တၢ်ဂ့ၢ်အဘျဲၣ်
c ပှၤကူၣ်ဘၣ်ကူၣ်သ့တဖၣ် တဲဝဲလၢ ပှၤပိာ်ခွါတဖၣ်အံၤ မၤတ့ၢ်တၢ်အၢၣ်လီၤလၢ ကကဲဝဲ ပှၤနစၤရံဖိ. (၄ မိၤ ၆:၁-၂၁) စီၤမိၤၡ့ အတၢ်သိၣ်တၢ်သီလၢ အမၢပှၤမၤဒ်န့ၣ်န့ၣ် ကတၢၢ်ကွံာ်ဝဲလံ. ဘၣ်ဆၣ် ဘၣ်သ့ၣ်သ့ၣ် စီၤပီလူး ကဆိကမိၣ်ဘၣ်ဝဲလၢ ပှၤပိာ်ခွါတဖၣ်အံၤ မၤတ့ၢ်တၢ်အၢၣ်လီၤဒီး ယဟိဝၤယွၤအဃိ အမ့ၢ်မၤလၢပှဲၤဝဲန့ၣ် တမ့ၢ်တၢ်လၢ အကမၣ်ဘၣ်. အဃိ စီၤပီလူး ဟ့ၣ်န့ၢ်အဝဲသ့ၣ် တၢ်လၢာ်ဘူၣ်လၢာ်စ့ၤ ဒီးလဲၤပိာ်အဝဲသ့ၣ်ခံ. အဝဲသ့ၣ် မၤတ့ၢ်တၢ်အၢၣ်လီၤ လၢမနုၤအဂီၢ်လဲၣ်န့ၣ် ပတသ့ၣ်ညါလီၤတံၢ်ဘၣ်. သနာ်က့ တမ့ၢ်လၢ စီၤပီလူး ကဆီၣ်ထွဲဝဲ တၢ်လုၢ်ထီၣ် ဆၣ်ဖိကီၢ်ဖိ (ဒ်ပှၤနစၤရံဖိတဖၣ် မၤဝဲအသိး) ဒ်သိး ပှၤတၢ်ဒဲးဘး ကပျၢ်ကွံာ်အဂီၢ်ဘၣ်. ယ့ၣ်ၡူးဟ့ၣ်လုၢ်ထီၣ် အနီၢ်ခိလၢ အလၢအပှဲၤဝံၤလံအဃိ တလိၣ်ပှၤဟ့ၣ်လုၢ်ထီၣ် ဆၣ်ဖိကီၢ်ဖိ လၢပှၤတၢ်ဒဲးဘး ကပျၢ်အဂီၢ်လၢၤဘၣ်. စီၤပီလူး မ့ၢ်မၤဝဲ ဒ်လဲၣ်ဂ့ၤဒ်လဲၣ်ဂ့ၤ ပနာ်သ့လၢ တမ့ၢ်လၢအကမၤဝဲ တၢ်လၢကမၤတံာ်တာ် အသးလၢအသ့ၣ်ညါဒၣ်တၢ်ဘၣ်.