တၢ်ဂ့ၢ်အဘျဲၣ်

a လံာ်စီဆှံတနီၤနီၤန့ၣ် ပာ်ဃုာ်ဒီး ယိၤဟၣ် ၇:၅၃–၈:၁၁ လီၤ. ဘၣ်ဆၣ် လံာ်စီဆှံလၢတၢ်ကွဲးအီၤအခီၣ်ထံးအပူၤန့ၣ် အဆၢဖိတဖၣ်အံၤတအိၣ်ဘၣ်. ဒီးပှၤတနီၤလၢ အဖးဘၣ်ဝဲလံာ်စီဆှံအဆၢတဖၣ်အံၤန့ၣ် နၢ်ပၢၢ်ကမၣ်ဝဲလံာ်စီဆှံအဆၢဖိတဖၣ်အံၤလီၤ. ဒီးအဝဲသ့ၣ်ဆိကမိၣ်ဝဲလၢ ထဲဒၣ်ပှၤလၢအတၢ်ဒဲးဘးတအိၣ်ဘၣ်န့ၣ် စံၣ်ညီၣ်ဝဲပှၤလၢအမၤကမၣ်မုၣ်ကမၣ်ခွါသ့လီၤ. ဘၣ်ဆၣ် ယွၤဟ့ၣ်ဝဲပှၤအံၣ်စရ့လးဖိတဖၣ် တၢ်သိၣ်တၢ်သီလၢ- “ပှၤမ့ၢ်ထံၣ်န့ၢ်ပှၤတဂၤဂၤမံဃုာ် ဒီးပိာ်မုၣ်လၢအအိၣ် ဒီးအဝၤဒီး, ကဘၣ်တၢ်မၤသံအီၤခံဂၤလိာ်လီၤ.”—၅ မိၤၡ့ ၂၂:၂၂.