တၢ်ဂ့ၢ်အဘျဲၣ်
a ယဟိဝၤယွၤ ကတဲာ်ကတီၤဝဲ တၢ်သူၣ်ခုသးခုအနံၣ် (ယူဘလံၣ်) လၢပှၤအံၣ်စရ့လးဖိတဖၣ်အဂီၢ် ဒ်သိးအဝဲသ့ၣ် ကဒိးန့ၢ်ဘၣ် တၢ်ထူၣ်ဖျဲး မ့တမ့ၢ် တၢ်သဘျ့အဂီၢ်လီၤ. ခရံာ်ဖိတဖၣ်န့ၣ် တအိၣ်လၢ စီၤမိၤၡ့အတၢ်သိၣ်တၢ်သီ အဖီလာ်လၢၤဘၣ်. ဘၣ်ဆၣ် ပကဘၣ်မၤလိ တၢ်သူၣ်ခုသးခုအနံၣ်အဂ့ၢ်န့ၣ် မ့ၢ်တၢ်လၢ အရ့ဒိၣ်ဒိၣ်မးလီၤ. တၢ်သူၣ်ခုသးခုအနံၣ်လၢ ပှၤအံၣ်စရ့လးဖိ လၢပျၢၤတဖၣ်အစိၤန့ၣ် ဒုးသ့ၣ်နီၣ်ထီၣ်ပှၤ တၢ်လၢယဟိဝၤယွၤ မၤန့ၢ်ပှၤ မနုၤတမံၤလဲၣ် ဒီးပဒိးန့ၢ်ဘၣ် အဘျုး သ့ဒ်လဲၣ်. လၢတၢ်မၤလိအံၤအပူၤ ပကတဲသကိး တၢ်ဂ့ၢ်သ့ၣ်တဖၣ်န့ၣ်လီၤ.