၂ ကွဲးနီၣ်တၢ်
၁၂ ဖဲစီၤရဃၤဘၣ် အစိကမီၤဒိၣ်ထီၣ် ဒီးအတၢ်ပၢ ဂၢၢ်ကျၢၤထီၣ်+ ဝံၤတယံာ်တမီၢ်န့ၣ် အဝဲပာ်တ့ၢ်ကွံာ် ယဟိဝၤယွၤ အတၢ်သိၣ်တၢ်သီ+ ဒီးပှၤအံၣ်စရ့လးဖိခဲလၢာ် မၤပိာ်အခံ ဒ်န့ၣ်စ့ၢ်ကီးလီၤ. ၂ ဖဲစီၤရဃၤဘၣ် ပၢတၢ်ယဲၢ်နံၣ်တနံၣ်န့ၣ် ကီၢ်အဲၤကူပတူး အစီၤပၤၡံၡး+ ဟဲထီၣ်ဒုးဝဲ ဝ့ၢ်ယရူၤၡလ့ၣ်လီၤ. တၢ်ကဲထီၣ်အသးဒ်အံၤ မ့ၢ်လၢအဝဲသ့ၣ်တတီဒီး ယဟိဝၤယွၤဘၣ် အဃိလီၤ. ၃ ဒီးသုးမုၢ်လၢ အအိၣ်ဒီးအီၤန့ၣ် ပၣ်ဃုာ်ဒီး လ့ၣ်ကဟၣ်အခိၣ် ၁,၂၀၀, ပှၤဒိးကသ့ၣ်သုးဖိ အဂၤ ၆၀,၀၀၀ ဒီးသုးဖိလၢ အပိာ်ထီၣ်အခံ လၢကီၢ်အဲၤကူပတူးန့ၣ် အိၣ်ဝဲအါအါဂီၢ်ဂီၢ် တုၤလၢ ပှၤဂံၢ်အီၤတလၢာ်ဘၣ်. လၢအဝဲသ့ၣ်အကျါန့ၣ် ပၣ်ဃုာ်ဒီး ပှၤလံၤဘူဖိ, ပှၤစူၤကံၤဖိ ဒီးပှၤအဲၤသံအီးပး အသုးဖိတဖၣ်လီၤ.+ ၄ အဝဲမၤန့ၢ် ယူဒၤဘီမုၢ် အဝ့ၢ်တဖၣ်လၢ အိၣ်ဒီးအဒူၣ်လၢအကျၢၤ ဒီးလၢခံန့ၣ် အလဲၤတုၤဝဲလၢ ဝ့ၢ်ယရူၤၡလ့ၣ်လီၤ.
၅ ဒီးဝံၡမါယၤ+ လဲၤလၢ စီၤရဃၤဘၣ် ဒီးယူဒၤ အပဒိၣ်တဖၣ် အအိၣ်န့ၣ်လီၤ. ဖဲန့ၣ်အခါ အဝဲသ့ၣ် ပာ်ဖှိၣ်ထီၣ်အသးလၢ ဝ့ၢ်ယရူၤၡလ့ၣ်အပူၤ ခီဖျိလၢ အပျံၤ စီၤပၤၡံၡးအဃိလီၤ. ဝံၡမါယၤ တဲဘၣ်အဝဲသ့ၣ်လၢ “ယဟိဝၤယွၤ တဲဝဲဒ်အံၤ, ‘သုပာ်တ့ၢ်ကွံာ်ယၤအဃိ ခဲအံၤ ယပာ်တ့ၢ်ကွံာ်သု+ ဒီးဟ့ၣ်လီၤကွံာ်သုလၢ စီၤၡံၡး အစုပူၤလံ.’” ၆ ဒီးအံၣ်စရ့လး အပဒိၣ်တဖၣ် ဒီးစီၤပၤန့ၣ် ဆီၣ်လီၤအသး+ ဒီးတဲဝဲလၢ “ယဟိဝၤယွၤ မ့ၢ်ပှၤတီပှၤလိၤလီၤ.” ၇ ဖဲယဟိဝၤယွၤ ထံၣ်ဝဲလၢ အဝဲသ့ၣ် ဆီၣ်လီၤအသးအခါ ယဟိဝၤယွၤ တဲစီၤၡမါယၤလၢ “အဝဲသ့ၣ် ဆီၣ်လီၤသးလံ အဃိ ယတမၤဟးဂီၤ အဝဲသ့ၣ်လၢၤဘၣ်.+ လၢခံ တစိၢ်ဖိဒီးန့ၣ် ယကမၤပူၤဖျဲး အဝဲသ့ၣ်လီၤ. ယတလူလီၤ ယတၢ်သးဒိၣ်လၢ ဝ့ၢ်ယရူၤၡလ့ၣ် အဖီခိၣ် ခီဖျိ စီၤၡံၡးလၢၤဘၣ်. ၈ ဘၣ်ဆၣ် ဒ်သိးအဝဲသ့ၣ် ကသ့ၣ်ညါလၢ အမၤယတၢ်မၤန့ၣ် ဂ့ၤဒိၣ်န့ၢ်ဒံး အမၤစီၤပၤလၢ ထံကီၢ်အဂၤတဖၣ် အတၢ်မၤအဂီၢ် အဝဲသ့ၣ် ကဘၣ်ကဲ စီၤပၤၡံၡး အကုၢ်လီၤ.”
၉ ကီၢ်အဲၤကူပတူး အစီၤပၤၡံၡး ဟဲထီၣ်ဒ်သိးကဒုး ဝ့ၢ်ယရူၤၡလ့ၣ်လီၤ. အဝဲဟံးန့ၢ်ဝဲ တၢ်လုၢ်ဒိၣ်ပှ့ၤဒိၣ် လၢအအိၣ်လၢ ယဟိဝၤယွၤအဟံၣ်ပူၤ+ ဒီးတၢ်လုၢ်ဒိၣ်ပှ့ၤဒိၣ် လၢအအိၣ်လၢ စီၤပၤအဟံၣ်ပူၤလီၤ. အဝဲဟံးန့ၢ် တၢ်ခဲလၢာ် ဃုာ်ဒီး ကတီၤတဖၣ်လၢ စီၤၡလိၤမိၤ တ့ဝဲလၢထူန့ၣ်လီၤ.+ ၁၀ အဃိ လၢကတီၤတဖၣ်လၢ ဘၣ်တၢ်တ့အီၤလၢထူ အလီၢ်န့ၣ် စီၤပၤရဃၤဘၣ် တ့ထီၣ်က့ၤဝဲ ကတီၤတဖၣ်လၢ တိၢ်ဘီန့ၣ်လီၤ. ဒီးစီၤပၤ အးလီၤဝဲ ကတီၤတဖၣ်န့ၣ်လၢ ပှၤခိးတၢ်ဖိ* အခိၣ်တဖၣ် အစုပူၤလီၤ. ပှၤခိးတၢ်ဖိတဖၣ်န့ၣ် ခိးဝဲ စီၤပၤအဟံၣ် အကျဲနုာ်လီၤန့ၣ်လီၤ. ၁၁ ဖဲစီၤပၤ လဲၤလၢ ယဟိဝၤယွၤ အဟံၣ် တဘျီဂ့ၤ တဘျီဂ့ၤ အခါ ပှၤခိးတၢ်ဖိတဖၣ် လဲၤဒီးအီၤ ဒီးလဲၤစိာ်ဝဲ ကတီၤတဖၣ် ဒီးလၢခံ အဝဲသ့ၣ် က့ၤပာ်က့ၤဝဲ ကတီၤတဖၣ်န့ၣ်လၢ ပှၤခိးတၢ်ဖိ အဒၢးပူၤလီၤ. ၁၂ ခီဖျိလၢ စီၤပၤဆီၣ်လီၤအသးအဃိ ယဟိဝၤယွၤ တသးထီၣ်အီၤလၢၤဘၣ်+ ဒီးကစၢ်ယွၤ တမၤဟးဂီၤ အဝဲသ့ၣ် လၢာ်လၢာ်ဆ့ဆ့ဘၣ်.+ တကးဒံးဘၣ် တၢ်အဂ့ၤ အိၣ်ဒံးဝဲတနီၤလၢ ယူဒၤအပှၤဂီၢ်မုၢ်အကျါလီၤ.+
၁၃ ဒီးစီၤပၤရဃၤဘၣ် မၤဂၢၢ်ကျၢၤထီၣ် အတၢ်ပၢလၢ ဝ့ၢ်ယရူၤၡလ့ၣ်အပူၤ ဒီးဆဲးပၢတၢ်လီၤ. ဖဲစီၤရဃၤဘၣ် ကဲထီၣ် စီၤပၤအခါ အသးနံၣ်အိၣ်ဝဲ ၄၁ နံၣ် ဒီးအဝဲပၢတၢ် ၁၇ နံၣ် လၢဝ့ၢ်ယရူၤၡလ့ၣ် လၢအမ့ၢ် ဝ့ၢ်လၢ ယဟိဝၤယွၤ ဃုထၢထီၣ်ဝဲ လၢအံၣ်စရ့လး အဒူၣ်ခဲလၢာ်အကျါ ဒ်သိး ကစၢ်ယွၤအမံၤ ကအိၣ်ဝဲ ဖဲန့ၣ်အဂီၢ်လီၤ. စီၤပၤရဃၤဘၣ် အမိၢ်မ့ၢ်ဝဲ ပှၤဧၣ်မိၣ်ဖိ နီၢ်နၤဧမၤလီၤ.+ ၁၄ ဘၣ်ဆၣ် အဝဲတပာ်လီၤအသး ဂၢၢ်ဂၢၢ်ကျၢၤကျၢၤလၢ အကဃု ယဟိဝၤယွၤဘၣ်အဃိ အဝဲမၤတၢ်အၢလီၤ.+
၁၅ မ့မ့ၢ် စီၤရဃၤဘၣ် အဂ့ၢ်လၢအဂၤတဖၣ် စးထီၣ်လၢအခီၣ်ထံး တုၤလၢအကတၢၢ်န့ၣ် ဘၣ်တၢ်ကွဲးလီၤအီၤလၢ ဝံၡမါယၤ+ ဒီးစီၤဧံးဒိၤ+ လၢအမ့ၢ် ပှၤထံၣ်တၢ်ထံၣ်လၢညါခီ အတၢ်ကွဲးနီၣ်ကွဲးဃါ ဘၣ်ဃးတၢ်ဟဲလီၤစၢၤလီၤသွဲၣ်န့ၣ် အပူၤလီၤ. ဒီးလၢစီၤရဃၤဘၣ် ဒီးစီၤယၤရၤဘၣ် အဘၢၣ်စၢၤန့ၣ် တၢ်ဒုးကဲထီၣ် ထီဘိလီၤ.+ ၁၆ ဒီးလၢခံ စီၤရဃၤဘၣ် သံဝဲ ဒ်အမိၢ်ပၢ်ဖံဖု လၢပျၢၤတဖၣ်အသိး ဒီးပှၤခူၣ်လီၤကွံာ်အီၤ လၢစီၤဒၤဝံး အဝ့ၢ်ပူၤလီၤ.+ ဒီးအဖိခွါ စီၤအဘံယၤ*+ ကဲထီၣ် စီၤပၤ လၢအလီၢ်လီၤ.