စံးထီၣ်ပတြၢၤ
စီၤဒၤဝံးအထါ.
၂၈ ယဟိဝၤယွၤ ယလၢၢ်ဧၢ,+ ယဆဲးကိးထီၣ်နၤလီၤ.
ဒိကနၣ် ယတၢ်ကိးထီၣ်နၤတက့ၢ်.
၂ ဖဲယယူာ်ထီၣ်ယစုလၢ နတၢ်လီၢ်စီဆှံကတၢၢ်+
ဒီးဃ့နၤ တၢ်မၤစၢၤအခါ ဒိကနၣ် ယတၢ်ဃ့ကညးတက့ၢ်.
၃ တဘၣ်စံၣ်ညီၣ်ယၤ ဃုာ်ဒီးပှၤအၢပှၤသီ, ပှၤလၢအ မၤဘၣ်ဒိဆါတၢ်+
ဒီးပှၤလၢအတဲတၢ်ဒီး ပှၤလၢအဃၢၤမုာ်မုာ် ဘၣ်ဆၣ် တၢ်အၢအိၣ်လၢ အသးပူၤန့ၣ်တဂ့ၤ.+
၄ ဟ့ၣ်ကၣ်က့ၤ အဝဲသ့ၣ်+
ဒ်တၢ်အၢလၢ အဝဲသ့ၣ် မၤဝဲအသိးန့ၣ်တက့ၢ်.
ဟ့ၣ်ကၣ်က့ၤ အဝဲသ့ၣ်
ဒ်အစုတၢ်မၤ အအၢအသီ လၢအမၤဝဲ အသိးန့ၣ်တက့ၢ်.+
ကစၢ်ယွၤ ကမၤလီၤပှီၢ် အဝဲသ့ၣ် ဒီးတသူၣ်ထီၣ် အဝဲသ့ၣ်ဘၣ်.
၆ မ့ၢ်လၢယဟိဝၤယွၤ ဒိကနၣ် ယတၢ်ဃ့ကညးလၢ တၢ်မၤစၢၤ အဂီၢ်အဃိ
မ်အဘၣ် တၢ်စံးထီၣ်ပတြၢၤအီၤတက့ၢ်.
ယဒိးန့ၢ်ဘၣ် အတၢ်မၤစၢၤအဃိ ယသူၣ်ဖှံသးညီလီၤ.
အဃိ ယစံးထီၣ်ပတြၢၤအီၤလၢ ယတၢ်သးဝံၣ်လီၤ.
၈ ယဟိဝၤယွၤ မ့ၢ်တၢ်ဂံၢ်တၢ်ဘါလၢ အပှၤဂီၢ်မုၢ်အဂီၢ်လီၤ.
အဝဲမ့ၢ် တၢ်ပူၤဖျဲးအလီၢ် ဒီးကအုၣ်က့ၤခီၣ်က့ၤ အပှၤဒိးဖှူသး တဂၤလီၤ.+
၉ မၤပူၤဖျဲး နပှၤဂီၢ်မုၢ် ဒီးဆိၣ်ဂ့ၤ နတၢ်န့ၢ်သါတက့ၢ်.+
ဒ်ပှၤကွၢ်သိအသိး အံးထွဲကွၢ်ထွဲ အဝဲသ့ၣ် ဒီးစိာ်အီၤလၢ နစုတီၤလိၤ လီၤထူလီၤယိာ်တက့ၢ်.+