တၢ်ဟ့ၣ်ကူၣ်လၢ တၢ်မၤလိအဂီၢ်
လံာ်စီဆှံအဆၢတဖၣ် အခီပညီ လၢအအိၣ်လၢ လံာ်နဲၣ်ကျဲလၢ ယဟိဝၤပှၤအုၣ်အသးတဖၣ် ကဃုသ့ၣ်ညါတၢ်အဂီၢ် န့ၣ်နထံၣ်လၢ အကဲဘျုးလၢနဂီၢ်ဧါ.
လံာ်စီဆှံအဆၢတဖၣ် အခီပညီ လၢအအိၣ်လၢ လံာ်နဲၣ်ကျဲအပူၤန့ၣ် ကမၤစၢၤနၤဒ်သိး နကဃုအါထီၣ် ဒီးနၢ်ပၢၢ်အါထီၣ် နီၢ်သးတၢ်လုၢ်ဒိၣ်ပှ့ၤဒိၣ် လၢလံာ်စီဆှံအပူၤ. နကထံၣ်ဘၣ် လံာ်စီဆှံ တဆၢဘၣ်တဆၢ ဒီးတၢ်ဂ့ၢ်အဂၤ ဒ်သိးဒီး ဖဲပှၤကွဲး လံာ်စီဆှံတဆၢအံၤအခါ တၢ်အိၣ်သးအိၣ်ဒ်လဲၣ်, ဘၣ်မနုၤအဃိ ပှၤကွဲးဝဲ လံာ်စီဆှံတဆၢအံၤလဲၣ်, ပှၤကွဲးဝဲလၢ မတဂၤအဂီၢ်လဲၣ် ဒီးနကထံၣ်ဘၣ်စ့ၢ်ကီး တၢ်ကတိၤတဖျၢၣ်ဖျၢၣ် အခီပညီ လၢလံာ်စီဆှံတဆၢဂ့ၤ တဆၢဂ့ၤအဂီၢ်.
လၢ တၢးထီခိးတၢ် ONLINE လံာ်ရိဒၢး™ ဒီး JW Library® ခံခါလၢာ်န့ၣ် နကထံၣ် လံာ်နဲၣ်ကျဲလၢ ကဃုသ့ၣ်ညါတၢ်အဂီၢ် ဖျါထီၣ်လၢ စုထွဲတခီ လၢလံာ်စီဆှံတဆၢဆၢအဂီၢ်. နမ့ၢ်ဆီၣ်လီၤအီၤန့ၣ် နကထံၣ်ဘၣ် တၢ်ဂ့ၢ်ဘျးစဲလိာ်သးတဖၣ်လၢ လံာ်စီဆှံလၢ နဃုသ့ၣ်ညါအါထီၣ်အီၤတဆၢန့ၣ်အဂီၢ်.
ဖဲနကွၢ် တၢ်ဂ့ၢ်ဘျးစဲလိာ်သးတဖၣ်အခါ ပလီၢ်သးလၢ မုၢ်နံၤမုၢ်သီစ့ၢ်ကီး. လံာ်လဲၢ်လၢ ပှၤထုးထီၣ်ဝဲ လၢခံကတၢၢ်န့ၣ် ကဖျါထီၣ်လၢ တၢ်ဖီခိၣ်ကတၢၢ်. ဒီးနမ့ၢ်သုးလီၤလၢ တၢ်ဖီလာ်ကတၢၢ်န့ၣ် နကထံၣ်ဘၣ် လံာ်လဲၢ်လီၢ်လံၤတဖၣ် လၢအအိၣ်ဒီးတၢ်နၢ်ပၢၢ်လီၢ်လံၤ ဘၣ်ဆၣ် တၢ်ဂ့ၢ်တဖၣ်န့ၣ် ပှၤပာ်ဖျါထီၣ်စ့ၢ်ကီး တၢ်နၢ်ပၢၢ်အသီလံ.
လၢ တၢးထီခိးတၢ် ONLINE လံာ်ရိဒၢးန့ၣ် နဃုကွၢ် လံာ်စီဆှံအဆၢတဖၣ် အခီပညီ လၢ လံာ်နဲၣ်ကျဲလၢ ကဃုသ့ၣ်ညါတၢ်အဂီၢ် အပူၤသ့ ဒီးနတလိၣ်ဒီလိးအီၤဘၣ်.
ဘၣ်ဆၣ် ဒ်သိးတၢ်ဂ့ၢ်ဘျးစဲလိာ်သး လၢလံာ်စီဆှံတဆၢဘၣ်တဆၢ ကဖျါထီၣ်အဂီၢ်လၢန JW Library အပူၤန့ၣ် နကဘၣ်ဒီလိး လံာ်နဲၣ်ကျဲလၢ ကဃုသ့ၣ်ညါတၢ်အဂီၢ်. တၢ်ဂ့ၢ်အသီ မ့ၢ်ဟဲထီၣ်န့ၣ် နဘၣ်ဒီလိးစ့ၢ်ကီး. နဒီလိးပာ်စၢၤ တၢ်ဂ့ၢ်ဘျးစဲလိာ်သး လၢလံာ်စီဆှံ တဆၢဒိၣ်ဂ့ၤတဆၢဒိၣ်ဂ့ၤ အဂီၢ်သ့.