စံၣ်ညီၣ်ကွီၢ်
၅ ဖဲနံၤအဝဲန့ၣ် နီၢ်ဒဘိရၤ+ ဒီးစီၤအဘံနိၣ် အဖိခွါ စီၤဘါရး+ သးဝံၣ်ဝဲ တၢ်သးဝံၣ် ဒ်အံၤလီၤ.+
၂ အဝဲသ့ၣ် သးဝံၣ်ဝဲလၢ “မ့ၢ်လၢ ပှၤထိၣ်လီၤရၢ်လီၤအခိၣ်ဆူၣ် လၢအံၣ်စရ့လးအပူၤ
ဒီးပှၤဂီၢ်မုၢ် ဟ့ၣ်လီၤအသးလၢ တၢ်သးအိၣ်အပူၤအဃိ+
စံးထီၣ်ပတြၢၤ ယဟိဝၤယွၤတက့ၢ်.
၃ စီၤပၤသ့ၣ်ဧၢ, ကနၣ်တက့ၢ်. ပှၤခိၣ်ပှၤနၢ်သ့ၣ်ဧၢ, ကနၣ်တက့ၢ်.
ယကသးဝံၣ်တၢ်လၢ ယဟိဝၤယွၤ အအိၣ်.
ယကသးဝံၣ် စံးထီၣ်ပတြၢၤ အံၣ်စရ့လး အကစၢ်+ ယဟိဝၤယွၤလီၤ.+
၄ ယဟိဝၤယွၤဧၢ, ဖဲနဟးထီၣ်လၢ စ့ဧၢ်အခါ,+
ဖဲနဟးထီၣ်ကွံာ်လၢ ကီၢ်အဒိၣ် အဟီၣ်ကဝီၤအခါ,
ဟီၣ်ခိၣ်ဟူးဝဲ, မူခိၣ်စူၤလီၤဝဲ
ဒီးတၢ်အၢၣ် လူလီၤမူခိၣ်ထံလီၤ.
၅ ဒီးကစၢၢ်တဖၣ် ပှံၢ်လီၤ* လၢယဟိဝၤယွၤ အမဲာ်ညါ,+
ကစၢၢ်စံၤနါ စ့ၢ်ကီး ပှံၢ်လီၤ လၢအံၣ်စရ့လး အကစၢ်+ ယဟိဝၤယွၤ အမဲာ်ညါလီၤ.+
၆ ဖဲစီၤဧးနးအဖိခွါ စီၤၡးမကၢ်+ အိၣ်မူဝဲအခါ
ဒီးဖဲနီၢ်ယဧ့လး အိၣ်မူဝဲအခါ+ ကျဲမုၢ်တဖၣ် အိၣ်ခီလီလီ
ဒီးပှၤလၢ အလဲၤတၢ်က့ၤတၢ်တဖၣ်န့ၣ် လဲၤဝဲလၢ ကျဲအဂၤတဖၣ်လီၤ.
၇ အံၣ်စရ့လး အပှၤသဝီဖိတဖၣ် တအိၣ်လၢၤဘၣ်.
လၢပှၤအံၣ်စရ့လးဖိ ၄၀,၀၀၀ အကျါန့ၣ်
ကတီၤမ့ၢ်ဂ့ၤ ဘီမ့ၢ်ဂ့ၤ တဘ့ၣ်မး တအိၣ်ဘၣ်.
စံးထီၣ်ပတြၢၤ ယဟိဝၤယွၤတက့ၢ်.
၁၀ မ့မ့ၢ် သုဝဲလၢ အဒိးကသ့ၣ်ယီၤ အဃးတဖၣ်,
သုဝဲလၢ အဆ့ၣ်နီၤလၢ တၢ်ကံးညာ် လၢအညၣ်ဂ့ၤတဖၣ်အလိၤ
ဒီးသုဝဲလၢ အဟးလၢကျဲပူၤသ့ၣ်ဧၢ,
ဆိကမိၣ်ထံသၢၤ.
၁၁ လၢပှၤဒၢၣ်ထံအလီၢ်န့ၣ် ပှၤဒၢၣ်ထီၣ်ထံတဖၣ် အကလုၢ်သီၣ်ထီၣ်ဝဲလီၤ.
အဝဲသ့ၣ် တဲဖျါထီၣ်ကဒါက့ၤ ယဟိဝၤယွၤ အတၢ်မၤလၢ အတီအလိၤတဖၣ်
ဒီးပှၤသဝီဖိတဖၣ်လၢ အံၣ်စရ့လးအပူၤ အတၢ်မၤလၢ အတီအလိၤတဖၣ် အဂ့ၢ်လီၤ.
ဝံၤဒီးယဟိဝၤယွၤ အပှၤဂီၢ်မုၢ် လဲၤလီၤလၢ ဝ့ၢ်တဖၣ်အတြဲၤလီၤ.
၁၂ ပၢၢ်ထီၣ် နီၢ်ဒဘိရၤဧၢ,+ ပၢၢ်ထီၣ်တက့ၢ်.
ပၢၢ်ထီၣ်, ပၢၢ်ထီၣ်ဒီးသးဝံၣ်ထီၣ် တၢ်သးဝံၣ်တယုၢ်တက့ၢ်.+
စီၤအဘံနိၣ်အဖိခွါ စီၤဘါရးဧၢ,+ ဂဲၤဆၢထၢၣ် ဒီးဆှၢထီၣ် ပှၤလၢ နဖီၣ်န့ၢ်အီၤတဖၣ်တက့ၢ်.
၁၃ ဒီးပှၤလၢအအိၣ်တ့ၢ်တဖၣ် ဟဲလီၤလၢ ပှၤဒိၣ်ပှၤပှၢ်တဖၣ်အအိၣ်
ဒီးယဟိဝၤယွၤ အပှၤဂီၢ်မုၢ် ဟဲလီၤလၢယအိၣ် ဒ်သိးကဒုး ပှၤဒူပှၤဃိၤတဖၣ် အဂီၢ်လီၤ.
၁၄ ပှၤလၢအလဲၤလီၤလၢ တၢ်တြီၤပူၤန့ၣ် အိၣ်ဟဲလၢ အ့ဖရဲၣ်အဒူၣ် အကျါ.
ဘံၣ်ယၤမံၣ်အဒူၣ်ဧၢ, အဝဲသ့ၣ် အိၣ်ဝဲလၢ သုကျါဒီးပိာ်ထီၣ်သုခံလံ.
လၢစီၤမၤကံၢ်+ အစၢၤအသွဲၣ်တဖၣ်အကျါန့ၣ် သုးခိၣ်တဖၣ် လဲၤလီၤဝဲ,
ဒီးလၢ စဘူလိၣ်အဒူၣ်ကျါန့ၣ် ပၣ်ဃုာ်ဒီး ပှၤလၢအအိၣ်ဒီး တၢ်ထၢ သုးဖိအသီ အနီၣ်ထိးဘိလီၤ.
၁၅ ယံးစၣ်ကၢ်အဒူၣ် အပှၤခိၣ်ပှၤနၢ်တဖၣ် အိၣ်ဒီး နီၢ်ဒဘိရၤ
ဒီးယံးစၣ်ကၢ်အဒူၣ် ဒီးစီၤဘါရးစ့ၢ်ကီး အိၣ်ဒီးအီၤလီၤ.+
လၢတၢ်တြီၤပူၤန့ၣ် စီၤဘါရး လဲၤတၢ်လၢအခီၣ်လီၤ.+
မ့မ့ၢ်လၢ ရူၤဘ့ၣ်အဒူၣ်အကျါန့ၣ် ပှၤအါဂၤ သးဒ့ဒီဝဲလီၤ.
မ့မ့ၢ်လၢ ရူၤဘ့ၣ်အဒူၣ်အကျါန့ၣ် ပှၤအါဂၤ သးဒ့ဒီဝဲလီၤ.
၁၇ မ့မ့ၢ် ပှၤအိၣ်လၢ ကံးလဧးန့ၣ် ဆဲးအိၣ်ဝဲလၢ ထံကျိယၢ်ဒ့ၣ် အဝၢ်ခီလီၤ.+
ဒီးဒၣ်အဒူၣ်န့ၣ် ဘၣ်မနုၤအဃိ အဝဲသ့ၣ် ဆဲးအိၣ်ဝဲလၢ ကဘီ တဖၣ်အပူၤလဲၣ်.+
မ့မ့ၢ် အၤၡ့ၢ်အဒူၣ်န့ၣ် ဆ့ၣ်နီၤအိၣ်ဝဲ ကလီကလီ လၢပီၣ်လဲၣ်ကၢၢ်နံၤ
ဒီးဆဲးအိၣ်ဝဲလၢ အကဘီသန့လီၤ.+
၁၉ လၢဝ့ၢ်တၤနးအပူၤ ဘူးဒီး မကံးဒိၤ အထံကျိဖိန့ၣ်+
စီၤပၤတဖၣ် ဟဲဒုးတၢ်လီၤ.
၂၀ လၢမူခိၣ်န့ၣ် ဆၣ်တဖၣ်ဒုးတၢ်လီၤ.
ဒီးလၢအဝဲသ့ၣ် အကျိၤတဖၣ်န့ၣ် အဝဲသ့ၣ်ဒုးဝဲ စီၤစံစရၤလီၤ.
အိ ယသးဧၢ, ပှၤလၢအဂံၢ်ဆူၣ်တဖၣ်န့ၣ် နယီၢ်တံၢ်လီၤအီၤလံ.
၂၂ ဒီးကသ့ၣ်ဖါတံၢ်တဖၣ် ကရီဃ့ၢ်ပူၤဖျဲးအသး
အဃိ အကသ့ၣ်အခီၣ် သီၣ်ထီၣ် ဝဲလီၤ.+
၂၃ ယဟိဝၤယွၤ အမူခိၣ်ကလူးတဲဝဲ ‘မ်မ့ရိး ဘၣ်ဆိၣ်အၢတက့ၢ်.
မ့ၢ်လၢ ပှၤအိၣ်လၢ မ့ရိးအပူၤတဖၣ် တဆီၣ်ထွဲမၤစၢၤ ယဟိဝၤယွၤဘၣ်
ဒီးအဝဲသ့ၣ် တဟဲမၤစၢၤ ယဟိဝၤယွၤ လၢပှၤသုးဖိ လၢအဂံၢ်ဆူၣ်တဖၣ်အကျါဘၣ်အဃိ
မ်အဝဲသ့ၣ် ဘၣ်ဆိၣ်အၢတက့ၢ်.’
လၢပိာ်မုၣ်လၢ အအိၣ်လၢ ဒဲတဖၣ်အကျါန့ၣ် အဝဲမ့ၢ်ဝဲ ပှၤလၢ အဘၣ်ဆိၣ်ဂ့ၤ ဒိၣ်ကတၢၢ်လီၤ.
၂၅ စီၤစံစရၤ ဃ့အီထံ ဘၣ်ဆၣ် အဝဲဒုးအီအီၤ တၢ်နုၢ်ထံလီၤ.
လၢလီခီခွး ဃံလၤတဖျၢၣ် အပူၤန့ၣ် အဝဲဒုးအီအီၤ တၢ်နုၢ်ထံ လီၤသကၤလီၤ.+
၂၆ အဝဲဟံးန့ၢ်ဝဲ နီၣ်ပျၤလၢ အစုစ့ၣ်တခီ,
ဒီးအဝဲ ဟံးန့ၢ်ဝဲ နီၣ်ဒိလၢ အစုထွဲ တခီလီၤ.
အဝဲ ပျၤနုာ်ဝဲ နီၣ်ပျၤလၢ စီၤစံစရၤ အနၢ်သက့ၤထံး
ဒီးမၤသဘှံး အခိၣ်လီၤ. ဒီးအဝဲ မၤသဘှံး ဒီးမၤထူၣ်ဖျိဝဲ အနၢ်သက့ၤထံးလီၤ.+
၂၇ စီၤစံစရၤ လီၤဃံၢ်လၢ နီၢ်ယဧ့လးအခီၣ်လၣ် အခီၣ်ထံး, အဝဲလီၤဃံၢ် ဒီးတဟူးတဝး ဝဲလၢၤဘၣ်လီၤ.
အဝဲလီၤဃံၢ်လၢ နီၢ်ယဧ့လး အခီၣ်လၣ် အခီၣ်ထံး,
အဝဲဘၣ်တၢ်မၤနၢၤအီၤ ဒီးလီၤဃံၢ် သံဝဲဖဲန့ၣ်လီၤ.
၂၈ ပှၤပိာ်မုၣ်တဂၤ ကွၢ်စိဃီၤတၢ်လၢ ပဲတြီဖိအပူၤ,
အဝဲမ့ၢ်ဝဲ စီၤစံစရၤအမိၢ် ဒီးအဝဲ ခိးကွၢ်လီၤ အကျဲလီၤ.
ဒီးအဝဲသံကွၢ်ဝဲလၢ ‘ဘၣ်မနုၤအဃိ အလ့ၣ်ကဟၣ်သုး ဟဲက့ၤ စဲၤခံလဲၣ်.
ဘၣ်မနုၤအဃိ ယတနၢ်ဟူ အလ့ၣ်ကဟၣ်သုးတဖၣ် အသီၣ် ဒံးဘၣ်လဲၣ်.’+
၂၉ ဒီးအပှၤပိာ်မုၣ်လၢ အပတီၢ်ထီလၢ အကူၣ်တၢ်သ့ဒိၣ်ကတၢၢ်တဖၣ် တဲဆၢက့ၤအီၤလီၤ.
မ့ၢ်လံ, အဝဲစ့ၢ်ကီး တဲဝံၤတဲက့ၤလီၤအသးလၢ
၃၀ ‘အဝဲသ့ၣ် နီၤလီၤလိာ်အသး တၢ်လၢ အဝဲသ့ၣ်ဂုာ်န့ၢ်အီၤတဖၣ် လီၤသၢၤ,
အဃိ ပှၤသုးဖိတဂၤစုာ်စုာ် ကန့ၢ်ဘၣ် ပှၤပိာ်မုၣ်တဂၤ ခံဂၤ
ဒီးတၢ်ကံးညာ်လၢ အအိၣ်ဒီးအလွဲၢ်တဖၣ်လၢ စီၤစံစရၤအဂီၢ်, မ့ၢ်လံ တၢ်ကံးညာ်လၢ အအိၣ်ဒီးအလွဲၢ်တဖၣ်လၢ စီၤစံစရၤအဂီၢ်,
ဒီးဆ့ကၤလၢ အဘၣ်တၢ်ဆးကံၣ်ဃ့အီၤ, တၢ်ကံးညာ်လၢ အအိၣ်ဒီးအလွဲၢ်တဖၣ်, ဆ့ကၤလၢ အဘၣ်တၢ်ဆးကံၣ်ဃ့အီၤ ခံဘ့ၣ်
ကကယၢကယဲထီၣ် ပှၤလၢအဂုာ်န့ၢ်အီၤတဖၣ် အကိာ်ဘိလိၤ လီၤသၢၤ.’
၃၁ အိ ယဟိဝၤယွၤဧၢ, မ်နဒုၣ်နဒါ ဟးဂီၤကွံာ် ခဲလၢာ်တက့ၢ်.+
မ့မ့ၢ်ပှၤလၢ အအဲၣ်နၤန့ၣ် မ်အဝဲသ့ၣ် ကပီၤထီၣ် ဒ်မုၢ်အသိးတက့ၢ်.”
ဒီးလၢကီၢ်ပူၤန့ၣ် တၢ်မုာ်တၢ်ခုၣ်အိၣ်ဝဲ အနံၣ် ၄၀ ညါလီၤ.+