၂၀၂၃ န့ၣ် ပအိၣ်ဒီးတၢ်မုၢ်လၢ်လၢအဂ့ၤ ကသ့ဒံးဧါ​—⁠ဘၣ်ဃးဒီးတၢ်ဂ့ၢ်အံၤ လံာ်စီဆှံတဲဝဲဒ်လဲၣ်

ပမုၢ်လၢ်လၢ ၂၀၂၃ န့ၣ်တၢ်အိၣ်သးကဂ့ၤထီၣ်က့ၤလၢ ပနီၢ်ကစၢ် ဒီးပဟံၣ်ဖိဃီဖိအဂီၢ်. ဘၣ်မနုၤအဃိ ပမုၢ်လၢ်ဒ်န့ၣ်လဲၣ်.

လံာ်စီဆှံအၢၣ်လီၤပှၤလၢ တၢ်အိၣ်မူလၢ အလီၤသးခု လၢခါဆူညါအဂီၢ်

လံာ်စီဆှံ ပာ်ဖျါထီၣ်န့ၢ်ပှၤ တၢ်သးခုကစီၣ်လၢ တယံာ်လၢၤဘၣ် တၢ်ကီတၢ်ခဲတဖၣ်လၢ ပထံၣ်ဘၣ်ခဲအံၤန့ၣ် ကလီၤမၢ်ကွံာ်ဝဲ. ဒီးလံာ်စီဆှံန့ၣ် “ဘၣ်တၢ်ကွဲးအီၤလၢ ကသိၣ်လိပှၤအဂီၢ်လီၤ. အဃိ ပအိၣ်ဒီးတၢ်မုၢ်လၢ် ခီဖျိလၢ . . . တၢ်မၤမုာ်ထီၣ်က့ၤလၢ ပဒိးန့ၢ်ဘၣ်အီၤလၢ တၢ်ကွဲးအသးတဖၣ်အပူၤ အဃိလီၤ.”​—⁠ရိမ့ၤ ၁၅:⁠၄.

• နမ့ၢ်အဲၣ်ဒိးသ့ၣ်ညါအါထီၣ် လံာ်စီဆှံ အတၢ်အၢၣ်လီၤအီလီၤလၢ ဘၣ်ဃးဒီးခါဆူညါအဂ့ၢ်န့ၣ် ဖးတၢ်ဂ့ၢ်လၢအမ့ၢ် “တၢ်မုၢ်လၢ်လၢ ကဟဲလၢပှဲၤထီၣ်နီၢ်ကီၢ် လၢခါဆူညါအဂီၢ်.”

တၢ်မုၢ်လၢ်လၢ ကမၤစၢၤနၤလၢ ဆၢကတီၢ်ခဲအံၤ

တၢ်မုၢ်လၢ်လၢ လံာ်စီဆှံအပူၤန့ၣ် လီၤဂာ်ဒ်သိးဒီး “ပသးသမူ အနီၣ်သက့ၤ.” (ဧ့ၤဘြံၤ ၆:၁၉) လံာ်စီဆှံတၢ်အၢၣ်လီၤတဖၣ်အံၤ မၤစၢၤပှၤဒ်သိး ပလဲၤခီဖျိ ပတၢ်ကီတၢ်ခဲကန့ၢ် ဒီးပကအိၣ်ဒီးတၢ်ထံၣ်လၢအဂ့ၤ. တကးဒံးဘၣ် တၢ်အၢၣ်လီၤတဖၣ်အံၤ ဒုးနာ်န့ၢ်ပှၤ သပှၢ်တၢၢ်လၢ ပကအိၣ်ဒီး တၢ်သးခုလၢခဲအံၤ ဒီးခါဆူညါ လီၤထူလီၤယိာ်. အဒိ–

• တၢ်မုၢ်လၢ်လၢ လံာ်စီဆှံအပူၤန့ၣ် မၤစၢၤဝဲ ပိာ်ခွါလၢ အစွဲသံးတဂၤဒ်လဲၣ်. ကွၢ်တၢ်ဂီၤမူလၢအမ့ၢ် ယတအဲၣ်ဒိးအိၣ်မူဒ်သိးလၢညါလၢၤဘၣ်.

• ဖဲပှၤလၢပအဲၣ်ဘၣ်တဂၤသံအခါ တၢ်မုၢ်လၢ်လၢ လံာ်စီဆှံအပူၤန့ၣ် မၤစၢၤပှၤသ့ဒ်လဲၣ်. ကွၢ်တၢ်ဂီၤမူလၢအမ့ၢ် တၢ်မၤမုာ်ထီၣ်က့ၤ ပှၤလၢအသူၣ်အုးသးအုး.

မၤဂၢၢ်ကျၢၤထီၣ် နတၢ်နာ်

ပှၤအါဂၤန့ၣ် မုၢ်လၢ်ဝဲလၢ တၢ်အိၣ်သးကဂ့ၤထီၣ်က့ၤ. ဘၣ်ဆၣ် အဝဲသ့ၣ် အတၢ်မုၢ်လၢ် ကဟဲလၢပှဲၤထီၣ် အနီၢ်ကီၢ်ဧါ တဟဲလၢပှဲၤထီၣ်ဘၣ်ဧါန့ၣ် အဝဲသ့ၣ် တသ့ၣ်ညါဝဲလီၤတံၢ်ဘၣ်. မ့မ့ၢ် လံာ်စီဆှံအတၢ်အၢၣ်လီၤတဖၣ်န့ၣ် ကဟဲလၢထီၣ်ပှဲၤထီၣ်သပှၢ်တၢၢ်. ဘၣ်မနုၤအဃိ ပတဲဒ်န့ၣ်လဲၣ်. မ့ၢ်လၢ လံာ်စီဆှံအတၢ်အၢၣ်လီၤတဖၣ်န့ၣ် ယဟိဝၤယွၤa အၢၣ်လီၤဝဲ ဒီးယဟိဝၤယွၤန့ၣ် “အလံၣ်တၢ်လီတၢ် တသ့ဘၣ်.” (တံတူး ၁:⁠၂) ထဲဒၣ်ယဟိဝၤယွၤတဂၤန့ၣ် အိၣ်ဒီးတၢ်စိတၢ်ကမီၤလၢ ကမၤလၢပှဲၤထီၣ် အတၢ်အၢၣ်လီၤတဖၣ် ဒီး “တၢ်လၢယဟိဝၤယွၤ ဘၣ်သးမၤဝဲန့ၣ်” အမၤဝဲသ့ခဲလၢာ်.”​—⁠စံးထီၣ်ပတြၢၤ ၁၃၅:​၅, ၆.

ပဟ့ၣ်ဂံၢ်ဟ့ၣ်ဘါနၤလၢ နကဃုသ့ၣ်ညါကွၢ် ဘၣ်ဃးဒီး တၢ်မုၢ်လၢ်လၢ အအိၣ်လၢ လံာ်စီဆှံအပူၤန့ၣ် မၤစၢၤနၤ ကသ့ဒ်လဲၣ်. နမၤဂၢၢ်ကျၢၤထီၣ် နတၢ်မုၢ်လၢ်သ့ခီဖျိန ‘ဃုကွၢ် တၢ်ကွဲးအသးတဖၣ် လီၤတံၢ်လီၢ်ဆဲး.’ (မၤတၢ် ၁၇:၁၁) ဒီးပဟ့ၣ်ဂံၢ်ဟ့ၣ်ဘါနၤလၢ နကမၤလိကွၢ် တၢ်မၤလိလံာ်စီဆှံလၢ တလိၣ်ဟ့ၣ်စ့ဘၣ်. ဒီးပမုၢ်လၢ်လၢ ဖဲ ၂၀၂၃ န့ၣ် နကအိၣ်ဒီး တၢ်မုၢ်လၢ်လၢအဂ့ၤ.