၅. ပာ်လုၢ်ပာ်ပှ့ၤ ဖိသၣ်လၢ အတအိၣ်ဖျဲၣ်ထီၣ်ဒံးဘၣ် အသးသမူ

စီၤဒၤဝံး တဲဖျါထီၣ်ဝဲလၢ ဖဲဖိသၣ်တဂၤအိၣ်လၢ အမိဒၢလီၢ်ပူၤအခါ အဝဲဒိၣ်ထီၣ်ဝဲ ကယီကယီဒ်လဲၣ်န့ၣ် ယဟိဝၤယွၤ ပာ်သူၣ်ပာ်သးဝဲ. ဖး စံးထီၣ်ပတြၢၤ ၁၃၉:​၁၃-၁၇ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• လၢယဟိဝၤယွၤ အတၢ်ထံၣ်န့ၣ် မ့ၢ်ပှၤတဂၤ အတၢ်အိၣ်မူ စးထီၣ်အသး ဖဲအမိဒၢထီၣ်အီၤ သီသီအခါဧါ မ့တမ့ၢ် ဖဲအမိ အိၣ်ဖျဲၣ်ထီၣ်အီၤ သီသီအခါဧါ.

ယဟိဝၤယွၤ အတၢ်သိၣ်တၢ်သီ လၢအဟ့ၣ်လီၤဝဲ ပှၤအံၣ်စရ့လးဖိ လၢပျၢၤတဖၣ်န့ၣ် ကဲထီၣ် တၢ်ဒီသဒၢလၢ မိအဂီၢ် ဒီးအဖိလၢ အတအိၣ်ဖျဲၣ်ထီၣ်ဒံးဘၣ်တဖၣ်အဂီၢ်. ဖး ၂ မိၤၡ့ ၂၁:​၂၂, ၂၃ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• လၢတၢ်တပာ်သူၣ်ပာ်သးအပူၤ ပှၤတဂၤ မ့ၢ်မၤသံဘၣ် ဖိသၣ်လၢ အတအိၣ်ဖျဲၣ်ထီၣ်ဒံးဘၣ်န့ၣ် ယဟိဝၤယွၤ ထံၣ်ဝဲဒ်လဲၣ်.

• ပှၤတဂၤ မ့ၢ်မၤလီၤတဲာ် အဖိန့ၣ် ယဟိဝၤယွၤ ကထံၣ်ဝဲဒ်လဲၣ်.b

• ဘၣ်ဃးဒီး ကစၢ်ယွၤ အတၢ်ထံၣ်အံၤ နဆိကမိၣ်ဒ်လဲၣ်.

ကွၢ်တၢ်ဂီၤမူ.

တၢ်ဂီၤမူ– ပာ်လုၢ်ပာ်ပှ့ၤသးသမူဒ် ယွၤပာ်လုၢ်ပာ်ပှ့ၤဝဲအသိး (၅:၀၀)

ပိာ်မုၣ်တဂၤလၢ အပာ်လုၢ်ပာ်ပှ့ၤ သးသမူန့ၣ် ဘၣ်သ့ၣ်သ့ၣ် အကတူၢ်ဘၣ်လၢ အတၢ်ဃုထၢ အိၣ်ထဲတခါလၢ အကဘၣ်မၤလီၤတဲာ်အဖိ. ဖး ယၡါယၤ ၄၁:၁၀ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ပိာ်မုၣ်တဂၤ ပှၤမ့ၢ်မၢဆူၣ်အီၤလၢ အကမၤလီၤတဲာ်အဖိန့ၣ် အကြၢးဃ့တၢ်မၤစၢၤလၢမတဂၤအအိၣ်လဲၣ်. ဘၣ်မနုၤအဃိလဲၣ်.