၂ ကွဲးနီၣ်တၢ်
၈ စီၤၡလိၤမိၤ တ့ထီၣ် ယဟိဝၤယွၤ အဟံၣ် ဒီးအနီၢ်ကစၢ်အဟံၣ်လၢ အနံၣ် ၂၀ အတီၢ်ပူၤန့ၣ်လီၤ.+ ၂ ဒီးစီၤၡလိၤမိၤ တ့ထီၣ်ကဒါက့ၤ ဝ့ၢ်တဖၣ်လၢ စီၤဃံရၣ်+ ဟ့ၣ်တ့ၢ်အီၤ ဒီးစီၤၡလိၤမိၤ ဒုးအိၣ်ဝဲ ပှၤအံၣ်စရ့လးဖိတဖၣ် ဖဲန့ၣ်လီၤ. ၃ တကးဒံးဘၣ် စီၤၡလိၤမိၤ လဲၤဝဲလၢ ဃမါသးစိဘၤ ဒီးမၤန့ၢ်ဝဲ တၢ်လီၢ်န့ၣ်လီၤ. ၄ ဒီးအဝဲ တ့ကျၢၤထီၣ်ဝဲ ဝ့ၢ်တးဒမိၢ် လၢပှၢ်မုၢ်ကနၢအပူၤ ဒီးအဝဲတ့ကျၢၤထီၣ် ကယဲၢ်ဝ့ၢ်တဖၣ်လၢ တၢ်ပာ်ဖှိၣ် တၢ်ဖိတၢ်လံၤတဖၣ်အဂီၢ်လၢ+ အတ့ပာ်စၢၤဝဲလၢ ဝ့ၢ်ဃမါသးအပူၤလီၤ.+ ၅ ဒီးဒ်သိးစီၤၡလိၤမိၤ ကတ့ကျၢၤထီၣ် ဘ့ၤသဃိရိၣ်လၢထးခီ+ ဒီးဘ့ၤသဃိရိၣ် လၢလာ်ခီအဂီၢ်+ အဝဲတ့ထီၣ် ဝ့ၢ်ဒူၣ်လၢအကျၢၤတဖၣ်, ဝ့ၢ်အတြဲၤတဖၣ် ဒီးတြဲၤအဘိတဖၣ်လီၤ. ၆ ဒီးစီၤၡလိၤမိၤ တ့ကျၢၤထီၣ်စ့ၢ်ကီး ဝ့ၢ်ဘဧၤလး+ ဃုာ်ဒီးအဝ့ၢ်တဖၣ်လၢ တၢ်ပာ်ဖှိၣ် တၢ်ဖိတၢ်လံၤတဖၣ်အဂီၢ်, လ့ၣ်ကဟၣ် အဝ့ၢ်တဖၣ်,+ ပှၤဒိးကသ့ၣ် အဝ့ၢ်တဖၣ် ဒီးကယဲၢ်တၢ်လၢ စီၤၡလိၤမိၤ အဲၣ်ဒိးတ့ထီၣ်ဝဲ တမံၤဂ့ၤတမံၤဂ့ၤ လၢဝ့ၢ်ယရူၤၡလ့ၣ် အပူၤ, လၢလဘၤနိၣ် ကစၢၢ်ကလိကျါ ဒီးလၢတၢ်လီၢ်ခဲလၢာ်လၢ အအိၣ်ဝဲလၢ အတၢ်ပၢဖီလာ် အပူၤလီၤ.
၇ မ့မ့ၢ် ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိ ဒီးပှၤယဘူၣ်ဖိ+ လၢအအိၣ်တ့ၢ်ဒံးတဖၣ် ခဲလၢာ်န့ၣ် အဝဲသ့ၣ် တပၣ်ဃုာ်လၢ ပှၤအံၣ်စရ့လးဖိ အကျါဘၣ်.+ ၈ ဒီးအဝဲသ့ၣ် အစၢၤအသွဲၣ်တဖၣ်လၢ အအိၣ်တ့ၢ်ဒံးလၢ ကီၢ်ပူၤ လၢပှၤအံၣ်စရ့လးဖိ တမၤသံဝဲဘၣ်န့ၣ်+ စီၤၡလိၤမိၤ မၢဆူၣ်အဝဲသ့ၣ်လၢ ကမၤတၢ်ဒ်ကုၢ်အသိး တုၤလီၤလၢ မုၢ်မဆါတနံၤအံၤလီၤ.+ ၉ ဘၣ်ဆၣ် စီၤၡလိၤမိၤ တမၢပှၤအံၣ်စရ့လးဖိ ကဲကုၢ်လၢ စီၤၡလိၤမိၤ အတၢ်မၤအဂီၢ် နီတဂၤဘၣ်.+ လၢတၢ်န့ၣ်အလီၢ် အဝဲသ့ၣ်ကဲန့ၢ်အီၤ ပှၤသုးဖိတဖၣ်, ပဒိၣ်အခိၣ်အနၢ်တဖၣ်, ပှၤဒိးလ့ၣ်ကဟၣ် အခိၣ်အနၢ်တဖၣ် ဒီးပှၤဒိးကသ့ၣ် အခိၣ်အနၢ်တဖၣ်လီၤ.+ ၁၀ ဒီးစီၤပၤၡလိၤမိၤ အပှၤခိၣ်ပှၤနၢ် ဖးဒိၣ်တဖၣ် အိၣ်ဝဲ အဂၤ ၂၅၀ ဒီးအဝဲသ့ၣ် မ့ၢ်ပှၤမၤတၢ်ဖိ အခိၣ်အနၢ်တဖၣ်လီၤ.+
၁၁ ဒီးဖၤရိၤ အဖိမုၣ်လၢ+ အအိၣ်လၢ စီၤဒၤဝံး အဝ့ၢ်ပူၤန့ၣ် စီၤၡလိၤမိၤ မၢအလဲၤအိၣ်လၢ ဟံၣ်လၢ အတ့ထီၣ်န့ၢ်အီၤန့ၣ်လီၤ.+ စီၤၡလိၤမိၤ တဲဝဲလၢ “အဝဲမ့ၢ်ယမါ သနာ်က့ တၢ်လီၢ်တဖၣ်လၢ ယဟိဝၤယွၤ အတလါစီဆှံ အိၣ်ဝဲအလီၢ်န့ၣ် ကဲထီၣ် တၢ်လီၢ်စီဆှံတဖၣ်အဃိ+ အဝဲတကြၢးဟဲအိၣ်လၢ အံၣ်စရ့လး အစီၤပၤဒၤဝံး အဟံၣ်ပူၤဘၣ်.”
၁၂ ဒီးစီၤၡလိၤမိၤ လုၢ်ထီၣ်ဝဲ တၢ်လုၢ်ဒွဲၣ်အူ+ လၢယဟိဝၤယွၤအအိၣ် ဖဲယဟိဝၤယွၤ အတၢ်လုၢ်လီၢ်+ လၢစီၤၡလိၤမိၤ တ့ထီၣ်တ့ၢ်ဝဲ လၢဘျီၣ်ဒိၣ်အမဲာ်ညါလီၤ.+ ၁၃ ဒ်စီၤမိၤၡ့ အတၢ်မၤလိာ်တဖၣ် အိၣ်ဝဲအသိး စီၤၡလိၤမိၤ လုၢ်ထီၣ်တၢ်လုၢ်တဖၣ်လၢ ပှၤကဘၣ်လုၢ်ထီၣ်အီၤ ကိးနံၤဒဲး, ဖဲမုၢ်အိၣ်ဘှံးအနံၤ,+ ဖဲလါထီၣ်သီ+ ဒီးဖဲဘူၣ်ဘၣ်ဝဲ တနံၣ်သၢဘျီလီၤ.+ ဘူၣ်တဖၣ်အံၤ မ့ၢ်ဝဲ ဘူၣ်ကိၣ်လၢ အတပၣ်ဒီး ကိၣ်မံၣ်ဘၣ်,+ ဘူၣ်နွံတဖၣ်+ ဒီးဘူၣ်ဒဲလီၤ.+ ၁၄ တကးဒံးဘၣ် စီၤၡလိၤမိၤ ရဲၣ်ကျဲၤဝဲ ပှၤလုၢ်တၢ်ဒိၣ်ကရူၢ်တဖၣ်လၢ+ ကမၤတၢ်မၤအဂီၢ် ဒ်အပၢ်စီၤဒၤဝံး ပာ်လီၤတၢ်သိၣ်တၢ်သီအသိးလီၤ. ဒီးအဝဲဟ့ၣ်လီၤ ပှၤလ့ၤဝံဖိတဖၣ်လၢ မူဒါတဖၣ် ဒ်သိးအဝဲသ့ၣ် ကစံးထီၣ်ပတြၢၤယွၤ+ ဒီးမၤတၢ်မၤ ဘူးဒီးပှၤလုၢ်တၢ်ဒိၣ်တဖၣ် ဒ်တနံၤဘၣ်တနံၤ အတၢ်ရဲၣ်တၢ်ကျဲၤ အိၣ်ဝဲအသိးလီၤ. ဒီးအဝဲရဲၣ်ကျဲၤ ပှၤခိးတြဲၤဖိအကရူၢ်တဖၣ်လၢ ကမၤတၢ်မၤ ဘူးဒီးတြဲၤတဖၣ်လီၤ.+ အဝဲမၤတၢ်တဖၣ်န့ၣ်ခဲလၢာ် ဒ်ယွၤလၢအမ့ၢ်အတီတဂၤ အခ့အပှၤ စီၤဒၤဝံးမၤလိာ်ဝဲအသိးလီၤ. ၁၅ ဒ်စီၤပၤမၤလိာ်ဝဲ ပှၤလုၢ်တၢ်ဒိၣ်တဖၣ် ဒီးပှၤလ့ၤဝံဖိတဖၣ် ဘၣ်ဃးဒီး တၢ်ပာ်ဖှိၣ်အလီၢ်တဖၣ် ဒီးတၢ်ဂ့ၢ်တမံၤဂ့ၤ တမံၤဂ့ၤန့ၣ် အဝဲသ့ၣ်မၤထွဲဝဲလီၤ. ၁၆ စီၤၡလိၤမိၤ အတၢ်မၤခဲလၢာ် ဘၣ်တၢ်ရဲၣ်လီၤကျဲၤလီၤအီၤ ဂ့ၤဂ့ၤဘၣ်ဘၣ် စးထီၣ်ဖဲ ယဟိဝၤယွၤအဟံၣ် အခီၣ်ထံး ဘၣ်တၢ်ပာ်လီၤအီၤ+ ဒီးတုၤလၢ ဟံၣ်ဝံၤဝဲတစုန့ၣ်လီၤ. အဃိ ယဟိဝၤယွၤအဟံၣ် ဘၣ်တၢ်တ့ထီၣ်အီၤဝံၤဝဲလီၤ.+
၁၇ ဖဲန့ၣ်အခါ စီၤၡလိၤမိၤ လဲၤလၢ ဧ့စယိၣ်က့းဘ့ၢ်+ ဒီးအ့လိး+ လၢကီၢ်အဒိၣ် အပီၣ်လဲၣ်ကၢၢ်နံၤလီၤ.+ ၁၈ စီၤဃံရၣ်+ ဆှၢလီၤန့ၢ် စီၤၡလိၤမိၤ လၢကဘီတဖၣ် ဒီးပှၤကဘီဖိလၢ အအိၣ်ဒီး တၢ်လဲၤခီဖျိအါလၢ အအိၣ်လၢ စီၤဃံရၣ်အခ့အပှၤတဖၣ် အတၢ်တီခိၣ်ရိၤမဲ အဖီလာ်န့ၣ်လီၤ. အဝဲသ့ၣ် ဒီးစီၤၡလိၤမိၤ အခ့အပှၤတဖၣ် လဲၤလၢအိဖ့ၢ်+ ဒီးအဝဲသ့ၣ် ဟံးန့ၢ်ထူ+ ဖဲန့ၣ် အတၤလၣ်* ၄၅၀ ဒီးဟဲက့ၤစိာ်ဝဲလၢ စီၤပၤၡလိၤမိၤ အအိၣ်လီၤ.+