ယၡါယၤ

 ၃ “ဟ့ၣ်ကူၣ်တၢ် ဒီးမၤထွဲဒ် တၢ်ဆၢတဲာ် အိၣ်ဝဲအသိးသၢၤ.

ဖဲမုၢ်ထူၣ်အခါဒၣ်လဲာ် ကဲထီၣ်တၢ်ကဒု ဒ်မုၢ်နၤခီ အတၢ်ကဒုအသိးတက့ၢ်.

ပာ်ခူသူၣ်ပှၤလၢ အလီၤပြံလီၤပြါတဖၣ် ဒီးတဘၣ်ဟ့ၣ်လီၤကွံာ် ပှၤလၢ အဃ့ၢ်ပူၤဖျဲးအသးတဂ့ၤ.

 ၄ အိ ကီၢ်မိၤအးဧၢ, မ်ပှၤလၢ အလီၤပြံလီၤပြါတဖၣ် အိၣ်လၢနပူၤတက့ၢ်.

ခီဖျိလၢ ပှၤမၤဟးဂီၤတၢ်ဖိအဃိ ကဲထီၣ် တၢ်အိၣ်ခူသူၣ်အလီၢ်လၢ အဝဲသ့ၣ်အဂီၢ်တက့ၢ်.+

 ၅ ဒီးစီၤပၤတဂၤလၢ အဟဲလီၤစၢၤလၢ စီၤဒၤဝံးန့ၣ် ကဆ့ၣ်နီၤလၢ လီၢ်ပစိာ်အဖီခိၣ်လီၤ.

အကမ့ၢ်ပှၤလၢအသးတီ,+ အတၢ်ပၢကအိၣ်ဂၢၢ်ဆိးကျၢၤ ဒီးအတၢ်ပၢ ကဒိးသန့ၤထီၣ်အသးလၢ တၢ်အဲၣ်လၢအတီလီၤ.

အကစံၣ်ညီၣ်တၢ် တီတီလိၤလိၤ ဒီးအကမၤတၢ်တီတၢ်လိၤ တဘျီဃီလီၤ.”+

 ၆ ပနၢ်ဟူဘၣ်လၢ ပှၤမိၤအးဖိ ပာ်ထီၣ်ထီအသးဒိၣ်မး.+

အဝဲသ့ၣ် ပာ်ကဖၢလၢသး, ပာ်ထီၣ်ထီအသး ဒီးအသးဒိၣ်ထီၣ် တၢ်လီၤ.+

ဘၣ်ဆၣ် အဝဲသ့ၣ် အတၢ်ကတိၤ ကလီကလီတဖၣ်န့ၣ် တကဲထီၣ် တၢ်နီတမံၤဘၣ်.

 ၇ ပှၤမိၤအးဖိတဖၣ် ကဟီၣ်ကိးပသူလၢ အဘၣ်ကီဘၣ်ခဲအဃိလီၤ.

ဘၣ်ဆၣ် ပှၤကလုာ် အပှၤခိၣ်ပှၤနၢ်တဖၣ် ယီၢ်တံၢ်လီၤဝဲလံ.

 ၉ အဃိ ယကဟီၣ်လၢ ဝ့ၢ်စံးဘမၤ အစပံးမုၢ်အဃိ ဒ်ယဟီၣ်လၢ ဝ့ၢ်ယၤစ့ၢ် အစပံးမုၢ်အဃိ အသိးလီၤ.

အိ ဝ့ၢ်ဃ့ၡဘိၣ် ဒီးဝ့ၢ်အ့လဧၤလ့ၤဧၢ,+ ခီဖျိလၢ တၢ်ကိးပသူထီၣ်လၢ သုတၤသူတၤသၣ် ဒီးတၢ်ကူးတၢ် အဆၢကတီၢ် ကတၢၢ်လံအဃိ

ယကမၤဘၣ်စီၣ်သုဒီး ယမဲာ်ထံလီၤ.

ဒီးလၢစပံးကျီးတဖၣ်အပူၤန့ၣ် တၢ်ကိးပသူထီၣ် ဒီးတၢ်သူၣ်ဖှံသးညီ အတၢ်သးဝံၣ် တအိၣ်လၢၤဘၣ်.+

ဒီးလၢစပံးထံ အကျီးတဖၣ်န့ၣ် ပှၤယီၢ်စပံးသၣ် တအိၣ်လၢၤဘၣ်.

၁၁ လၢတၢ်န့ၣ်အဃိ ယသးအုးလၢ ကီၢ်မိၤအးအဃိ ဒိၣ်မးလီၤ.+

၁၂ ပှၤလၢအအိၣ်လၢ ကီၢ်မိၤအးတဖၣ် မ့ၢ်လဲၤမၤလီၤဘှံးအသးလၢ တၢ်လီၢ်ထီၣ်ထီတဖၣ် ဒီးဃ့ထုကဖၣ်တၢ်လၢ အတၢ်လုၢ်ဟံၣ်ပူၤ သနာ်က့ အတၢ်ထုကဖၣ် ကကဲထီၣ် တၢ်ခီလီလီလီၤ.+

၁၃ ဘၣ်ဃးဒီး ကီၢ်မိၤအးန့ၣ် ယဟိဝၤယွၤ တဲပာ်စၢၤဝဲ ဒ်န့ၣ်လီၤ. ၁၄ ဒီးခဲအံၤ ယဟိဝၤယွၤ တဲဝဲလၢ “ကီၢ်မိၤအးန့ၣ် အတၢ်လၤကပီၤ အိၣ်အါမး ဘၣ်ဆၣ် လၢသၢနံၣ်အတီၢ်ပူၤ* အကဘၣ် တၢ်မၤမဲာ်ဆှးအီၤလီၤ. တၢ်သဘံၣ်သဘုၣ် ကအိၣ်ဝဲ အကလုာ်ကလုာ် ဒီးပှၤလၢအိၣ်တ့ၢ်စှၤဂၤန့ၣ် ကမ့ၢ်ပှၤလၢ အဂံၢ်စၢ်လီၤ.”+