စံးထီၣ်ပတြၢၤ
စီၤဒၤဝံးအထါ.
၂၄ ဟီၣ်ခိၣ် ဒီးတၢ်လၢအအိၣ်လၢ အပူၤခဲလၢာ်န့ၣ် မ့ၢ်ယဟိဝၤယွၤ အတၢ်လီၤ.+
ခိခိၣ် ဒီးပှၤလၢအအိၣ်ဝဲလၢ အလိၤန့ၣ် မ့ၢ်အတၢ်လီၤ.
၂ အဝဲပာ်ဝဲလၢ ပီၣ်လဲၣ်တဖၣ် အဖီခိၣ်ကျၢၤကျၢၤ+
ဒီးဒုးအိၣ်ဂၢၢ်ဆိးကျၢၤဝဲလၢ ထံကျိတဖၣ် အဖီခိၣ်လီၤ.
၃ မတဂၤ လဲၤထီၣ်လၢ ယဟိဝၤယွၤ အကစၢၢ် သ့ဝဲလဲၣ်.+
ဒီးမတဂၤ ဆၢထၢၣ်လၢ ကစၢ်ယွၤ အတၢ်လီၢ်စီဆှံ သ့ဝဲလဲၣ်.
၄ မ့ၢ်ဒၣ်ပှၤလၢ အတၢ်ကမၣ်တအိၣ်ဘၣ် ဒီးအသးကဆှီဝဲ,+
ပှၤလၢအတမၤ တၢ်အၢၣ်လီၤ ကဘျံးကဘျၣ်လၢ ယမံၤ* အပူၤဘၣ်
ဒီးတအၢၣ်လီၤတၢ်လၢ ကလံၣ်အီၣ်လီအီၣ်တၢ် အဂီၢ်ဘၣ် တဖၣ်လီၤ.+
၆ ပှၤဒ်န့ၣ်တဖၣ် မ့ၢ်ပှၤလၢ အဃု ကစၢ်ယွၤ,
မ့ၢ်ပှၤလၢအအဲၣ်ဒိး ဒိးန့ၢ်ဘၣ် စီၤယၤကိာ် အကစၢ်ယွၤ အတၢ်ဘၣ်သးလီၤ. (စ့လၤ)
၇ တြဲၤသ့ၣ်ဧၢ, မိာ်ထီၣ်သုခိၣ်တက့ၢ်.+
ပဲတြီလၢပျၢၤသ့ၣ်ဧၢ, အိးထီၣ်သုသးလဲၢ်လဲၢ်
ဒ်သိး စီၤပၤလၢ အအိၣ်ဒီးအလၤကပီၤ နုာ်လီၤဝဲကသ့ အဂီၢ်တက့ၢ်.+
၈ စီၤပၤလၢ အအိၣ်ဒီးအလၤကပီၤအံၤ မ့ၢ်မတဂၤလဲၣ်.
၉ တြဲၤသ့ၣ်ဧၢ, မိာ်ထီၣ်သုခိၣ်တက့ၢ်.+
ပဲတြီလၢပျၢၤသ့ၣ်ဧၢ, အိးထီၣ်သုသးလဲၢ်လဲၢ်
ဒ်သိး စီၤပၤလၢ အအိၣ်ဒီး အလၤကပီၤ နုာ်လီၤဝဲကသ့အဂီၢ်တက့ၢ်.
၁၀ စီၤပၤလၢ အအိၣ်ဒီးအလၤကပီၤအံၤ မ့ၢ်မတဂၤလဲၣ်.
စီၤပၤလၢ အအိၣ်ဒီး အလၤကပီၤန့ၣ် မ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.+ (စ့လၤ)