တၢ်ဂ့ၢ်အဘျဲၣ်
a တၢ်မၤလိလၢအပူၤကွံာ်တခါန့ၣ် ပတဲသကိးဘၣ်တၢ်ဂ့ၢ်လွံၢ်ထံၣ် လၢဘၣ်မနုၤအဃိ ပှၤတတူၢ်လိာ် ယ့ၣ်ၡူးဘၣ်လဲၣ်ဒီး မုၢ်မဆါတနံၤအံၤ ဘၣ်မနုၤအဃိ ပှၤတတူၢ်လိာ် ပတၢ်ကစီၣ်ဘၣ်လဲၣ်န့ၣ်လီၤ. လၢတၢ်မၤလိအံၤအပူၤ ပကတဲသကိးအါထီၣ် တၢ်ဂ့ၢ်လွံၢ်ထံၣ်လီၤ. တကးဒံးဘၣ် ပကတဲသကိး ဘၣ်မနုၤအဃိ ပှၤလၢအအဲၣ် ယဟိဝၤယွၤတဖၣ် တပျဲဝဲလၢ တၢ်တမံၤဂ့ၤတမံၤဂ့ၤ ကမၤလီၤဃံၢ် အဝဲသ့ၣ်ဘၣ်လဲၣ်န့ၣ်လီၤ.