တၢ်ဂ့ၢ်အဘျဲၣ်

b အဒိ, ဖဲ ခ.န ၇၈၅ နံၣ်ဃၣ်ဃၣ်န့ၣ် ၡၣ်လ့ၣ်မံ (Charlemagne) ဒုးအိၣ်ထီၣ်တၢ်သိၣ်တၢ်သီလၢ ကယဲၢ်ပှၤလၢအအိၣ်လၢ ဆးဆဲၣ်နံၣ် (Saxony) အဝ့ၢ်ပူၤ ကဘၣ်ဒိးဘျၢထံ ဒီးကဲထီၣ်ခရံာ်ဖိန့ၣ်လီၤ. မ့ၢ်တဒိးဘျၢထံဘၣ်န့ၣ် ကဘၣ်တၢ်မၤသံအီၤလီၤ. ဒီးအဂၤတမံၤန့ၣ် ဖဲ ခ.န ၁၅၅၅ နံၣ်န့ၣ် ပှၤကရူၢ်တဖၣ်လၢ ဒုးတၢ်လၢ ရိမ့ၤဘီမုၢ်စီဆှံ (Holy Roman Empire) အပူၤန့ၣ် တူၢ်လိာ်ဝဲ တၢ်အၢၣ်လီၤအီလီၤတခါ လၢအမ့ၢ် the Peace of Augsburg န့ၣ်လီၤ. တၢ်အၢၣ်လီၤအီလီၤတခါအံၤ ပာ်ဖျါထီၣ်ဝဲလၢ တၢ်လီၢ်ကိးတီၤဒဲးအပူၤ ပှၤပၢတၢ်တဂၤစုာ်စုာ် ကဘၣ်မ့ၢ်ဝဲ ခဲးသလ့း မ့တမ့ၢ် လူၣ်သရဲၣ်အတၢ်အိၣ်ဖှိၣ်ဖိတဖၣ်န့ၣ်လီၤ. ဒီးလၢတၢ်လီၢ်သ့ၣ်တဖၣ်အံၤအပူၤန့ၣ် ပှၤကိးဂၤဒဲး ကဘၣ်ဆီတလဲဝဲ အတၢ်ဘူၣ်တၢ်ဘါ ဒ်ပှၤပၢတၢ်တဂၤအတၢ်ဘူၣ်တၢ်ဘါအိၣ်အသိးလီၤ. ပှၤလၢအတတူၢ်လိာ် ပှၤပၢတၢ်တဂၤ အတၢ်ဘူၣ်တၢ်ဘါန့ၣ် ကဘၣ်ဟးထီၣ်ကွံာ်လၢ တၢ်လီၢ်လၢ အဝဲအိၣ်ဝဲဆိးဝဲအပူၤလီၤ.