စံးထီၣ်ပတြၢၤ
စီၤကိၤရး အဖိခွါတဖၣ် အထါသးဝံၣ်.+
၄၈ ယဟိဝၤယွၤန့ၣ်ဒိၣ်ဝဲ ဒီးကြၢးတၢ်စံးထီၣ်ပတြၢၤအီၤ ဒိၣ်ကတၢၢ်လီၤ.
မ်ပကစၢ်ယွၤ ဘၣ်တၢ်စံးထီၣ်ပတြၢၤအီၤလၢအဝ့ၢ် လၢအကစၢၢ်စီဆှံ အလိၤတက့ၢ်.
၂ ကစၢၢ်စံယိၣ်လၢ ကလံၤစိးတခီ လၢအမ့ၢ် စီၤပၤဖးဒိၣ်အဝ့ၢ်န့ၣ်+
ဃံလၤဝဲလၢ အတၢ်လီၢ်ထီၣ်ထီ
ဒီးမ့ၢ်ဝဲ ဟီၣ်ခိၣ်ဒီဘ့ၣ်ညါ အတၢ်သးခုလီၤ.+
၄ ကွၢ်မီၤ, စီၤပၤတဖၣ် ပာ်ဖှိၣ်ထီၣ်အသး
ဒီးဟဲထီၣ်သကိးလံ.
၅ ဖဲအဝဲသ့ၣ် ထံၣ်ဝ့ၢ်အခါ အဝဲသ့ၣ်ကမၢကမၣ်ဝဲလီၤ.
အဝဲသ့ၣ်ပျံၤတၢ်ဒိၣ်မး ဒီးဃ့ၢ်ကွံာ်ဝဲလၢ တၢ်ပျံၤတၢ်ဖုးအပူၤလီၤ.
၆ ဖဲန့ၣ်န့ၣ် အဝဲသ့ၣ်ကနိးကစုာ်
ဒီးအဝဲသ့ၣ် ဘၣ်ကိၢ်ဘၣ်ဂီၤ ဒ်ပိာ်မုၣ်လၢ အအိၣ်ဖျဲၣ်ထီၣ်အဖိ အသိးလီၤ.
၇ နမၤဟးဂီၤ တၢ်ၡံၣ် အကဘီတဖၣ်လၢ မုၢ်ထီၣ်အကလံၤလီၤ.
၈ တၢ်လၢပနၢ်ဟူဘၣ်တ့ၢ်အီၤန့ၣ် ခဲအံၤပထံၣ်ဘၣ်အီၤလၢ
တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အဝ့ၢ် လၢအမ့ၢ် ပကစၢ်ယွၤအဝ့ၢ်အပူၤလံ.
ကစၢ်ယွၤ ကဒုးအိၣ်ဂၢၢ်ဆိးကျၢၤ ဝ့ၢ်အံၤ လီၤထူလီၤယိာ်လီၤ.+ (စ့လၤ)
၉ အိ ကစၢ်ယွၤဧၢ, လၢနတၢ်လုၢ်ဟံၣ်ပူၤန့ၣ်
ပဆိကမိၣ်ထံ နတၢ်အဲၣ်လၢအတီလီၤ.+
၁၀ အိ ကစၢ်ယွၤဧၢ, ဒ်နမံၤအသိး တၢ်စံးထီၣ်ပတြၢၤနၤ
လဲၤပၢၢ်တုၤလၢ ဟီၣ်ခိၣ်အနၢၣ်တဖၣ်လံ.+
နစုထွဲ ပှဲၤဝဲဒီးတၢ်တီတၢ်လိၤလီၤ.+
၁၃ ကွၢ် အတၢ်ဒူၣ်လၢအကျၢၤတဖၣ် ထံထံဆးဆး+
ဒီးသမံသမိး အတၢးလၢအကျၢၤတဖၣ်
ဒ်သိးသုကတဲဘၣ် ပှၤလၢစိၤလၢခံတဖၣ် အဂီၢ်န့ၣ်တက့ၢ်.
၁၄ ကစၢ်ယွၤတဂၤအံၤ မ့ၢ်ပကစၢ်ယွၤ+ လီၤထူလီၤယိာ်လီၤ.