တၢ်ဂ့ၢ်အဘျဲၣ်
a တဘျီတခီၣ် ပပျံၤတၢ်န့ၣ် တကမၣ်ဘၣ်. အမၤစၢၤပှၤဒ်သိး ပကဟးဆှဲး တၢ်လီၤဘၣ်ယိၣ်သ့ၣ်တဖၣ်. ဘၣ်ဆၣ် ပမ့ၢ်ပျံၤတၢ်အါတလၢန့ၣ် အမၤဘၣ်ဒိပှၤသ့. ဘၣ်မနုၤအဃိ ပတဲဒ်န့ၣ်လဲၣ်န့ၣ် မ့ၢ်လၢမုၣ်ကီၤလံၢ် ဂုာ်ကျဲးစၢး မၤပျံၤမၤဖုးပှၤ ဒ်သိးဒီး ပကဆၢတဲာ် ကမၣ်ဘၣ်တၢ်အဂီၢ်. အဃိန့ၣ် အရ့ဒိၣ်ဒိၣ်မးလၢ ပကဘၣ်ဂုာ်ကျဲးစၢး မၤလီၤမၢ်ကွံာ် တၢ်ပျံၤတၢ်ဖုး. ဘၣ်ဆၣ် တၢ်မနုၤကမၤစၢၤပှၤလၢ ပကမၤလီၤမၢ်ကွံာ် ပတၢ်ပျံၤတၢ်ဖုးအဂီၢ်လဲၣ်. လၢတၢ်မၤလိတခါအံၤအပူၤန့ၣ် ပကသ့ၣ်ညါဘၣ်လၢ ပမ့ၢ်နာ်နီၢ်ကီၢ်လၢ ယဟိဝၤယွၤ အိၣ်ဒီးပှၤ ဒီးအဲၣ်ပှၤန့ၣ် ပမၤလီၤမၢ်ကွံာ် ပတၢ်ပျံၤတၢ်ဖုး တမံၤဂ့ၤ တမံၤဂ့ၤသ့.