စံးထီၣ်ပတြၢၤ
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ လၢတၢ်ဒုးသ့ၣ်နီၣ်ထီၣ်က့ၤအဂီၢ်.
၇၀ အိ ကစၢ်ယွၤဧၢ, မၤပူၤဖျဲးယၤတက့ၢ်.
အိ ယဟိဝၤယွၤဧၢ, ဟဲမၤစၢၤယၤမ့ၢ်ချ့.+
၂ ပှၤလၢအဃုမၤသံယၤန့ၣ်
မ်အထံၣ်ဘၣ် တၢ်မဲာ်ဆှးတက့ၢ်.
ဒီးပှၤလၢအသးခုလၢ ယဘၣ်နးဘၣ်ဖှီၣ်အဃိန့ၣ်
မ်အဂုၤက့ၤလီၢ်ခံလၢ တၢ်မဲာ်ဆှး အပူၤတက့ၢ်.
၃ ပှၤလၢအနံၤဆဲးအဲးယၤ ဒီးတဲလၢ “ဘၣ်ပိးလဲၣ်” န့ၣ်
မ်အဝဲသ့ၣ် ဃ့ၢ်ကွံာ်လၢ တၢ်မဲာ်ဆှးအပူၤတက့ၢ်.
၄ မ့မ့ၢ် ပှၤလၢအဃုနၤန့ၣ်
မ်အဝဲသ့ၣ်သးခု ဒီးသူၣ်ဖှံသးညီလၢ နပူၤတက့ၢ်.+
ပှၤလၢအခိးကွၢ်လၢ် နတၢ်အုၣ်က့ၤခီၣ်က့ၤန့ၣ် မ်အဝဲသ့ၣ်တဲဝဲ ထီဘိလၢ
“မ်ကစၢ်ယွၤ ဘၣ်တၢ်မၤလၤကပီၤအီၤတက့ၢ်.”
၅ ယမ့ၢ်ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိလီၤ.+
အိ ကစၢ်ယွၤဧၢ, မၤစၢၤယၤချ့ချ့တက့ၢ်.+
နမ့ၢ်ပှၤလၢအမၤစၢၤယၤ ဒီးပှၤလၢအမၤပူၤဖျဲးယၤလီၤ.+
အိ ယဟိဝၤယွၤဧၢ, တဘၣ်ထုးယံာ် တၢ်ဆၢကတီၢ်တဂ့ၤ.+