တၢ်သးဟ့ပှၤဂၤန့ၣ် ပမၤလီၤမၢ်ကွံာ်သ့

ပှၤမ့ၢ်တသးဟ့နၤဘၣ် သနာ်က့ ဘၣ်သ့ၣ်သ့ၣ် လၢတၢ်အိၣ်သးတခါခါ အဖီခိၣ် နကထံၣ်ဘၣ် ပှၤသးဟ့ပှၤဂၤ. လၢတၢ်ကစီၣ်အပူၤန့ၣ် ပထံၣ်ဘၣ် ဒီးပနၢ်ဟူဘၣ်လၢ ပှၤသးဟ့ဝဲ ပှၤလၢအဟဲလၢထံကီၢ်အဂၤ, ပှၤကွၢ်ဒိၣ်ဆံးအါစှၤကလုာ်ဒူၣ် ဒီးပှၤထံၣ်ဆံး ပှၤလၢ အကဲ ပိာ်မုၣ်သကီးပိာ်မုၣ် ဒီးပိာ်ခွါသကီးပိာ်ခွါ အဲၣ်လိာ်သး. အဃိ ပဒိၣ်ပပှၢ်တဖၣ် ဒုးအိၣ်ထီၣ်ဝဲ တၢ်သိၣ်တၢ်သီ ဒ်သိး ကမၤလီၤမၢ်ကွံာ်ဝဲ တၢ်လၢအဒုးအိၣ်ထီၣ် တၢ်သးဟ့တဖၣ်အံၤ.

ပှၤတဂၤဂၤလၢ ပှၤသးဟ့အီၤန့ၣ် အါတက့ၢ် လၢခံအသးဟ့က့ၤပှၤဂၤ ဒီးက့ၤမၤကၣ်က့ၤတၢ်. အဃိ ခဲအံၤ ပထံၣ်ဘၣ် ပှၤသးဟ့လိာ်သး အါထီၣ်မၣ်အါထီၣ်လီၤ.

ပှၤလၢအသးဟ့နၤန့ၣ် အကဆိမိၣ်ဆံးနၤ, ထံၣ်ကမၣ်နၤ, မၤမဲာ်ဆှးနၤ, တဲဆါနၤ ဒီးတဲပျံၤတဲဖုးနၤ. တကးဒံးဘၣ် ကမၤနၢၤအီၣ်နၤ, မၤဆါနၤ, မၤတရီတပါနၤ ဒီးဘၣ်သ့ၣ်သ့ၣ် တုၤလၢ ကမၤလီၤတူာ် နကလုာ်ဒူၣ်လီၤ.

လံာ်တဘ့ၣ်အံၤ ကပာ်ဖျါထီၣ်န့ၢ်ပှၤ တၢ်သံကွၢ်လၢလာ်တဖၣ်အံၤ အတၢ်စံးဆၢ. ဒီးတကးဒံးဘၣ် ကပာ်ဖျါထီၣ်န့ၢ်ပှၤလၢ ပမၤလီၤမၢ်ကွံာ် တၢ်သးဟ့ပှၤဂၤ ကသ့ဒ်လဲၣ်–

• ဘၣ်မနုၤအဃိ တၢ်သးဟ့ အိၣ်အါထဲအံၤညါလဲၣ်.

• ပမၤလီၤမၢ်ကွံာ် တၢ်သးဟ့ပှၤဂၤ ကသ့ဒ်လဲၣ်.

• နဆိကမိၣ် မ့ၢ်တၢ်သးဟ့န့ၣ် လီၤမၢ်ကွံာ် ကန့ၢ်ဒံးဧါ.