ယံးရမံယၤ

၂၂ ယဟိဝၤယွၤ တဲဝဲလၢ “လဲၤလီၤလၢ ယူဒၤအစီၤပၤအနူၢ်* ဒီးတဲဖျါထီၣ် တၢ်ကစီၣ်အံၤတက့ၢ်. ၂ နကဘၣ်တဲလၢ ‘အိ ယူဒၤအစီၤပၤ လၢအဆ့ၣ်နီၤလၢ စီၤဒၤဝံး အလီၢ်ပစိာ်အလိၤဧၢ, နၤဒီး နခ့နပှၤတဖၣ် ဒီးနပှၤဂီၢ်မုၢ်တဖၣ် လၢအဟဲနုာ်လီၤလၢ တြဲၤတဖၣ်အံၤန့ၣ် ကဘၣ်ဒိကနၣ် ယဟိဝၤယွၤ အတၢ်ကတိၤအံၤလီၤ. ၃ ယဟိဝၤယွၤ တဲဝဲလၢ “စံၣ်ညီၣ်တၢ် တီတီလိၤလိၤ ဒီးမၤတၢ်တီတၢ်လိၤတက့ၢ်. မၤပူၤဖျဲး ပှၤလၢ အဘၣ်တၢ်တမျာ်အီၤတဖၣ်လၢ ပှၤလံၣ်အီၣ်လီအီၣ်တၢ် အစုပူၤတက့ၢ်. တဘၣ်ဆီၣ်တံၢ်မၤနၢၤ ပှၤထံဂၤကီၢ်ဂၤဖိ နီတဂၤတဂ့ၤ. တဘၣ်မၤအၢမၤသီ ပှၤဖိၣ်ဃဲဖိ ဒီးပှၤမုၣ်ကမဲ နီတဂၤတဂ့ၤ.+ ဒီးလၢတၢ်လီၢ်ဖဲအံၤန့ၣ် တဘၣ်လူလီၤ ပှၤလၢအတၢ်ကမၣ်တအိၣ်ဘၣ်န့ၣ် အသွံၣ် နီတဂၤတဂ့ၤ.+ ၄ သုမ့ၢ်မၤထွဲ တၢ်ကတိၤအံၤ လီၤတံၢ်လီၤဆဲးန့ၣ် စီၤပၤတဖၣ်လၢ အဆ့ၣ်နီၤလၢ စီၤဒၤဝံး အလီၢ်ပစိာ်အလိၤန့ၣ်+ ကဟဲနုာ်လီၤဒိးဝဲ လ့ၣ်ကဟၣ်ဒီးကသ့ၣ်တဖၣ် လၢနူၢ်အံၤအတြဲၤတဖၣ် ဒီးအဝဲသ့ၣ် အခ့အပှၤတဖၣ် ဒီးအပှၤဂီၢ်မုၢ်တဖၣ် ကနုာ်လီၤဘၣ်စ့ၢ်ကီးလီၤ.”’+

၅ “ယဟိဝၤယွၤ တဲဝဲလၢ ‘ဘၣ်ဆၣ် သုမ့ၢ်တဒိကနၣ် တၢ်ကတိၤတဖၣ်န့ၣ်ဘၣ်န့ၣ် ယအၢၣ်လီၤလၢ ယနီၢ်ကစၢ်အမံၤပူၤလၢ နူၢ်တဖျၢၣ်အံၤ ကဟးဂီၤကွံာ်ဝဲလီၤ.’+

 ၇ ဒီးယကဃုထၢထီၣ် ပှၤမၤဟးဂီၤတၢ်ဖိတဖၣ် ဒ်သိးကထီဒါနၤလီၤ.

အဝဲသ့ၣ် တဂၤစုာ်စုာ်န့ၣ် အိၣ်ဒီး တၢ်စုကဝဲၤလီၤ.+

၈ “‘ပှၤဂီၢ်မုၢ်လၢ ပှၤကလုာ်အါကလုာ်အကျါန့ၣ် ကလဲၤဘၣ်ကျဲလၢ ဝ့ၢ်တဖျၢၣ်အံၤ အကပၤ ဒီးတဲလိာ်သး တဂၤဒီးတဂၤလၢ “ဘၣ်မနုၤအဃိ ယဟိဝၤယွၤ မၤဝဲ ဝ့ၢ်ဖးဒိၣ်တဖျၢၣ်အံၤ ဒ်အံၤလဲၣ်.”+ ၉ ပှၤကတဲဆၢဝဲလၢ “မ့ၢ်လၢ အဝဲသ့ၣ် ပာ်တ့ၢ်ကွံာ် အကစၢ် ယဟိဝၤယွၤ အတၢ်အၢၣ်လီၤအီလီၤ ဒီးအဝဲသ့ၣ် ဘူၣ်ထီၣ်ဘါထီၣ် ယွၤအဂၤတဖၣ် ဒီးမၤယွၤအဂၤတဖၣ်အတၢ် အဃိလီၤ.”’+

၁၀ တဘၣ်ဟီၣ်လၢ စီၤပၤလၢ အသံတဂၤန့ၣ် အဃိတဂ့ၤ.

ဒီးတဘၣ်သးအုးလၢ အသံ အဃိတဂ့ၤ.

၁၁ “ဘၣ်ဃးဒီး စီၤယိၤၡံယၤ အဖိခွါ စီၤၡၤလူၣ်*+ လၢအပၢက့ၤတၢ်လၢ အပၢ်အလီၢ် ဒ်ယူဒၤအစီၤပၤအသိး+ ဒီးဘၣ်ဟးထီၣ်လၢ တၢ်လီၢ်ဖဲအံၤန့ၣ် ယဟိဝၤယွၤ တဲဝဲလၢ ‘အဝဲတဟဲက့ၤဘၣ်ဖဲအံၤ နီတဘျီလၢၤဘၣ်. ၁၂ အဝဲကသံလၢ တၢ်လီၢ်ဖဲ အဘၣ်တၢ်က့ၤဖီၣ်အီၤ ဒီးအဝဲတထံၣ်ဘၣ် တၢ်လီၢ်အံၤ နီတဘျီလၢၤဘၣ်.’+

၁၅ မ့ၢ်နဆိကမိၣ်လၢ နကဆဲးပၢတၢ်လၢ နတ့ထီၣ်နနူၢ် အိၣ်ဒီးသ့ၣ်ဆှိအ့ရ့း အါန့ၢ်ဒံး ပှၤဂၤန့ၣ်ဧါ.

ဒီးအတၢ်အိၣ်မူ လဲၤအသးဂ့ၤဂ့ၤ ဘၣ်ဘၣ်လီၤ.

‘အဝဲမၤဝဲ ဒ်န့ၣ်န့ၣ် အပာ်ဖျါထီၣ်လၢ အသ့ၣ်ညါယၤ တမ့ၢ်ဧီၤ.’ ယဟိဝၤယွၤ တဲဝဲဒ်န့ၣ်လီၤ.

၁၇ ‘မ့မ့ၢ်နၤန့ၣ် နဃုကျဲလၢ နကလံၣ်အီၣ်လီအီၣ် ပှၤဂၤထီဘိလီၤ.

၁၉ ဖဲအသံအခါ ပှၤကမၤအီၤ ဒ်သိးဒီး ကသ့ၣ်ယီၤလၢ အသံတဒုလီၤ.+

၂၀ လဲၤထီၣ်* လၢလဘၤနိၣ် ဒီးဟီၣ်ကိးပသူထီၣ်တက့ၢ်.

နတၢ်အဲၣ်တီတဖၣ်န့ၣ် ဘၣ်တၢ် မၤသဘှံးအီၤလၢာ်လံ.+

ဒီးဖဲန့ၣ်အခါ နကဒိးန့ၢ်ဘၣ် တၢ်မဲာ်ဆှးခီဖျိ တၢ်ကီတၢ်ခဲလၢ အဟဲဘၣ်နၤ အဃိလီၤ.

၂၄ “ယဟိဝၤယွၤ တဲဝဲလၢ ‘ဒ်ယမ့ၢ်ပှၤလၢ အမူဝဲ သပှၢ်တၢၢ်အသိး ယအၢၣ်လီၤလၢ နၤ, စီၤကၤနယၤ*+ လၢအမ့ၢ် ယူဒၤအစီၤပၤ ဒီးစီၤယဟိၤယါကံၣ် အဖိခွါဧၢ,+ နမ့မ့ၢ် ပသံးလၢအလုၢ်ဒိၣ်ပှ့ၤဒိၣ်တဘိ လၢယစုထွဲ သနာ်က့ ယကဘ့ၣ်လီၤကွံာ်နၤလီၤ. ၂၅ ယကဟ့ၣ်လီၤကွံာ်နၤလၢ ပှၤလၢ အဃုမၤသံနၤတဖၣ် အစုပူၤ, ပှၤလၢ နပျံၤအီၤတဖၣ် အစုပူၤ, ဘၤဘူၤလိၣ် အစီၤပၤနဘူၤကးန့စၢ် အစုပူၤ ဒီးပှၤက့ၤစ့းဖိ အစုပူၤလီၤ.+ ၂၆ ယကကွံာ်လီၤ နၤဒီးနမိ လၢကီၢ်အဂၤတဘ့ၣ်လၢ သုတအိၣ်ဖျဲၣ်ထီၣ် လၢအပူၤဘၣ် ဒီးသုကသံ ဖဲန့ၣ်လီၤ. ၂၇ တၢ်လီၢ်လၢ သုသးသယုၢ်ဘၣ်အီၤန့ၣ် သုတက့ၤအိၣ်ဘၣ် နီတဘျီလၢၤဘၣ်.+

၂၉ အိ ပှၤဟီၣ်ခိၣ်ဖိ လၢအအိၣ်လၢ ဟီၣ်ခိၣ်ချၢသ့ၣ်ဧၢ, ဒိကနၣ် ယဟိဝၤယွၤ အတၢ်ကတိၤတက့ၢ်.