲ နီၢ်သးအဖီတၢၣ်. ဖီတၢၣ်တခါအံၤန့ၣ် ကမၤစၢၤပှၤ ဒ်သိး ပကကဲထီၣ် ခရံာ်ဖိလၢ အဒိၣ်တုာ်ခိၣ်ပှဲၤအဃိ ပမ့ၢ်ဘၣ်ဟ့ၣ် ပတၢ်ဆၢကတီၢ် ဒီးထဲးဂံၢ်ထဲးဘါနာ်က့ အတကဲထီၣ် တၢ်ခီလီလီဘၣ်. (၁ တံၤ ၄:၁၅) ဘၣ်မနုၤအဃိ ပကဘၣ် ဆိကမိၣ်ထံက့ၤ ပဖီတၢၣ် ထီဘိလဲၣ်. ခီဖျိလၢ တၢ်အိၣ်သးတဖၣ် ဆီတလဲသ့အဃိ ဘၣ်သ့ၣ်သ့ၣ် ပဖီတၢၣ်လၢ အပူၤကွံာ်တဖၣ်န့ၣ် တလိၣ်လၢၤဘၣ် မ့တမ့ၢ် ပမၤလၢပှဲၤအီၤတသ့လၢၤဘၣ်. ဒီးအဂၤတခါန့ၣ် ဘၣ်သ့ၣ်သ့ၣ် ပမၤလၢပှဲၤပဖီတၢၣ်န့ၢ်လံ. လၢတၢ်ဂ့ၢ်တဖၣ်အံၤအဃိ ပကဘၣ်ဆိကမိၣ်ထံက့ၤ ပဖီတၢၣ်ဒီး ပာ်လီၤဖီတၢၣ်လၢအဂၤ.
တချုးလၢ တၢ်မၤအနံၣ် အသီတနံၣ် စးထီၣ်ဒံးဘၣ်န့ၣ် ပမ့ၢ်ဆိကမိၣ်ထံ ပဖီတၢၣ်အဂ့ၢ်န့ၣ် မ့ၢ်ဝဲတၢ်ဆၢကတီၢ်လၢအဂ့ၤဒိၣ်မး. ဒီးဖဲဟံၣ်ဖိဃီဖိ တၢ်မၤလိလံာ်စီဆှံ အဆၢကတီၢ် ပတဲသကီး ဖီတၢၣ်အဂ့ၢ်သ့ ဒီးပပာ်လီၤဖီတၢၣ်လၢ နီၢ်ကစၢ်အဂီၢ် ဒီးဖီတၢၣ်လၢ ဟံၣ်ဖိဃီဖိတဖၣ် ကဘၣ်မၤသကီးဝဲအဂီၢ်သ့.
ဘၣ်ဃးဒီး တၢ်ဂ့ၢ်လၢ တၢ်ဖီလာ်တဖၣ်အံၤန့ၣ် နအိၣ်ဒီးဖီတၢၣ်ဒ်လဲၣ် ဒီးနရဲၣ်ကျဲၤလၢ နကမၤလၢပှဲၤ ဖီတၢၣ်တဖၣ်အံၤဒ်လဲၣ်.
တၢ်ဖးလံာ်စီဆှံ, နီၢ်ကစၢ် တၢ်မၤလိလံာ်စီဆှံ, ထီၣ်တၢ်အိၣ်ဖှိၣ်, ဟ့ၣ်တၢ်စံးဆၢ.—တၢး၀၂ ၆/၁၅ ၁၅ ¶၁၄-၁၅
တၢ်စံၣ်တဲၤတဲလီၤတၢ်မၤ.—တၢး၂၃.၀၅ ၂၇ ¶၄-၅
ခရံာ်ဖိ အတၢ်ဂ့ၤတၢ်ဝါတဖၣ်.—တၢး၂၂.၀၄ ၂၃ ¶၅-၆
အဂၤ–