မၢ်ကူး

၁၆ ဖဲမုၢ်အိၣ်ဘှံးနံၤ+ ဝံၤအလီၢ်ခံန့ၣ်​ နီၢ်မၤရံ မၤကဒၤလ့ၣ်, စီၤယၤကိာ်အမိၢ် နီၢ်မၤရံ+ ဒီးနီၢ်စၤလိၣ်​ ပှ့ၤတၢ်နၢမူနၢဆှီ ဒီးဟဲစိာ်ဝဲ ဒ်သိးကဖှူ ယ့ၣ်ၡူးအစိၣ်လီၤ.+ ၂ ဖဲမုၢ်ခီၣ်ထံးအနံၤ ဂီၤဂီၤန့ၣ်​ အဝဲသ့ၣ်​ လဲၤလၢ တၢ်သွၣ်ခိၣ်လီၤ.+ ၃ ဒီးအဝဲသ့ၣ်​ တဲလိာ်အသး တဂၤဒီးတဂၤလၢ “မတဂၤ ကတလ့ၣ်ကွံာ်န့ၢ်ပှၤ လၢၢ်လၢ တၢ်သွၣ်ခိၣ်​ အခိၣ်ထိးလဲၣ်.” ၄ ဘၣ်ဆၣ်​ ဖဲအဝဲသ့ၣ်​ ကွၢ်ထီၣ်တၢ်အခါ အဝဲသ့ၣ်ထံၣ်ဝဲလၢ လၢၢ်ဖးဒိၣ်တဖျၢၣ်န့ၣ်​ ဘၣ်တၢ် တလ့ၣ်ကွံာ်အီၤလံ.+ ၅ ဖဲအဝဲသ့ၣ်​ လဲၤနုာ်လီၤလၢ တၢ်သွၣ်ခိၣ်အပူၤအခါ အဝဲသ့ၣ်ထံၣ်​ ပှၤသးစၢ်တဂၤလၢအသိးဒီး ဆ့ဝါဖးထီန့ၣ်​ ဆ့ၣ်နီၤလၢ စုထွဲတခီ အဃိအဝဲသ့ၣ်​ ကမၢကမၣ်ဝဲလီၤ. ၆ အဝဲတဲဘၣ်​ အဝဲသ့ၣ်လၢ “တဘၣ်​ ကမၢကမၣ်တဂ့ၤ.+ ပှၤနစၤရ့းဖိ ယ့ၣ်ၡူးလၢ အဘၣ်​ တၢ်မၤသံအီၤလၢ သ့ၣ်တၢၣ်အလိၤလၢ သုဟဲဃုအီၤန့ၣ်​ တၢ်မၤဂဲၤဆၢထၢၣ်​ သမူထီၣ်က့ၤအီၤလံ.+ အဝဲတအိၣ်​ ဖဲအံၤလၢၤဘၣ်. ကွၢ်မီၤ, လၢညါ ပှၤပာ်လီၤအီၤ လၢတၢ်လီၢ်ဖဲအံၤလီၤ.+ ၇ လဲၤတဲဘၣ်​ အပျဲၢ်အဘီၣ်တဖၣ်​ ဒီးစီၤပ့းတရူးလၢ ‘အဝဲကလဲၤဆိလၢ သုမဲာ်ညါဆူ ကၤလံၤလါလီၤ.+ သုကထံၣ်ဘၣ်အီၤဖဲန့ၣ်​ ဒ်အတဲတ့ၢ်သု အသိးလီၤ.’”+ ၈ အဃိ ဖဲအဝဲသ့ၣ်​ ဟးထီၣ်လၢ တၢ်သွၣ်ခိၣ်အခါ အဝဲသ့ၣ်ကနိးကစုာ် ဒီးကမၢကမၣ်ဝဲဒိၣ်မး ဒီးက့ၤဃ့ၢ်ဝဲလီၤ. ဒီးမ့ၢ်လၢ အဝဲသ့ၣ်ပျံၤတၢ်အဃိ+ အဝဲသ့ၣ်​ တတဲဘၣ်ပှၤဂၤ တၢ်နီတမံၤဘၣ်.*