ယၡါယၤ

၂၃ တၢ်စံၣ်ညီၣ်အကစီၣ်လၢ အဘၣ်ဃးဒီး ဝ့ၢ်စိၢ်န့ၣ် အိၣ်ဝဲဒ် လၢလာ်အံၤ အသိးလီၤ.+

ဒီးတၢ်ကစီၣ်အံၤ ဘၣ်တၢ်တဲဖျါထီၣ်အီၤလၢ ကံတံၣ် အတၢ်လီၢ် တၢ်ကျဲလံ.+

 ၂ ပှၤလၢအအိၣ်လၢ ပီၣ်လဲၣ်နံၤ အဟီၣ်ကဝီၤသ့ၣ်ဧၢ, အိၣ်ဘှ့ၣ်တက့ၢ်.

ဝ့ၢ်စံဒိၣ် အပှၤပှ့ၤတၢ်ဆါတၢ်လၢ+ အခီဂာ်ပီၣ်လဲၣ်န့ၣ် အိၣ်ပှဲၤလၢ နပူၤလီၤ.

ယတကွၢ်လုၢ်ဒိၣ်ထီၣ်ဘၣ် ဖိမုၣ်ဖိခွါတဖၣ် နီတဘျီဘၣ်.”

အဃိ မ်အကကဲထီၣ် တၢ်မဲာ်ဆှး လၢနဂီၢ်တက့ၢ်.+

 ၆ ပှၤလၢအအိၣ်လၢ ပီၣ်လဲၣ်နံၤ အဟီၣ်ကဝီၤသ့ၣ်ဧၢ, ဟီၣ်တက့ၢ်.

လဲၤခီဂာ်ပီၣ်လဲၣ် ဒီးလဲၤဆူ တၢ်ၡံၣ်တက့ၢ်.

 ၇ ဝ့ၢ်လၢ အဘၣ်တၢ်မၤလၤကပီၤအီၤ လၢပျၢၤလံၤလံၤန့ၣ် အမ့ၢ်နဝ့ၢ်ဧါ.

လၢညါ ပှၤလၢအအိၣ်လၢအပူၤတဖၣ် လဲၤအိၣ်လဲၤဆိးလၢ ကီၢ်လၢအယံၤတဖၣ်လီၤ.

 ၉ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဆၢတဲာ်ဝဲ ဒ်အံၤလီၤ.

၁၀ အိ တၢ်ၡံၣ် အပှၤဂီၢ်မုၢ်သ့ၣ်ဧၢ, အိၣ်လီၤပြံလီၤပြါ ဒ်ထံကျိနံၤလါ အသိးတက့ၢ်.

ကဘီသန့ တအိၣ် နီတတီၤလၢၤဘၣ်.+

၁၁ ကစၢ်ယွၤ ယၤထီၣ်အစု လၢပီၣ်လဲၣ် အဖီခိၣ်လံ.

အဝဲတရုၤ ဘီမုၢ်တဖၣ်လံ.

ယဟိဝၤယွၤ မၤလိာ်ဝဲလၢ ပှၤဖံၤနံက့ၤဖိ အတၢ်အိၣ်သဒၢအလီၢ်တဖၣ် ကဘၣ် တၢ်မၤဟးဂီၤ အီၤလီၤ.+

ဂဲၤဆၢထၢၣ် လဲၤခီဂာ်ပီၣ်လဲၣ် ဒီးလဲၤဆူ ကံတံၣ် အတၢ်လီၢ် တၢ်ကျဲတက့ၢ်.+

ဖဲန့ၣ်ဒၣ်လဲာ် သုတအိၣ်ဘှံးဘၣ်ဘၣ်.”

၁၃ ကွၢ်လၢ ပှၤက့ၤစ့းဖိတဖၣ်* အတၢ်လီၢ်သၢၤ.+

ပှၤက့ၤစ့းဖိတဖၣ် ကမၤဝဲဒ်န့ၣ် ဒီးတမ့ၢ်လၢ ပှၤအၤၡူၢ်ဖိ+ ကမၤဝဲဘၣ်.

၁၄ တၢ်ၡံၣ် အကဘီသ့ၣ်ဧၢ, ဟီၣ်တက့ၢ်.

သုတၢ်အိၣ်သဒၢအလီၢ် ဘၣ်တၢ်မၤဟးဂီၤအီၤလံ.+

၁၅ စးထီၣ်ဖဲ မုၢ်နံၤအဝဲန့ၣ် ပှၤကသးပ့ၤနီၣ်ကွံာ် ဝ့ၢ်စိၢ်အနံၣ် ၇၀ ဒ်စီၤပၤ အိၣ်မူယံာ်ဝဲ အနံၣ်အသိးလီၤ. ဖဲအနံၣ် ၇၀+ ပှဲၤထီၣ်အခါ တၢ်ကမၤအသးဒီး ဝ့ၢ်စိၢ် ဒ်သိးဒီး ပိာ်မုၣ်ဆါလီၤအီၣ်သးတဂၤလၢ တၢ်သးဝံၣ်တယုၢ် ဒ်လၢလာ်အံၤ အသိးလီၤ.

၁၆ “အိ ပိာ်မုၣ်ဆါလီၤအီၣ်သး လၢပှၤသးပ့ၤနီၣ်ကွံာ်အီၤဧၢ, ဟံးန့ၢ်တနၢ် ဒီးလဲၤတရံး ဝ့ၢ်တက့ၢ်.

၁၇ ဖဲအနံၣ် ၇၀ ပှဲၤထီၣ်အခါ ယဟိဝၤယွၤ ကနီၣ်ဘၣ်က့ၤ ဝ့ၢ်စိၢ်လီၤ. ဒီးဒ်ပိာ်မုၣ် ဆါလီၤအီၣ်သးအသိး ဝ့ၢ်စိၢ် ကစးထီၣ် ဒိးလဲကဒီးအသး လၢဘီမုၢ်ခဲလၢာ် လၢဟီၣ်ခိၣ်ဒီဘ့ၣ် အအိၣ်လီၤ. ၁၈ ဘၣ်ဆၣ် အမၠး ဒီးအဘူးအလဲတဖၣ်အံၤ ကဘၣ် တၢ်ပာ်စီဆှံအီၤလၢ ယဟိဝၤယွၤအဂီၢ် ဒီးတမ့ၢ်လၢ ဝ့ၢ်စိၢ် ကပာ်ဃာ်အီၤဒီး ကစူးဃာ်အီၤ အဂီၢ်ဘၣ်. တၢ်အဘူးအလဲတဖၣ်အံၤ ကမ့ၢ်ဝဲဒၣ်လၢ ယဟိဝၤယွၤ အပှၤဂီၢ်မုၢ် ကအီၣ်ဘၣ်တၢ် ဘျဲဘျဲ ဒီးကကူကကၤဘၣ် ဃံဃံလၤလၤ အဂီၢ်လီၤ.+