ခရံာ်ဖိအတၢ်အိၣ်မူဒီး တၢ်စံၣ်တဲၤတဲလီၤတၢ်ကၠိ ကၠိဖိလံာ်တၢ်မၤလိ အတၢ်ဂ့ၢ်ဘျးစဲ
လါယနူၤအါရံၤ ၃-၉
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | စံၣ်ညီၣ်ကွီၢ် ၁၅-၁၆
“တၢ်သးတတီန့ၣ်—လီၤမဲာ်ဆှးဒိၣ်မး”
တၢး၁၂ ၄/၁၅ ၈ ¶၄
တၢ်သးတတီန့ၣ် မ့ၢ်ဝဲမုၢ်နံၤခံကတၢၢ် အတၢ်ပနီၣ်လၢ အအၢအသီတခါ
၄ အဆိကတၢၢ် ပကဆိကမိၣ်ကွၢ် နီၢ်ဒလံလၤ ကူၣ်ထီၣ်ဖးလီၤတၢ်လၢ ပှၤလၢအအဲၣ်ဘၣ်အီၤ စီၤၡံၣ်ၡိၣ်အဖီခိၣ်လီၤ. စီၤၡံၣ်ၡိၣ်န့ၣ် တီခိၣ်ရိၤမဲဝဲ ကစၢ်ယွၤအပှၤဂီၢ်မုၢ်လၢ ကဒုးဝဲပှၤဖလ့ၡသးဖိအဂီၢ်. ဘၣ်သ့ၣ်သ့ၣ် ပှၤဖလ့ၡသးဖိ အပဒိၣ်ယဲၢ်ဂၤန့ၣ် သ့ၣ်ညါဝဲလၢ နီၢ်ဒလံလၤ တအဲၣ်ဝဲ စီၤၡံၣ်ၡိၣ် နီၢ်ကီၢ်ဘၣ် အဃိ အဝဲသ့ၣ်ဟ့ၣ်ဝဲ နီၢ်ဒလံလၤ ကျိၣ်စ့အါအါ ဒ်သိးကတဲပၠးအဝဲသ့ၣ် စီၤၡံၣ်ၡိၣ် အတၢ်ခူသူၣ်လၢ ဘၣ်ဃးဒီး အဂံၢ်ဆူၣ်ဘါဆူၣ်အဂ့ၢ် ဒ်သိးအဝဲသ့ၣ်မၤသံအီၤ ကန့ၢ်အဂီၢ်လီၤ. နီၢ်ဒလံလၤန့ၣ် သူၣ်လီသးကွံဝဲ ကျိၣ်စ့အဃိ တူၢ်လိာ်ဝဲ အဝဲသ့ၣ်အတၢ်ဟ့ၣ် ဘၣ်ဆၣ် အဝဲဂုာ်ကျဲးစၢးဝဲသၢဘျီလၢ ကသ့ၣ်ညါဝဲ စီၤၡံၣ်ၡိၣ် အတၢ်ခူသူၣ်သနာ်က့ မၤဝဲတန့ၢ်ဘၣ်. နီၢ်ဒလံလၤ “မၤဆူၣ်အီၤကိးနံၤဒဲးလၢ အတၢ်ကတိၤတဖၣ်” တုၤဒၣ်လဲာ် “အကသံတ့ၢ်” လီၤ. အဃိအဝဲတဲပၠးဝဲ နီၢ်ဒလံလၤလၢ အဝဲတလူၤအခိၣ်ဆူၣ် နီတဘျီဘၣ်. အဝဲမ့ၢ်လူၤအခိၣ်ဆူၣ်န့ၣ် အဂံၢ်အဘါတအိၣ်လၢၤဘၣ်. မ့ၢ်လၢနီၢ်ဒလံလၤ သ့ၣ်ညါဝဲ စီၤၡံၣ်ၡိၣ် အတၢ်ခူသူၣ်လံအဃိ ဖဲစီၤၡံၣ်ၡိၣ် မံဘၣ်အသးလၢ အခီၣ်ကံၣ်ဒုၣ်လိၤအခါ အဝဲမၢပှၤလူၤကွံာ် အခိၣ်ဆူၣ် ဒီးဟ့ၣ်လီၤကွံာ်အီၤလၢ အဒုၣ်အဒါတဖၣ်အစုပူၤလီၤ. (စံၣ်ညီၣ်. ၁၆:၄, ၅, ၁၅-၂၁) နီၢ်ဒလံလၤ အတၢ်မၤန့ၣ် အၢသီထဲလဲၣ်. မ့ၢ်လၢအဝဲ သူၣ်လီသးကွံ ကျိၣ်စ့အဃိ တတီဒီး ပှၤလၢအအဲၣ်အီၤ စီၤၡံၣ်ၡိၣ်ဘၣ်.
တၢး၀၅ ၁/၁၅ ၂၇ ¶၅
လံာ်စီဆှံ အတၢ်ပာ်ဖျါလၢလံာ် စံၣ်ညီၣ်ကွီၢ် အဂီၢ်
၁၄:၁၆, ၁၇; ၁၆:၁၆. တၢ်အ့န့ပှိၤပှီၢ် ဒီးတၢ်ကဒူးကဒ့ၣ်န့ၣ် မၤဟးဂီၤတၢ်ရ့လိာ်သးသ့.—ကတိၤဒိ ၁၉:၁၃; ၂၁:၁၉.
တၢး၁၂ ၄/၁၅ ၁၁-၁၂ ¶၁၅-၁၆
တၢ်သးတတီန့ၣ် မ့ၢ်ဝဲမုၢ်နံၤခံကတၢၢ် အတၢ်ပနီၣ်လၢ အအၢအသီတခါ
၁၅ ပှၤနီၢ်ဒီမါဝၤတဖၣ် ဆဲးအိၣ်ဒီးတၢ်သးတီလၢ တဂၤဒီးတဂၤအဖီခိၣ် ကသ့ဒ်လဲၣ်. လံာ်စီဆှံတဲဝဲလၢ “သးခုဒီး နဖိၣ်သၣ်ခွါထီၣ်အမါ [မ့တမ့ၢ် ဝၤ]” ဒီး “မူသးခုဒီးနမါ [မ့တမ့ၢ် ဝၤ] လၢနအဲၣ်အီၤ” တက့ၢ်. (ကတိၤ. ၅:၁၈; စံၣ်. ၉:၉) ဖဲပှၤနီၢ်ဒီမါဝၤခံဂၤ အသးပှၢ်ထီၣ် အဆၢကတီၢ်ဒၣ်လဲာ် အဝဲသ့ၣ် ကဘၣ်မၤဂၢၢ်ကျၢၤထီၣ် အတၢ်ရ့လိာ်သးခီဖျိ ကဘၣ်ပာ်သူၣ်ပာ်သး တဂၤဒီးတဂၤ အတၢ်လိၣ်ဘၣ်လၢ နီၢ်ခိ ဒီးသးအတၢ်တူၢ်ဘၣ်လီၤ. အခီပညီ အဝဲသ့ၣ် ကဘၣ်မၤလၢပှဲၤဝဲ တဂၤဒီးတဂၤ အတၢ်လိၣ်ဘၣ်, ကဘၣ်သူအါထီၣ်တၢ်ဆၢကတီၢ် ဒ်သိးသိး ဒ်သိးအတၢ်ရ့လိာ်သး ကဂၢၢ်ကျၢၤထီၣ်အဂီၢ်. တကးဒံးဘၣ် အဝဲသ့ၣ် ကဘၣ်သးစၢၢ်ဆၢလၢ ကမၤဂၢၢ်ကျၢၤထီၣ် အတၢ်ဆီဟံၣ်ဆီဃီ ဒီးအတၢ်ရ့လိာ်သးဒီး ယဟိဝၤယွၤ. ဒ်သိးမၤဝဲဒ်အံၤ ကန့ၢ်အဂီၢ် အဝဲသ့ၣ်ကဘၣ်ဖးလံာ်စီဆှံ, လဲၤစံၣ်တဲၤတဲလီၤတၢ် ဒ်သိးသိး ဒီးဃ့ဘါထုကဖၣ်လၢ ကဒိးန့ၢ်ဘၣ် ယဟိဝၤယွၤ အတၢ်ဆိၣ်ဂ့ၤအဂီၢ် ဒ်သိးသိးလီၤ.
ဆဲးတီဒီး ယဟိဝၤယွၤ
၁၆ လၢတၢ်အိၣ်ဖှိၣ်အပူၤန့ၣ် ပှၤလၢအမၤဘၣ် တၢ်ကမၣ်ဖးဒိၣ်တဖၣ် ကဘၣ်တၢ် “သိၣ်ဃီၣ် အဝဲသ့ၣ်ဆူၣ်ဆူၣ် ဒ်သိးအဝဲသ့ၣ် အတၢ်နာ်ကဂၢၢ်ကျၢၤဝဲ” အဂီၢ်လီၤ. (တံ. ၁:၁၃) ပှၤတနီၤန့ၣ် ခီဖျိလၢ အတၢ်သကဲာ်ပဝးအဃိ အဝဲသ့ၣ် ဘၣ်တၢ်နီဟးထီၣ်ကွံာ်အီၤလၢ တၢ်အိၣ်ဖှိၣ်ပူၤလီၤ. “ပှၤလၢအဘၣ် တၢ်သိၣ်လိနဲၣ်လိအီၤ ခီဖျိလၢ တၢ်သိၣ်က့ၤသီက့ၤအဃိန့ၣ်” ကမၤစၢၤ အဝဲသ့ၣ်လၢ အတၢ်ရ့လိာ်သးဒီး ကစၢ်ယွၤ ကဂ့ၤထီၣ်အဂီၢ်လီၤ. (ဧ့ၤ. ၁၂:၁၁) ဖဲပဘူးပတံၢ် မ့တမ့ၢ် ပတံၤသကိးတဂၤမ့ၢ်ဘၣ်တၢ်နီဟးထီၣ်အီၤလၢ တၢ်အိၣ်ဖှိၣ်ပူၤအခါ ပကမၤဒ်လဲၣ်. ပကဘၣ်တီဒီး ကစၢ်ယွၤအါန့ၢ် ပတီဒီးအီၤလီၤ. မ့ၢ်ပကမၤထွဲ ကစၢ်ယွၤ အတၢ်မၤလိာ်ဧါ မ့တမ့ၢ် ပကဆဲးကျိးဒီး ပှၤလၢအဘၣ် တၢ်နီဟးထီၣ်ကွံာ်အီၤတဂၤဧါန့ၣ် ယဟိဝၤယွၤကွၢ်ဝဲလီၤ.—ဖး ၁ ကရံၣ်သူး ၅:၁၁-၁၃.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁၅ ၂၇ ¶၆
စီၤၡံၣ်ၡိၣ် မၤနၢၤတၢ် ခီဖျိ ယဟိဝၤယွၤ အဂံၢ်အဘါ
စီၤၡံၣ်ၡိၣ် အိၣ်ဒီးတၢ်တိာ်ပာ် ဂၢၢ်ဂၢၢ်ကျၢၤကျၢၤလၢ ကဒုးဝဲပှၤဖလ့ၡသးဖိတဖၣ်လီၤ. အဝဲလဲၤအိၣ်ဝဲလၢ ဃဲသဲမုၣ်အဟံၣ်လၢ ဝ့ၢ်ဂါစၤန့ၣ် အတၢ်တိာ်ပာ်မ့ၢ်ဝဲ ကဒုးဝဲ ကစၢ်ယွၤ အဒုၣ်အဒါတဖၣ်အဂီၢ်လီၤ. လၢဒုၣ်ဒါအဝ့ၢ်ပူၤန့ၣ် အဝဲကလိၣ်ဘၣ်တၢ်လီၢ်လၢ ကမံဝဲအဂီၢ် အဃိအဝဲ ထံၣ်န့ၢ်ဝဲတၢ်လီၢ်လၢ ဃဲသဲမုၣ်အဟံၣ်လီၤ. အဝဲတအိၣ်ဒီး တၢ်တိာ်ပာ်လၢ ကမၤကမၣ်မုၣ်ကမၣ်ခွါအဂီၢ်ဘၣ်. ဖဲဖးဖီမုၢ်န့ၣ် အဝဲဟးထီၣ်လၢ ပိာ်မုၣ်အံၤအဟံၣ် ဒီးယိးထီၣ်ဝဲဝ့ၢ်အတြဲၤ ဒီးအထူၣ်တဖၣ် ဒီးလဲၤယိးဝဲတုၤလၢ ကစၢၢ်ခိၣ်လၢအဘူးဒီး ဝ့ၢ်ဃ့ဘြိၣ်လီၤ. ဒီးတၢ်ဒ့စၢၤယံၤဝဲ ၃၇ မံးလာ် [၆၀ ကံလိမံထၢၣ်] လီၤ. အဝဲမၤဝဲဒ်အံၤသ့ ခီဖျိလၢ ကစၢ်ယွၤဟ့ၣ်အီၤ တၢ်ဂံၢ်တၢ်ဘါအဃိလီၤ.—စံၣ်ညီၣ်ကွီၢ် ၁၆:၁-၃.
လါယနူၤအါရံၤ ၁၀-၁၆
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | စံၣ်ညီၣ်ကွီၢ် ၁၇-၁၉
“တၢ်တဒိကနၣ် ကစၢ်ယွၤ အတၢ်မၤလိာ်န့ၣ် ဒုးအိၣ်ထီၣ်တၢ်ကီတၢ်ခဲ”
it-2 ၃၉၀-၃၉၁
မံၤကါ
၁. စီၤမံၤကါန့ၣ် မ့ၢ်ဝဲ ပှၤအ့ဖရဲၣ်ဖိလၢ အမၤကမၣ် တၢ်မၤလိာ်အဘီတဆံအကျါ ဃိးဘီတဘီ (၂ မိၤ. ၂၀:၁၅) ဒီးမ့ၢ်ပှၤလၢ အဟုၣ်အမိၢ်အစ့ ၁,၁၀၀ လီၤ. ဖဲအဝဲအၢၣ်လီၤအတၢ်ကမၣ် ဒီးဟ့ၣ်က့ၤစ့အခါ အမိၢ်တဲအီၤလၢ “ယပာ်စီဆှံစ့န့ၣ်လၢ ယွၤသပှၢ်တၢၢ်လၢ ယစုပူၤလၢယဖိခွါအဂီၢ်, ဒ်သိးအကတ့ တၢ်ဂီၤစိးပျၤအသးဒီး တၢ်ဂီၤသိအသးလီၤ. ဒီးခဲကနံၣ်အံၤ ယကဟ့ၣ်က့ၤအီၤလၢနၤလီၤ.” အမိၢ်န့ၣ် ဟံးန့ၢ်ဝဲစ့ ၂၀၀ ဒီးဟ့ၣ်လီၤဝဲလၢ ပှၤတ့တၢ်ဂီၤအအိၣ် “ဒီးအဝဲဒၣ် တ့တၢ်ဂီၤစိးပျၤအသးဒီး တၢ်ဂီၤသိအသး” လၢအဂီၢ် ဒီးလၢခံတၢ်ဂီၤအံၤ ဘၣ်တၢ်က့ၤပာ်အီၤလၢ စီၤမံၤကါအဟံၣ်လီၤ. လၢစီၤမံၤကါအဟံၣ်န့ၣ် “အိၣ်ဒီးအကစၢ်တဖၣ်အဟံၣ်တဖျၢၣ်” ဒီးအဝဲတ့ဝဲ အ့ဖိးတဘ့ၣ် ဒီးတၢ်ဂီၤတရၤဖး ဒီးပာ်ထီၣ်ဝဲ အဖိခွါတဂၤလၢ ပှၤလုၢ်တၢ်ဒိၣ်လီၤ. အဝဲအတၢ်ရဲၣ်တၢ်ကျဲၤန့ၣ် ဖျါလၢအမၤလၤကပီၤ ယဟိဝၤယွၤ သနာ်က့ ကမၣ်ဝဲ ဒီးတကြၢးတဘၣ်ဘၣ်. မ့ၢ်လၢအဝဲမၤကမၣ်ဝဲ ကစၢ်ယွၤ အတၢ်မၤလိာ်လၢ ဘၣ်ဃးဒီး တ့တၢ်ဂီၤတၢ်ဖီၣ်လၢနဂီၢ် ဒီးဘါအီၤတဂ့ၤ (၂ မိၤ. ၂၀: ၄-၆) တကးဒံးဘၣ် အဝဲတပာ်ကဲ ယဟိဝၤယွၤ အဒဲစီဆှံ ဒီးပှၤလုၢ်တၢ်ဒိၣ် အတၢ်ရဲၣ်တၢ်ကျဲၤဘၣ်. (စံၣ်ညီၣ်. ၁၇:၁-၆; ၅ မိၤ. ၁၂:၁-၁၄) လၢခံန့ၣ် စီၤမံၤကါ က့ၤကိးဝဲ စီၤယိနၤသၣ်လၢ အဟဲလီၤစၢၤလီၤသွဲၣ်လၢ စီၤမိၤၡ့အဖိခွါ စီၤက့ရၡိၣ် ဆူအဟံၣ် ဒီးငါဝဲ ပှၤလ့ၤဝံသးစၢ်အံၤ လၢကကဲထီၣ် ပှၤလုၢ်တၢ်ဒိၣ်လၢအဂီၢ်လီၤ. (စံၣ်ညီၣ်. ၁၈:၄, ၃၀) စီၤမံၤကါန့ၣ် သးမံဝဲဒီး တၢ်လၢအမၤဝဲတဖၣ် ဒီးတဲဝဲလၢ “ခဲကနံၣ်အံၤ ယသ့ၣ်ညါလၢ ယွၤကမၤဂ့ၤယၤလီၤ.” ဘၣ်ဆၣ် အဝဲအတၢ်မၤန့ၣ် ကမၣ်ဝဲလီၤ. (စံၣ်ညီၣ်. ၁၇:၇-၁၃) မ့ၢ်လၢ စီၤယိနၤသၣ်န့ၣ် တဟဲလီၤစၢၤလီၤသွဲၣ်လၢ စီၤအၤဟရိၣ်ဘၣ် ဒီးတအိၣ်ဒီးတၢ်ခွဲးတၢ်ယာ်လၢ ကကဲထီၣ်ပှၤလုၢ်တၢ်ဒိၣ်ဘၣ် အဃိ စီၤမံၤကါန့ၣ် အတၢ်ကမၣ်အါထီၣ်ဝဲ တဘျီဝံၤတဘျီလီၤ.—၄ မိၤ. ၃:၁၀.
it-2 ၃၉၁ ¶၂
မံၤကါ
စီၤမံၤကါ ဒီးပှၤလၢအခိၣ်အဃၢၤတဖၣ် ပာ်ဖှိၣ်ထီၣ်အသး ဒီးလူၤဝဲပှၤဒၣ်ဖိတဖၣ်လီၤ. ဖဲအဝဲသ့ၣ် လူၤဝဲချုးအခါ ပှၤဒၣ်ဖိတဖၣ် သံကွၢ်အီၤလၢ ဘၣ်မနုၤအဃိ နဟဲလူၤပှၤလဲၣ်. စီၤမံၤကါ တဲဆၢဝဲလၢ “သုစိာ်ထီၣ်ကွံာ် ယကစၢ်တဖၣ်လၢယတ့အီၤ, ဒီးပှၤလုၢ်တၢ်အဒိၣ်, ဒီးသုဟးထီၣ်ကွံာ်, ဒီးတၢ်အိၣ်ဒံးဒီးယၤလၢမနုၤတမံၤလဲၣ်.” ပှၤဒၣ်ဖိတဖၣ် ဟ့ၣ်ပလီၢ်ဝဲ စီၤမံၤကါလၢ သုမ့ၢ်ဆဲးလူၤပှၤန့ၣ် ပကမၤသံသုလီၤ. စီၤမံၤကါ သ့ၣ်ညါဝဲလၢ ပှၤဒၣ်ဖိတဖၣ် အဂံၢ်ဆူၣ်န့ၢ်ဒံး အဝဲသ့ၣ်တဖၣ်အဃိ အဝဲသ့ၣ် က့ၤကဒါဆူအဟံၣ်လီၤ. (စံၣ်ညီၣ်. ၁၈:၂၂-၂၆) လၢခံပှၤဒၣ်ဖိတဖၣ် လဲၤဒုးနၢၤဝဲ ဒီးဒွဲၣ်အူထီၣ်ကွံာ်ဝဲ ဝ့ၢ်လ့ၡ့ၣ် ဒီးအဝဲသ့ၣ် သူၣ်ထီၣ်ဝဲအဝ့ၢ်ဖဲန့ၣ်လီၤ. စီၤယိနၤသၣ် ဒီးအဖိခွါတဖၣ် ကဲထီၣ်ဝဲ ပှၤလုၢ်တၢ်ဒိၣ် လၢပှၤဒၣ်ဖိတဖၣ်အဂီၢ်လီၤ. “ဒီးကယဲၢ်မုၢ်နံၤမုၢ်နၤလၢယွၤ အဟံၣ်အိၣ်ဝဲဆိးဝဲလၢ ၡံလိၣ်အပူၤအဖၢမုၢ်န့ၣ်, ပာ်လီၤဝဲလၢစီၤမံၤကါ အတၢ်ဂီၤစိးပျၤအသးလၢအတ့အီၤလီၤ.”—စံၣ်ညီၣ်. ၁၈:၂၇-၃၁.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢ်ကွဲးကျိာ်ထံ ယွၤအကလုၢ်ကထါလၢ အိၣ်ဒီးအစိအကမီၤ
၆ မုၢ်မဆါတနံၤအံၤ တၢ်အုၣ်အသးအိၣ်ဝဲအါမးလၢ ပကဘၣ်သူယွၤအမံၤန့ၣ်လီၤ. ၂၀၁၃ ဟီၣ်ခိၣ်သီ တၢ်ကွဲးကျိာ်ထံလံာ်စီဆှံ လၢဘၣ်တၢ်ဘှီဂ့ၤထီၣ်က့ၤအီၤန့ၣ် ယွၤအမံၤအိၣ်ဝဲ ၇,၂၁၆ ဘျီန့ၣ်လီၤ. ပမ့ၢ်ထိၣ်သတြီၤအီၤဒီး လံာ်လၢညါတဘ့ၣ်န့ၣ် ကစၢ်ယွၤအမံၤအါထီၣ်ဝဲဃုဘျီလီၤ. ဘၣ်မနုၤအဃိလဲၣ်န့ၣ် ခီဖျိလၢ ပှၤထံၣ်န့ၢ်အါထီၣ် ကစၢ်ယွၤအမံၤလၢ ပီၣ်လဲၣ်အံသၣ်အလံာ်ထူအပူၤ ယဲၢ်ဘျီအဃိန့ၣ်လီၤ. (ကွၢ်တၢ်ဂ့ၢ်အဘျဲၣ်တက့ၢ်.) တၢ်ယဲၢ်ဘျီအံၤန့ၣ် ပထံၣ်န့ၢ်အီၤလၢ ၁ ၡမူၤအ့လး ၂:၂၅; ၆:၃; ၁၀:၂၆; ၂၃:၁၄, ၁၆ န့ၣ်လီၤ. ဃုဖျၢၣ်တဖျၢၣ်န့ၣ် ဘၣ်တၢ်ထံၣ်န့ၢ်အီၤလၢ စံၣ်ညီၣ်ကွီၢ် ၁၉:၁၈ အပူၤခီဖျိလၢ ပှၤဃုသ့ၣ်ညါအါထီၣ် တၢ်ကွဲးကူက့ၤလံာ်စီဆှံလၢပျၢၤတဖၣ်အဃိန့ၣ်လီၤ.
လါယနူၤအါရံၤ ၁၇-၂၃
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | စံၣ်ညီၣ်ကွီၢ် ၂၀-၂၁
“ဆဲးသံကွၢ်တၢ်လၢ ယဟိဝၤယွၤ”
တၢး၁၁ ၉/၁၅ ၃၂ ¶၂
ဖဲနထံၣ်ဘၣ် တၢ်ကီတၢ်ခဲအခါ နမၤဒ် စီၤဖံၤနဃၣ် ကသ့ဧါ
ပှၤလၢအအိၣ်လၢ ဝ့ၢ်ကံဘဧၤန့ၣ် မ့ၢ်ဝဲ စီၤဘံၣ်ယၤမံၣ် အဒူၣ်ဖိထၢဖိ ဒီးအဝဲသ့ၣ် မၤတရီတပါ ဒီးမၤသံဝဲ ပှၤလ့ၤဝံဖိတဂၤ အသံၣ်မါလီၤ. လၢတၢ်န့ၣ်အဃိ ကလုာ်ဒူၣ်အဂၤတဖၣ် ပာ်လီၤအသးလၢ ကလဲၤဒုးဝဲ ပှၤဘံၣ်ယၤမံၣ်ဖိတဖၣ်လီၤ. (စံၣ်ညီၣ်. ၂၀:၁-၁၁) တချုးလၢအဝဲသ့ၣ် လဲၤဒုးတၢ်ဒံးဘၣ်န့ၣ် အဝဲသ့ၣ်ဃ့ဝဲ ယဟိဝၤယွၤ အတၢ်မၤစၢၤ ဘၣ်ဆၣ် အဝဲသ့ၣ်ၡူဝဲခံဘျီ ဒီးသံဝဲအါအါဂီၢ်ဂီၢ်လီၤ. (စံၣ်ညီၣ်. ၂၀:၁၄-၂၅) ဘၣ်သ့ၣ်သ့ၣ် အဝဲသ့ၣ် ကဆိကမိၣ်ဘၣ်ဝဲလၢ ကစၢ်ယွၤတဒိကနၣ် အတၢ်ထုကဖၣ်ဘၣ်. ဒီးဖဲအဝဲသ့ၣ် မၤဆၢက့ၤပှၤလၢ အမၤတၢ်အၢတၢ်သီတဖၣ်အခါ ယဟိဝၤယွၤ တသးအိၣ်မၤစၢၤ အဝဲသ့ၣ်ဘၣ်ဧါ.
တၢး၁၁ ၉/၁၅ ၃၂ ¶၄
ဖဲနထံၣ်ဘၣ် တၢ်ကီတၢ်ခဲအခါ နမၤဒ် စီၤဖံၤနဃၣ် ကသ့ဧါ
ဘၣ်ဃးဒီး တၢ်ဂ့ၢ်တခါအံၤန့ၣ် ပမၤလိန့ၢ်ဘၣ် တၢ်မနုၤလဲၣ်. လၢတၢ်အိၣ်ဖှိၣ်အပူၤ တၢ်ဂ့ၢ်တနီၤနီၤန့ၣ် တၢ်အိၣ်ဖှိၣ်သးပှၢ်တဖၣ် ကဂုာ်ကျဲးစၢးဝဲ သပှၢ်တၢၢ် ဒီးကဃ့ဝဲ ယဟိဝၤယွၤ အတၢ်မၤစၢၤ သနာ်က့ တၢ်ဂ့ၢ်ကီအံၤ ကအိၣ်ဒံးဝဲလီၤ. တၢ်မ့ၢ်ကဲထီၣ်အသး ဒ်အံၤန့ၣ် တၢ်အိၣ်ဖှိၣ်သးပှၢ်တဖၣ် ကြၢးသ့ၣ်နီၣ်ထီၣ်ဝဲ ယ့ၣ်ၡူးအတၢ်ကတိၤလၢ “ဆဲးဃ့တၢ်တက့ၢ် ဒီးတၢ်ကဟ့ၣ်လီၤသုလီၤ. ဆဲးဃုတၢ်တက့ၢ် ဒီးသုကထံၣ်န့ၢ်တၢ်လီၤ. ဆဲးဒိတကျိာ်တၢ်တက့ၢ် ဒီးတၢ်ကအိးထီၣ်န့ၢ် သုလီၤ.” (လူၤ. ၁၁:၉) မ့ၢ်ဖျါလၢ ကစၢ်ယွၤ တစံးဆၢအတၢ်ထုကဖၣ် တဘျီဃီဒၣ်လဲာ် တၢ်အိၣ်ဖှိၣ်သးပှၢ်တဖၣ် ကြၢးနာ်ဝဲ သပှၢ်ကတၢၢ်လၢ အဆၢကတီၢ်မ့ၢ်ဘၣ်န့ၣ် ယဟိဝၤယွၤ ကစံးဆၢန့ၢ် အဝဲသ့ၣ်အတၢ်ထုကဖၣ်လီၤ.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
မ့ၢ်နသ့ၣ်ညါဧါ
လၢပျၢၤန့ၣ် ပှၤသူနီၣ်ဘျုးလၢ တၢ်ဒုးအဂီၢ်ဒ်လဲၣ်
စီၤဒၤဝံးန့ၣ် သူဝဲနီၣ်ဘျုး ဒီးမၤသံဝဲ စီၤကၤလယး, ဘၣ်သ့ၣ်သ့ၣ် စီၤဒၤဝံးန့ၣ် သူဝဲနီၣ်ဘျုးကသ့ဂ့ၤဂ့ၤ ဖဲအကွၢ်သိလၢ အဖိသၣ်ခါလံၤလံၤလီၤ.—၁ ၡမူၤအ့လး ၁၇:၄၀-၅၀.
နီၣ်ဘျုးန့ၣ် ပှၤထံၣ်န့ၢ်အီၤလၢ အဲၤကူပတူး ဒီးအၤၡူၢ် အတၢ်ဂီၤလၢပှၤတ့အီၤလၢပှၤစု လၢပျၢၤတဖၣ်အပူၤလီၤ. နီၣ်ဘျုးန့ၣ် မ့ၢ်ဝဲ တၢ်စုကဝဲၤတခါလၢ အပျံၤအိၣ်ခံဘိလၢ ဘၣ်တၢ်စၢဘံဃာ်အီၤလၢ ထၢၣ်တၢ်ဖံး မ့တမ့ၢ် လၢထၢၣ်တၢ်ကံးညာ်အလိၤလီၤ. ပှၤလၢအသူနီၣ်ဘျုးတဖၣ်န့ၣ် ဖၢနုာ်ဝဲ လၢၢ်ဘျ့ဘျ့ဖိလၢ ကအိၣ်ဝဲ ခံစုမုၢ်ဒိၣ် သၢစုမုၢ်ဒိၣ် (5 to 7.5 cm) ဒီးအတယၢၢ်အိၣ်ဝဲ ခွံအီၣ်စး (250 g) လၢထၢၣ်တၢ်ဖံး မ့တမ့ၢ် လၢထၢၣ်တၢ်ကံးညာ်အပူၤလီၤ. ဝံၤဒီးအဝဲသ့ၣ် တဝံၢ်ထီၣ်ဝဲဒီးပျၢ်လီၤဝဲအပျံၤတဘိ ဒီးလၢၢ်န့ၣ်လဲၤဖျိးဝဲဆူၣ်ဆူၣ်လၢ တၢ်လီၢ်လၢအဝဲသ့ၣ်ပာ်ပနီၣ်ဝဲလီၤ.
လၢပျၢၤလၢတၢ်ဒုးတၢ်ယၤအပူၤ လၢၢ်ဖိလၢပှၤသူဃုာ်အီၤဒီး နီၣ်ဘျုးန့ၣ် ဘၣ်တၢ်ထံၣ်န့ၢ်အီၤလၢ မုၢ်ထီၣ်တၢ်ခၢၣ်သး လီၢ်ကဝီၤအပူၤလီၤ. ပှၤသုးဖိလၢအဖၠဲးတဖၣ် ကွံာ်ဝဲနီၣ်ဘျုးအံၤ လဲၤတုၤဝဲတနၣ်ရံၣ်န့ၣ် အမံးလာ် ၁၀၀ တုၤလၢ ၁၅၀ (160 to 240 km/h) ညါ. လၢၢ်အံၤလဲၤတၢ်ကချ့ ထဲသိးဒီးပျၢ်လဲၤတၢ်အသိးန့ၣ် ပှၤကူၣ်ဘၣ်ကူၣ်သ့တဖၣ် တတူၢ်လိာ်ဝဲဘၣ်. ဘၣ်ဆၣ် ဒ်လဲၣ်ဂ့ၤဒ်လဲၣ်ဂ့ၤ နီၣ်ဘျုးန့ၣ် မၤသံတၢ်သ့.—စံၣ်ညီၣ်ကွီၢ် ၂၀:၁၆.
—
—
—
လါယနူၤအါရံၤ ၂၄-၃၀
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ရူၤသး ၁-၂
“ပာ်ဖျါထီၣ် တၢ်အဲၣ်လၢအတီ”
ကွၢ်လိယဟိဝၤယွၤ အတံၤသကိးတဖၣ်တက့ၢ်
၅ နီၢ်ရူၤသး အဟံၣ်ဖိဃီဖိ အိၣ်လၢကီၢ်မိၤအးအပူၤလီၤ. နီၢ်ရူၤသးမ့ၢ်က့ၤကဒါဆူ အဝဲသ့ၣ်အအိၣ်သ့ ဒီးဘၣ်သ့ၣ်သ့ၣ် အဝဲသ့ၣ် ကကွၢ်ထွဲအီၤစ့ၢ်ကီးလီၤ. အဝဲသ့ၣ်ညါဝဲ ပှၤမိၤအးဖိအကျိာ် ဒီးအတၢ်ဆဲးတၢ်လၤန့ၣ်လီၤ. မ့မ့ၢ်နီၢ်နၤဧမံန့ၣ် အံၤထွဲကွၢ်ထွဲဝဲ နီၢ်ရူၤသး ဒ်န့ၣ်တသ့ဝဲဘၣ်. နီၢ်နၤဧမံ အသးကိၢ်ဝဲလၢ အဃုန့ၢ်ဝဲနီၢ်ရူၤသးအဝၤ ဒီးအတၢ်အိၣ်တၢ်ဆိးအလီၢ်တဘၣ်ဘၣ်န့ၣ်လီၤ. လၢတၢ်န့ၣ်အဃိ နီၢ်နၤဧမံ မၢနီၢ်ရူၤသး က့ၤကဒါက့ၤဆူ ကီၢ်မိၤအးန့ၣ်လီၤ. ဒ်ပထံၣ်ဘၣ်အသိး နီၢ်ဧိးရပၤ “က့ၤက့ၤလံဆူအပှၤတကလုာ်ဒၣ်ဝဲ, ဒီးဆူအကစၢ်တဖၣ်အအိၣ်လံ” လီၤ. (ရူၤသး ၁:၉-၁၅) ဘၣ်ဆၣ် နီၢ်ရူၤသးဆၢတဲာ်အသးလၢ တက့ၤကဒါက့ၤဆူ အပှၤကလုာ်ဒီး အကစၢ်ယွၤ လၢအကမၣ်တဖၣ်အအိၣ်ဘၣ်.
ကွၢ်လိယဟိဝၤယွၤ အတံၤသကိးတဖၣ်တက့ၢ်
၆ ဖျါလၢ နီၢ်ရူၤသး မၤလိဘၣ်ယဟိဝၤယွၤအဂ့ၢ်လၢအဝၤ မ့တမ့ၢ် နီၢ်နၤဧမံ အအိၣ်န့ၣ်လီၤ. အဝဲသ့ၣ်ညါဘၣ်ဝဲလၢ ယဟိဝၤယွၤန့ၣ် တဒ်သိးဒီး မိၤအးအကစၢ်ယွၤတဖၣ်ဘၣ်. နီၢ်ရူၤသး အဲၣ်ယဟိဝၤယွၤ ဒီးသ့ၣ်ညါဝဲလၢ ကစၢ်ကြၢးဒိးန့ၢ်ဘၣ် အတၢ်အဲၣ်ဒီး အတၢ်ဘူၣ်ထီၣ်ဘါထီၣ်န့ၣ်လီၤ. လၢတၢ်န့ၣ်အဃိ နီၢ်ရူၤသးအတၢ်ဆၢတဲာ်န့ၣ် ပှဲၤဝဲဒီးတၢ်ကူၣ်သ့လီၤ. အဝဲစံးဘၣ်နီၢ်နၤဧမံလၢ “နပှၤတကလုာ်န့ၣ် ကကဲထီၣ်ယပှၤတကလုာ် ဒီးနကစၢ်န့ၣ်ကကဲထီၣ်ယကစၢ်လီၤ.” (ရူၤသး ၁:၁၆) ဖဲပဆိကမိၣ် နီၢ်ရူၤသး အတၢ်အဲၣ် အမံၤပှၢ်အဂ့ၢ်န့ၣ် ပသးမုာ်ဒိၣ်မးလီၤ. ဒီးပထံၣ်ဘၣ်လၢ နီၢ်ရူၤသးအတၢ်အဲၣ် ယဟိဝၤယွၤန့ၣ် လီၤပတြၢၤဒိၣ်မးလီၤ. တၢ်အံၤထုးန့ၢ်စ့ၢ်ကီး စီၤဘိးအးအသးလီၤ. လၢခံအဝဲ စံးပတြၢၤဝဲ နီၢ်ရူၤသးခီဖျိလၢအ ‘အိၣ်သဒၢလၢ ယဟိဝၤယွၤ အဒံးဆ့ဖီလာ်’ အဃိန့ၣ်လီၤ. (ဖး ရူၤသး ၂:၁၂ တက့ၢ်.) စီၤဘိးအး အတၢ်ကတိၤတဖၣ်အံၤ ဒုးသ့ၣ်နီၣ်ထီၣ်က့ၤပှၤလၢ ဒ်ထိၣ်ဖိတဘ့ၣ် ကွၢ်ဃုတၢ်ဒီသဒၢလၢ အမိၢ်အပၢ် အဒံးဆ့ဖီလာ်အသိးန့ၣ်လီၤ. (စံးထီၣ်ပတြၢၤ ၃၆:၇; ၉၁:၁-၄) ဒ်န့ၣ်အသိး ယဟိဝၤယွၤ ဒီသဒၢနီၢ်ရူၤသးလၢ တၢ်အဲၣ်တၢ်ကွံအပူၤ ဒီးဆိၣ်ဂ့ၤအီၤလၢ အတၢ်နာ်အဃိန့ၣ်လီၤ. လၢတၢ်န့ၣ်အဃိ နီၢ်ရူၤသး တသးအုးလၢ အတၢ်ဆၢတဲာ်အဃိ နီတဘျီဘၣ်.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁ ၂၇ ¶၁
လံာ်စီဆှံ အတၢ်ပာ်ဖျါလၢလံာ် နီၢ်ရူၤသး အဂီၢ်
၁:၁၃, ၂၁—မ့ၢ်ယဟိဝၤယွၤ မၤဝဲဒ်သိး နီၢ်နၤဧမံ အတၢ်အိၣ်မူကကီကခဲ ဒီးထံၣ်ဘၣ် တၢ်နးတၢ်ဖှီၣ်ဧါ. တမၤဝဲဘၣ်, မ့ၢ်လၢနီၢ်နၤဧမံ တပာ်ဒ့ၣ်ပာ်ကမၣ် ကစၢ်ယွၤလၢ တၢ်နီတမံၤဘၣ်အဃိလီၤ. သနာ်က့ ခီဖျိလၢ တၢ်လၢအဟဲကဲထီၣ်အသးဒီးအီၤတဖၣ်အဃိ အဝဲဆိကမိၣ်ဝဲလၢ ကစၢ်ယွၤ တအိၣ်ဒီးအီၤဘၣ်. အဃိ အဝဲအသးဘၣ်ဒိ ဒီးအသးဟးဂီၤဝဲဒိၣ်မး. မ့ၢ်လၢဖဲန့ၣ်အဆၢကတီၢ် ပှၤအါဂၤအတၢ်ထံၣ်အိၣ်လၢ ပှၤဖိမ့ၢ်အိၣ်န့ၣ် မ့ၢ်ဝဲကစၢ်ယွၤအတၢ်ဆိၣ်ဂ့ၤ ဒီးပှၤဖိမ့ၢ်တအိၣ်ဘၣ်န့ၣ် မ့ၢ်ဝဲတၢ်ဆိၣ်အၢလီၤ. နီၢ်နၤဧမံန့ၣ် အလံၤတအိၣ်ဘၣ် ဒီးအဖိခွါခံဂၤ သံသဒၣ်ကွံာ်အီၤ အဃိ ဘၣ်သ့ၣ်သ့ၣ် အဝဲကဆိကမိၣ်ဘၣ်ဝဲလၢ ကစၢ်ယွၤဆီၣ်လီၤအီၤလီၤ.
လါယနူၤအါရံၤ ၃၁–လါဖ့ၤဘြူၤအါရံၤ ၆
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ရူၤသး ၃-၄
“ဒုးအိၣ်ထီၣ် ဒီး ပၢၤဃာ် တၢ်မံၤဂ့ၤသၣ်ဂ့ၤ”
“ပိာ်မုၣ်အဂ့ၤအဝါ”
စီၤဘိၤဧး တဲဝဲ နီၢ်ရူၤသးလၢ “ယဖိမုၣ်ဧၢ, မ်နဘၣ်တၢ်ဆိၣ်ဂ့ၤလၢယွၤတက့ၢ်. နမၤဘျုးမၤဖှိၣ်တၢ်လၢ အခံကတၢၢ်ဂ့ၤန့ၢ် လၢအခီၣ်ထံးန့ၣ်တက့ၢ်လီၤ. အဂ့ၢ်ဒ်အံၤ, ပှၤဖှီၣ်မ့ၢ်ဂ့ၤ, ပှၤထူးပှၤတီၤမ့ၢ်ဂ့ၤ, နတပိာ်ဘၣ်ဖိၣ်သၣ်ခွါအခံဘၣ်.” ဖဲစီၤဘိၤဧး တဲတၢ်အခါ အဝဲကတဲတၢ်လၢ အကလုၢ်ကပုာ်လုာ်ကဖီလီဖိလၢ ကမၤမုာ်ထီၣ် နီၢ်ရူၤသးအသးလီၤ. (ရူၤသး. ၃:၁၀) တၢ်ကတိၤလၢအမ့ၢ် “အခီၣ်ထံးန့ၣ်” အဲၣ်ဒိးတဲဝဲ နီၢ်ရူၤသး ပာ်ဖျါထီၣ်တၢ်အဲၣ်အတီလၢ နီၢ်နၤဧမံ အဖီခိၣ် ဖဲဟဲပိာ်ဝဲအခံလၢ ကီၢ်အံၣ်စရ့လး ဒီးကွၢ်ထွဲဝဲ အတၢ်လိၣ်ဘၣ်တဖၣ်အခါလီၤ. “နမၤဘျုးမၤဖှိၣ်တၢ်လၢအခံကတၢၢ်” န့ၣ် အဲၣ်ဒိးတဲဝဲ နီၢ်ရူၤသးအတၢ်အိၣ်သးလၢ ဖဲန့ၣ်အဆၢကတီၢ်လီၤ. စီၤဘိၤဧး သ့ၣ်ညါဝဲလၢ နီၢ်ရူၤသး မ့ၢ်အဲၣ်ဒိးဃုထၢဝဲ ပိာ်ခွါသးစၢ်လၢ အဖှီၣ်မ့ၢ်ဂ့ၤ အကဲဒိၣ်မ့ၢ်ဂ့ၤ ဃုထၢဝဲန့ၢ်ညီညီဖိလီၤ. နီၢ်ရူၤသးန့ၣ် တမ့ၢ်ထဲအဲၣ်ဒိးမၤဘျုးဝဲ နီၢ်နၤဧမံတဂၤဧိၤဘၣ်. အဝဲအဲၣ်ဒိးမၤဝဲ ဒ်သိးနီၢ်နၤဧမံအဝၤ အမံၤသုတလီၤမၢ်တဂ့ၤ အဂီၢ်စ့ၢ်ကီးလီၤ. ပိာ်မုၣ်သးစၢ်လၢ တအဲၣ်လီၤထဲအသးဘၣ်တဂၤအံၤ ကထုးန့ၢ် စီၤဘိၤဧးအသးန့ၣ် တလီၤကမၢကမၣ်ဘၣ်.
“ပိာ်မုၣ်အဂ့ၤအဝါ”
ဖဲနီၢ်ရူၤသး က့ၤဆိကမိၣ်ဝဲ စီၤဘိၤဧး အတၢ်ကတိၤလၢ အတဲအီၤလၢ ပှၤသ့ၣ်ညါနၤလၢ “နမ့ၢ်ပိာ်မုၣ်အဂ့ၤအဝါ” အခါ အဝဲကသူၣ်မံသးမုာ်ဝဲလီၤ. နီၢ်ရူၤသး အိၣ်ဒီးတၢ်မံၤဂ့ၤသၣ်ဂ့ၤန့ၣ် မ့ၢ်လၢအဝဲအသးဆူၣ်လၢ ကဘူၣ်ထီၣ်ဘါထီၣ် ယဟိဝၤယွၤ ဒီးမၤအတၢ်မၤအဃိလီၤ. တကးဒံးဘၣ် နီၢ်ရူၤသးန့ၣ် ပာ်ဖျါထီၣ်တၢ်အဲၣ်ဒီး တၢ်သူၣ်အိၣ်သးအိၣ်လၢ နီၢ်နၤဧမံ ဒီးအပှၤကလုာ်တဖၣ်အဖီခိၣ် ဒီးအဝဲဂုာ်ကျဲးစၢး အိၣ်မူဝဲဒ်ပှၤဖဲန့ၣ်တဖၣ် အလုၢ်အလၢ်အသိးလီၤ. ပမ့ၢ်ကွၢ်လိမၤဒိး နီၢ်ရူၤသးအတၢ်နာ်န့ၣ် ပကပာ်ကဲ ပှၤဂၤဒီးပှၤဂၤ အတၢ်ဆဲးတၢ်လၤတဖၣ်လီၤ. ပမ့ၢ်မၤဒ်န့ၣ်န့ၣ် ပကအိၣ်ဒီး မံၤဂ့ၤသၣ်ဂ့ၤလီၤ.
တၢး၁၂ ၁၀/၁ ၂၄ ¶၃
“ပိာ်မုၣ်အဂ့ၤအဝါ”
စီၤဘိၤဧး ဖျီအသးဒီး နီၢ်ရူၤသး ဒီးလၢခံန့ၣ် ပဖးဘၣ်လၢ “ယွၤဒုးဒၢထီၣ်အီၤ, ဒီးအတၢ်ဆံးစၢ်န့ၢ်အဖိခွါလီၤ.” ပိာ်မုၣ်လၢဘ့ၤသလ့ဃ့ၣ်တဖၣ် ဆိၣ်ဂ့ၤဝဲ နီၢ်နၤဧမံ ဒီးစံးပတြၢၤဝဲ နီၢ်ရူၤသးလၢ အဂ့ၤန့ၢ်ဒံး နီၢ်နၤဧမံ အဖိခွါနွံဂၤလီၤ. လၢခံစီၤပၤဒၤဝံး ဟဲလီၤစၢၤလီၤသွဲၣ်လၢနီၢ်ရူၤသးအဖိခွါ (ရူၤသး ၄:၁၁-၂၂) ဒီးလၢခံ ယ့ၣ်ၡူးခရံာ်န့ၣ် ဟဲလီၤစၢၤလီၤသွဲၣ်လၢ စီၤဒၤဝံးလီၤ.—မးသဲ ၁:၁.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁ ၂၉ ¶၃
လံာ်စီဆှံ အတၢ်ပာ်ဖျါလၢလံာ် နီၢ်ရူၤသး အဂီၢ်
၄:၆—ပှၤပှ့ၤက့ၤတၢ်တဂၤ မ့ၢ်ပှ့ၤက့ၤတၢ်န့ၣ် “ကမၤဟးဂီၤ” အတၢ်န့ၢ်သါလၢ ကျဲဒ်လဲၣ်. အဒိပှၤတဂၤဖှီၣ်ဝဲယာ်ဝဲအဃိ မ့ၢ်ဆါလီၤကွံာ် အဟီၣ်ခိၣ်လီၢ်န့ၣ် ပှၤလၢအိၣ်ဒီးတၢ်ခွဲးတၢ်ယာ်လၢ ကက့ၤပှ့ၤက့ၤတၢ်တဂၤ ကဘၣ်ဟ့ၣ်ဝဲစ့ထဲလဲၣ်န့ၣ် ကဒိးသန့ၤထီၣ်အသးလၢ ကတုၤလၢ ယူဘလံၣ်အနံၣ်အဂီၢ် အိၣ်ဒံးပှဲၤနံၣ်လဲၣ်န့ၣ်လီၤ. (၃ မိၤၡ့ ၂၅:၂၅-၂၇) ပှၤလၢအိၣ်ဒီး တၢ်ခွဲးတၢ်ယာ်လၢ ကပှ့ၤက့ၤတၢ်တဂၤ မ့ၢ်ပှ့ၤက့ၤတၢ်န့ၣ် အဝဲအတၢ်ထူးတၢ်တီၤကစှၤလီၤ တကးဒံးဘၣ် နီၢ်ရူၤသးအဖိမ့ၢ်အိၣ်န့ၣ် ဟီၣ်ခိၣ်လီၢ်လၢ အဝဲပှ့ၤက့ၤဝဲန့ၣ် တကဲထီၣ် အဘူးအတံၢ်တဖၣ်အတၢ်လၢၤဘၣ်. ကကဲထီၣ် နီၢ်ရူၤသးအဖိခွါအတၢ်လီၤ.
လါဖ့ၤဘြူၤအါရံၤ ၇-၁၃
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ ၡမူၤအ့လး ၁-၂
“ဃ့ဘါထုကဖၣ်လၢ ယဟိဝၤယွၤ အအိၣ်လၢသးဒီဖျၢၣ်”
အဝဲပာ်ဖျါထီၣ်အတၢ်တူၢ်ဘၣ် လၢကစၢ်ယွၤအအိၣ် ခီဖျိလၢတၢ်ထုကဖၣ်
၁၂ နီၢ်ဃးနၤ အတၢ်ထုကဖၣ်န့ၣ် ကဲထီၣ်တၢ်ဒိတၢ်တဲာ်လၢ ယွၤအခ့အပှၤကိးဂၤဒဲးအဂီၢ်လီၤ. အဒိ မိၢ်ပၢ်လၢအိၣ်ဒီး တၢ်အဲၣ်တၢ်ကွံန့ၣ် အဖိနာ်န့ၢ်အဝဲသ့ၣ်သ့ဒီး တဲဖျါထီၣ်ဝဲအတၢ်ကိၢ်တၢ်ဂီၤ ဆူအဝဲသ့ၣ်အအိၣ်ဘူၣ်ဝဲလီၤ. ဒ်န့ၣ်အသိး ယဟိဝၤယွၤလၢအပှဲၤဒီး တၢ်အဲၣ်တၢ်ကွံတဂၤအံၤ မုၢ်လၢ်ဝဲလၢအပှၤဂီၢ်မုၢ်တဖၣ် ကကတိၤတၢ်ဒီးအီၤၡဲၡဲပျီပျီလီၤ. (ဖး စံးထီၣ်ပတြၢၤ ၆၂:၈; ၁ သ့းစၤလနံ ၅:၁၇ တက့ၢ်.) ဘၣ်ဃးဒီးပတၢ်ဃ့ထုကဖၣ် ဆူယဟိဝၤယွၤအအိၣ်န့ၣ် တၢ်မၢဖိပ့းတရူးကွဲးဝဲလၢ– “ကယဲၢ်သုတၢ်ဘၣ်ယိၣ်ဘၣ်ဘီန့ၣ်, ပာ်ထီၣ်လၢအဝဲဒၣ်အလိၤ ခဲလၢာ်တက့ၢ်. အဂ့ၢ်ဒ်အံၤ, အသးအိၣ်သုလီၤ.”—၁ ပ့း. ၅:၇.
တၢး၀၇ ၃/၁၅ ၁၆ ¶၄
နီၢ်ဃးနၤ ဒိးန့ၢ်ဘၣ် တၢ်သူၣ်မံသးမုာ်ဒ်လဲၣ်
ပန့ၢ်ဘၣ်တၢ်မၤလိဒ်လဲၣ်. ဖဲပဃ့ဘါထုကဖၣ်လၢ ယဟိဝၤယွၤအအိၣ်အခါ ပတဲပၠးအီၤ ပတၢ်တူၢ်ဘၣ် ဒီးပတၢ်ကိၢ်တၢ်ဂီၤတဖၣ် ပျီပျီသ့လီၤ. ပတၢ်ကီတၢ်ခဲလၢ ပဂုာ်ကျဲးစၢးမၤဘၣ်ဂီၢ်က့ၤအီၤလၢ ပနီၢ်ကစၢ် မ့ၢ်တန့ၢ်ဘၣ်န့ၣ် ပကြၢးအးလီၤလၢ ကစၢ်ယွၤအစုပူၤလီၤ. ပမ့ၢ်မၤဒ်အံၤန့ၣ် မ့ၢ်ဝဲကျဲအဂ့ၤကတၢၢ်လီၤ.—ကတိၤဒိ ၃:၅, ၆.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁၅ ၂၁ ¶၅
လံာ်စီဆှံ အတၢ်ပာ်ဖျါလၢလံာ် ၁ ၡမူၤအ့လး အဂီၢ်
၂:၁၀—ဖဲပှၤအံၣ်စရ့လးဖိအစီၤပၤ တအိၣ်ဒံးဘၣ်အခါဒၣ်လဲာ် ဘၣ်မနုၤအဃိ နီၢ်ဃးနၤ ဃ့ဘါထုကဖၣ်ဝဲလၢ ယဟိဝၤယွၤ “ကဟ့ၣ်တၢ်အဂ့ၤအဘၣ်လၢအစီၤပၤ” လဲၣ်. လၢစီၤမိၤၡ့ အတၢ်သိၣ်တၢ်သီအပူၤန့ၣ် တဲဆိပာ်ဝဲလၢ ပှၤအံၣ်စရ့လးဖိတဖၣ် ကအိၣ်ဒီးအစီၤပၤလီၤ. (၅ မိၤၡ့ ၁၇:၁၄-၁၈) တချုးလၢစီၤယၤကိာ် သံဒံးဘၣ်န့ၣ် တဲဆိပာ်ဝဲလၢ “စီၤပၤအနီၣ်ထိး [မ့ၢ်ဝဲတၢ်ပနီၣ်လၢ ဒိးန့ၢ်ဘၣ် တၢ်စိတၢ်ကမီၤ] တဟးထီၣ်လၢယူဒၤအအိၣ်” ဘၣ်. (၁ မိၤၡ့ ၄၉:၁၀) နီၢ်စၤရါလၢအမ့ၢ် ပှၤအံၣ်စရ့လးဖိတဖၣ် ဟဲလီၤစၢၤလီၤသွဲၣ်လၢအီၤန့ၣ် ယဟိဝၤယွၤ တဲအီၤလၢ “စီၤပၤတဖၣ်ကလီၤစၢၤလၢအီၤလီၤ.” (၁ မိၤၡ့ ၁၇:၁၆) အဃိ နီၢ်ဃးနၤ ဃ့ဘါထုကဖၣ်လၢ စီၤပၤတဂၤအဂီၢ်န့ၣ် မ့ၢ်ဝဲစီၤပၤလၢ ခါဆူညါအဂီၢ်လီၤ.
လါဖ့ၤဘြူၤအါရံၤ ၁၄-၂၀
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ ၡမူၤအ့လး ၃-၅
“ယဟိဝၤယွၤန့ၣ် ဆိကမိၣ်န့ၢ်တၢ်လၢ ပှၤဂၤအဂီၢ်”
သ့တၢ်လၢာ်ဘၣ်ဆၣ် ဆိကမိၣ်န့ၢ်တၢ်လၢ ပှၤဂၤအဂီၢ်
၃ စီၤၡမူၤအ့လး စးထီၣ်မၤတၢ်လၢဒဲစီဆှံ လၢအနီၢ်ဆံးခါလံၤလံၤန့ၣ်လီၤ. (၁ ၡမူၤအ့လး ၃:၁) ဘၣ်တနၤ ဖဲအဝဲမံဝဲအဆၢကတီၢ် တၢ်မၤအသးလီၤဆီတခါလီၤ. (ကွၢ်တၢ်ဂ့ၢ်အဘျဲၣ်တက့ၢ်.) (ဖး ၁ ၡမူၤအ့လး ၃:၂-၁၀ တက့ၢ်.) အဝဲနၢ်ဟူသီၣ်ဝဲ ပှၤတဂၤကိးအမံၤ ဒီးဆိကမိၣ်ဝဲလၢ ပှၤလုၢ်တၢ်အခိၣ်ဧ့လံၤ လၢအမ့ၢ်ပှၤသးပှၢ်တဂၤကိးအီၤလီၤ. အဃိ အဝဲဂဲၤဆၢထၢၣ်ဒီးလဲၤဝဲဆူ စီၤဧ့လံၤအအိၣ်ဒီးတဲဝဲလၢ “ကွၢ်ကွၢ်, ယၤလီၤ. အဂ့ၢ်ဒ်အံၤ, နကိးယၤလီၤ.” စီၤဧ့လံၤတဲအီၤလၢ “ယတကိးဘၣ်.” ဘၣ်ဆၣ်လၢခံကစၢ်ယွၤကိးကဒီးအီၤဒ်န့ၣ် ခံဘျီအဃိ စီၤဧ့လံၤသ့ၣ်ညါဝဲလၢ ကစၢ်ယွၤကိး စီၤၡမူၤအ့လးလီၤ. အဃိ စီၤဧ့လံၤတဲဘၣ် စီၤၡမူၤအ့လးလၢ လၢခံတဘျီကစၢ်ယွၤမ့ၢ်ကိးအီၤန့ၣ် အဝဲကဘၣ်တဲဝဲဒ်လဲၣ် ဒီးစီၤၡမူၤအ့လးစ့ၢ်ကီး ဒိကနၣ်ဝဲလီၤ. လၢအခီၣ်ထံးလံၤလံၤန့ၣ် ဘၣ်မနုၤအဃိ ယဟိဝၤယွၤတတဲဘၣ်ဝဲ စီၤၡမူၤအ့လးလၢ အဝဲကိးအီၤန့ၣ်လဲၣ်. လံာ်စီဆှံတပာ်ဖျါထီၣ်ဝဲဘၣ်. ဘၣ်ဆၣ် ကမ့ၢ်လၢ ယဟိဝၤယွၤဆိကမိၣ်န့ၢ်တၢ်လၢ စီၤၡမူၤအ့လးအဂီၢ်အဃိလီၤ.
သ့တၢ်လၢာ်ဘၣ်ဆၣ် ဆိကမိၣ်န့ၢ်တၢ်လၢ ပှၤဂၤအဂီၢ်
၄ ဖး ၁ ၡမူၤအ့လး ၃:၁၁-၁၈ တက့ၢ်. လၢစီၤမိၤၡ့အတၢ်သိၣ်တၢ်သီအပူၤ ယဟိဝၤယွၤမၤလိာ်ဝဲလၢ ပှၤဖိသၣ်တဖၣ် ကဘၣ်ပာ်ကဲပှၤသးပှၢ် လီၤဆီဒၣ်တၢ် ပှၤလၢအအိၣ်ဒီးတၢ်စိတၢ်ကမီၤတဖၣ်န့ၣ်လီၤ. (၂ မိၤၡ့ ၂၂:၂၈; ၃ မိၤၡ့ ၁၉:၃၂) လၢတၢ်န့ၣ်အဃိ ဆိကမိၣ်ကွၢ် ဖိသၣ်ၡမူၤအ့လးန့ၣ် ကဘၣ်ဂဲၤဆၢထၢၣ်ဂီၤဂီၤဒီး ကဘၣ်လဲၤတဲဝဲ စီၤဧ့လံၤလၢ ကစၢ်ယွၤအတၢ် စံၣ်ညီၣ်အကစီၣ်န့ၣ် ကကီလၢအဂီၢ်ထဲလဲၣ်. လံာ်စီဆှံပာ်ဖျါထီၣ်ဝဲလၢ စီၤၡမူၤအ့လး “ဒုးနဲၣ် စီၤဧ့လံၤလၢတၢ်လီၣ်ဖျါတဘူၣ်ဘၣ်.” ဘၣ်ဆၣ် ကစၢ်ယွၤဒုးသ့ၣ်ညါဝဲ စီၤဧ့လံၤလၢ အဝဲကိးဝဲ စီၤၡမူၤအ့လးန့ၣ်လီၤ. လၢတၢ်န့ၣ်အဃိ စီၤဧ့လံၤတဲဘၣ်စီၤၡမူၤအ့လးလၢ အကတဲဘၣ်အီၤ တၢ်ဂ့ၢ်ခဲလၢာ် လၢယဟိဝၤယွၤတဲအီၤန့ၣ်လီၤ. စီၤၡမူၤအ့လး ဒိကနၣ်ဝဲစီၤဧ့လံၤဒီး “ဒုးနဲၣ်အီၤလၢတၢ်ခဲလၢာ်” လီၤ.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁၅ ၂၁ ¶၆
လံာ်စီဆှံ အတၢ်ပာ်ဖျါလၢလံာ် ၁ ၡမူၤအ့လး အဂီၢ်
၃:၃—စီၤၡမူၤအ့လး မံဝဲလၢ တၢ်လီၢ် စီဆှံကတၢၢ်အပူၤဧါ. တမံဝဲဘၣ်. စီၤၡမူၤအ့လးန့ၣ် မ့ၢ်ဝဲပှၤလ့ၤဝံဖိလၢ အဟဲလီၤစၢၤလီၤသွဲၣ်လၢ စီၤကဃးအဒူၣ်ဖိထၢဖိ ဘၣ်ဆၣ် တဟဲလီၤစၢၤလီၤသွဲၣ်လၢ ပှၤလုၢ်တၢ်ဒိၣ်ဘၣ်. (၁ ကွဲးနီၣ်တၢ် ၆:၃၃-၃၈) လၢတၢ်န့ၣ်အဃိ အဝဲ “တဘၣ်လဲၤနုာ်ကွၢ် တၢ်စီဆှံတဖၣ်” ဘၣ်. (၄ မိၤၡ့ ၄:၁၇-၂၀) စီၤၡမူၤအ့လးန့ၣ် လဲၤနုာ်လီၤဝဲသ့ဒၣ်ထဲ ဒဲစီဆှံကရၢၢ်ပူၤအဃိ အဝဲကမံဝဲ ဖဲဒဲစီဆှံကရၢၢ်ပူၤ တတီၤတီၤလီၤ. ဝံဧ့လံၤစ့ၢ်ကီး ကမံဝဲလၢ တၢ်လီၢ်ဖဲန့ၣ် တတီၤတီၤလီၤ. တၢ်ကတိၤလၢ အမ့ၢ် “ဖဲယွၤအတလါအိၣ်ဝဲ” န့ၣ် ဖျါလၢအဲၣ်ဒိးတဲဝဲ ဒဲစီဆှံကရၢၢ်ပူၤလီၤ.
လါဖ့ၤဘြူၤအါရံၤ ၂၁-၂၇
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ ၡမူၤအ့လး ၆-၈
“နစီၤပၤ မ့ၢ်မတၤလဲၣ်”
it-2 ၁၆၃ ¶၁
ယွၤအဘီအမုၢ်
တၢ်ဃ့ထီၣ် ပှၤဟီၣ်ခိၣ်ဖိအစီၤပၤ. ကစၢ်ယွၤ မၤဝဲတၢ်အၢၣ်လီၤအီလီၤဒီး စီၤအၤဘြၤဟၣ် ဝံၤအနံၣ် ၈၀၀ ဘျဲၣ် ဒီးပှၤအံၣ်စရ့လးဖိတဖၣ် ဟးထီၣ်လၢ ကီၢ်အဲၤကူပတူး ဝံၤဘူးထီၣ်လၢ အနံၣ် ၄၀၀ ဃၣ်ဃၣ်န့ၣ် ပှၤအံၣ်စရ့လးဖိတဖၣ် ဃ့ထီၣ်ဝဲ စီၤပၤတဂၤ ဒ်ထံကီၢ်လၢ အိၣ်လၢအခိၣ်အဃၢၤတဖၣ် အိၣ်ဒီးစီၤပၤအသိးလီၤ. အဝဲသ့ၣ် ဃ့ထီၣ်ဝဲစီၤပၤန့ၣ် မ့ၢ်ဒၣ်အဂ့ၢ်လိာ်ကွံာ်ဝဲ ယဟိဝၤယွၤ အတၢ်ပၢလီၤ. (၁ မူၤ. ၈:၄-၈) ဒ်ယဟိဝၤယွၤ အၢၣ်လီၤပာ်ဝဲ စီၤအၤဘြၤဟၣ် ဒီးစီၤယၤကိာ်အသိး ပှၤအံၣ်စရ့လးဖိတဖၣ် မုၢ်လၢ်ဝဲဘီမုၢ်တခါန့ၣ် မ့ၢ်တၢ်လၢအကြၢးဝဲဘၣ်ဝဲလီၤ. အဝဲသ့ၣ် သ့ၣ်ညါဆိပာ်ဝဲ ဝံအတၢ်စံးပာ်လၢ တချုး စီၤယၤကိာ်သံဒံးဘၣ်အခါ တဲဆိပာ်ဝဲ ဘၣ်ဃးဒီးစီၤယူဒၤအဂ့ၢ် (၁ မိၤ. ၄၉:၈-၁၀), ယဟိဝၤယွၤ အတၢ်ကတိၤလၢ အတဲဝဲ ပှၤအံၣ်စရ့လးဖိတဖၣ် ဖဲအဝဲသ့ၣ် ဟးထီၣ်လၢ ကီၢ်အဲၤကူပတူး ဝံၤအခါ (၂ မိၤ. ၁၉:၃-၆), အိၣ်စ့ၢ်ကီးလၢ စီၤမိၤၡ့ အတၢ်သိၣ်တၢ်သီအပူၤ (၅ မိၤ. ၁၇:၁၄, ၁၅) ဒီးလၢကစၢ်ယွၤ အတၢ်ကစီၣ်လၢ စီၤဘံးလၣ် တဲဝဲတဖၣ်အပူၤလီၤ. (၄ မိၤ. ၂၄:၂-၇, ၁၇) စီၤၡမူၤအ့လး အမိၢ် နီၢ်ဃးနၤစ့ၢ်ကီး ဃ့ဘါထုကဖၣ်လၢ အံၣ်စရ့လး အစီၤပၤအဂီၢ်လီၤ. (၁ မူၤ. ၂:၇-၁၀) ဘၣ်ဆၣ်သနာ်က့ ယဟိဝၤယွၤ တပာ်ဖျါထီၣ်ဝဲ “တၢ်ခူသူၣ်စီဆှံ” လၢဘၣ်ဃးဒီး ဘီမုၢ်အံၤအဂ့ၢ် လၢလၢပှဲၤပှဲၤဒံးဘၣ်. တကးဒံးဘၣ် ဘီမုၢ်အံၤ ကသူၣ်ထီၣ်အသးအခါဖဲလဲၣ်. ကသူၣ်ထီၣ်အသးလၢ မူခိၣ်ဧါ ဟီၣ်ခိၣ်ဧါ. ဒီးကမၤအသးဒ်လဲၣ်န့ၣ် တပာ်ဖျါထီၣ်ဝဲဒံးဘၣ်. အဃိ ပှၤအံၣ်စရ့လးဖိတဖၣ် ဃ့ထီၣ်ဝဲ ဟီၣ်ခိၣ်စီၤပၤတဂၤန့ၣ် မ့ၢ်ဒၣ် တပာ်ကဲဝဲ ကစၢ်ယွၤဘၣ်လီၤ.
တၢး၁၁ ၁/၁ ၂၇ ¶၁
အဝဲအသး တမုာ်ဘၣ်သနာ်က့ အိၣ်ဒီးတၢ်တူၢ်န့ၢ်ခီၣ်ကဲ
ဖဲစီၤၡမူၤအ့လး ဃ့ဘါထုကဖၣ်လၢ ဘၣ်ဃးဒီး တၢ်ဂ့ၢ်အံၤအခါ ယဟိဝၤယွၤ စံးဆၢက့ၤအီၤလၢ “ကယဲၢ်တၢ်လၢပှၤဂီၢ်မုၢ်စံးဘၣ်နၤန့ၣ် ကနၣ်အကလုၢ်တက့ၢ်. အဂ့ၢ်ဒ်အံၤ, တမ့ၢ်ဘၣ်အညိကွံာ်နၤဘၣ်, မ့ၢ်အညိကွံာ်ယၤ, ဒ်သိးယသုတကဲ စီၤပၤလၢအဖီခိၣ်တဂ့ၤလီၤ.” ကစၢ်ယွၤ အတၢ်ကတိၤတဖၣ်အံၤ မၤမုာ်ထီၣ် စီၤၡမူၤအ့လး အသးသနာ်က့ တၢ်လၢပှၤအံၣ်စရ့လးဖိတဖၣ်မၤဝဲန့ၣ် မၤဘၣ်ဒိ သ့တၢ်လၢာ်ကစၢ်ယွၤအသးလီၤ. ယဟိဝၤယွၤ တဲဘၣ်အဝံလၢ ကဟ့ၣ်ပလီၢ် ပှၤအံၣ်စရ့လးဖိတဖၣ်လၢ အဝဲသ့ၣ်မ့ၢ်အိၣ်ဒီး ပှၤဟီၣ်ခိၣ်ဖိအစီၤပၤန့ၣ် ကထံၣ်ဘၣ် တၢ်ကီတၢ်ခဲလီၤ. ဖဲစီၤၡမူၤအ့လး တဲဘၣ်အဝဲသ့ၣ် ဘၣ်ဃးဒီး စီၤပၤအဂ့ၢ်အခါ အဝဲသ့ၣ်တဲဝဲလၢ “တမ့ၢ်ဘၣ်, မ့ၢ်ပကအိၣ်ဒီးစီၤပၤလၢ ပဖီခိၣ်တဂၤလီၤ.” စီၤၡမူၤအ့လးန့ၣ် ဒိကနၣ်ဝဲ ယဟိဝၤယွၤအကလုၢ်ထီဘိ ဒီးအဝဲလဲၤဒိးဖှူဝဲ စီၤပၤလၢ ယဟိဝၤယွၤ ဃုထၢထီၣ်ဝဲလီၤ.—၁ ၡမူၤအ့လး ၈:၇-၁၉.
တၢး၁၀ ၁/၁၅ ၃၀ ¶၉
ယဟိဝၤယွၤ အတၢ်ပၢ တီဝဲလိၤဝဲန့ၣ် အိၣ်ဖျါထီၣ်ဝဲ
၉ ယဟိဝၤယွၤ အတၢ်ဟ့ၣ်ပလီၢ် မ့ၢ်ဝဲတီဝဲန့ၣ် အိၣ်ဖျါထီၣ်လၢ တၢ်စံၣ်စိၤတဲစိၤအပူၤလီၤ. ပှၤအံၣ်စရ့လးဖိတဖၣ် ထံၣ်ဘၣ်တၢ်ကီတၢ်ခဲ ဒိၣ်ဒိၣ်မုၢ်မုၢ် လီၤဆီဒၣ်တၢ် ဖဲစီၤပၤလၢ တအိၣ်ဒီးတၢ်သးတီတဖၣ် ပၢတၢ်အခါလီၤ. ပမ့ၢ်ကွၢ်ပှၤအံၣ်စရ့လးဖိတဖၣ် အဒိအတဲာ်န့ၣ် ပသ့ၣ်ညါဘၣ်လၢ ပှၤဟီၣ်ခိၣ်ဖိလၢ တသ့ၣ်ညါ ယဟိဝၤယွၤတဖၣ် အတၢ်ပၢန့ၣ် တဒုးအိၣ်ထီၣ် တၢ်အဘျုးလၢ အဂၢၢ်အကျၢၤဘၣ်န့ၣ် တမ့ၢ်တၢ်လၢ အလီၤကမၢကမၣ်ဘၣ်. ပှၤလၢအမၤထံဂ့ၢ်ကီၢ်ဂ့ၢ် တနီၤန့ၣ် ဃ့ဝဲလၢကစၢ်ယွၤ ကဆိၣ်ဂ့ၤအဝဲသ့ၣ် အတၢ်ဂုာ်ကျဲးစၢး ဒုးအိၣ်ထီၣ် တၢ်မုာ်တၢ်ခုၣ် ဒီး တၢ်ဘံၣ်တၢ်ဘၢ. ဘၣ်ဆၣ် ပှၤလၢတတူၢ်လိာ် ကစၢ်ယွၤအတၢ်ပၢတဖၣ်န့ၣ် ကစၢ်ယွၤ ဆိၣ်ဂ့ၤအီၤကသ့ဒ်လဲၣ်.—စံး. ၂:၁၀-၁၂.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၂ ၄/၁ ၁၂ ¶၁၃
ဘၣ်မနုၤအဃိ ပဘၣ်ဒိးဘျၢထံလဲၣ်
၁၃ တချုးလၢ ပဒိးဘျၢထံဒ် ယဟိဝၤပှၤအုၣ်အသးတဂၤအသိး ဒံးဘၣ်န့ၣ် ပကဘၣ်မၤ တၢ်ဆီတလဲတဖၣ်လီၤ. ပှၤလၢအပာ်လီၤအသးလၢ ကပိာ်ယ့ၣ်ၡူးခရံာ်အခံန့ၣ် အဝဲဆီတလဲ အလုၢ်အလၢ်သကဲာ်ပဝးလၢ တၢ်သူၣ်အိၣ်သးအိၣ်အပူၤလီၤ. ပှၤသ့ၣ်တဖၣ်န့ၣ် ပာ်တ့ၢ်ကွံာ် အတၢ်အိၣ်မူကျဲလၢ အတဂ့ၤတဖၣ် ဒီးပာ်လီၤအသးလၢ ကမၤတၢ်အဘၣ်လၢ ကစၢ်ယွၤအမဲာ်ညါလီၤ. လံာ်စီဆှံပူၤ ဧ့ၤဘြံၤ ဒီးကြံး အတၢ်ကတိၤလၢ ဘၣ်ထွဲလိာ်အသးဒီး တၢ်ဆီတလဲန့ၣ် အခီပညီအိၣ်လၢ တၢ်ဂုၤက့ၤဆူလီၢ်ခံ ဒီးတၢ်ဃၣ်တရံးက့ၤသးလီၤ. အခီပညီမ့ၢ်ဝဲ ဃၣ်ကွံာ်အသးလၢ ကျဲလၢအကမၣ် ဒီးဟဲက့ၤဆူ ကစၢ်ယွၤအအိၣ်. (၁ စီၤပၤ ၈:၃၃, ၃၄) တၢ်ဆီတလဲန့ၣ်မ့ၢ်ဝဲ “မၤတၢ်လၢ အပာ်ဖျါထီၣ် တၢ်ပီၢ်ယၢ်လီၤက့ၤသးန့ၣ်လီၤ.” (မၤတၢ် ၂၆:၂၀) တၢ်သ့ၣ်တဖၣ်အံၤ ပၣ်ဃုာ်ဒီး တၢ်ပာ်တ့ၢ်ကွံာ် တၢ်ဘူၣ်တၢ်ဘါလၢ အကမၣ်, အိၣ်မူလီၤပလိာ်ဒီး ကစၢ်ယွၤ အတၢ်မၤလိာ် ဒီးတၢ်ဘူၣ်ထီၣ်ဘါထီၣ် ယဟိဝၤယွၤ လၢသးဒီဖျၢၣ်. (၅ မိၤၡ့ ၃၀:၂, ၈-၁၀; ၁ ၡမူၤအ့လး ၇:၃) ခီဖျိလၢ ပမၤတၢ်ဆီတလဲအဃိ ပတၢ်ဆိကမိၣ်, ပတၢ်တိာ်ပာ် ဒီးပတၢ်ပာ်သူၣ်ပာ်သး စ့ၢ်ကီးဆီတလဲဝဲ. (ယဃ့းစက့လး ၁၈:၃၁) ပ “ဃၣ်ကဒါက့ၤ” ပသး ခီဖျိ ပပာ်တ့ၢ်ကွံာ် လုၢ်လၢ်သကဲာ်ပဝးလၢ ကစၢ်ယွၤ တဘၣ်သူၣ်ဘၣ်သးဝဲတဖၣ် ဒီးပကူထီၣ်သိးထီၣ် လုၢ်လၢ်သကဲာ်ပဝးအသီလီၤ.—မၤတၢ် ၃:၁၉; အ့းဖ့းစူး ၄:၂၀-၂၄; ကလီးစဲ ၃:၅-၁၄.
လါဖ့ၤဘြူၤအါရံၤ ၂၈–လါမၢ်ၡး ၆
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ ၡမူၤအ့လး ၉-၁၁
“စီၤစီလူးန့ၣ် အိၣ်ဒီးတၢ်ဆီၣ်လီၤသး”
လဲၤတၢ်ဒီး နကစၢ်ယွၤလၢ တၢ်ဆီၣ် လီၤသးဒီး တၢ်သးစူၤအပူၤတက့ၢ်
၁၁ ဆိကမိၣ်ကွၢ် တၢ်ကဲထီၣ်အသးဒီး စီၤပၤစီလူးန့ၣ်တက့ၢ်. ဖဲအသးစၢ်အခါ အဝဲအိၣ်ဒီး တၢ်ဆီၣ်လီၤသးလီၤ. စီၤစီလူးသ့ၣ်ညါဝဲလၢ အမၤတၢ်တသ့ ခဲလၢာ်ဘၣ်. တကးဒံးဘၣ် အဝဲဘၣ်ယိၣ်တၢ်လၢ အဟံးထီၣ်ဖီၣ်ထီၣ် မူဒါအသီတဖၣ် တန့ၢ်လၢလၢပှဲၤပှဲၤဘၣ်. (၁ ၡမူၤအ့လး ၉:၂၁; ၁၀:၂၀-၂၂) လၢခံ စီၤစီလူးပာ်ထီၣ်ထီအသး ဒီးတၢ်လၢအတကြၢးမၤဝဲန့ၣ် အမၤဘၣ်ဝဲလီၤ. အဝဲကဲထီၣ် စီၤပၤဝံၤအလီၢ်ခံ အဝဲပာ်ထီၣ်ထီအသးလီၤ. တၢ်ကဲထီၣ်အသးတဘျီဖဲ အဝဲဘၣ်အိၣ်ခိးဝဲ ဝံၡမူၤအ့လးအခါန့ၣ် အတၢ်ဝံသးစူၤ လီၤမၢ်ကွံာ်ဝဲလီၤ. လၢအဝဲကဘၣ် ဆီၣ်လီၤသးအလီၢ် ဒီးနာ်န့ၢ်ယဟိဝၤယွၤလၢ ကမၤန့ၢ်တၢ်လၢ အပှၤဂီၢ်မုၢ်အဂီၢ်န့ၣ် အဝဲမၤတၢ်လၢအတဘၣ် ယဟိဝၤယွၤအသးဘၣ်လီၤ. ဒီးစီၤစီလူးတအိၣ်ဒီး တၢ်ခွဲးတၢ်ယာ်လၢ ကလုၢ်ထီၣ်တၢ်အဂီၢ်စ့ၢ်ကီးဘၣ်. ဘၣ်ဆၣ် အဝဲလဲၤလုၢ်ထီၣ်တၢ်လၢ အနီၢ်ကစၢ်ဒၣ်ဝဲလီၤ. အမၤဝဲဒ်န့ၣ်အဃိ ယဟိဝၤယွၤ တဘၣ်သူၣ်ဘၣ်သးအီၤလၢၤဘၣ် ဒီးသုးကွံာ်အီၤလၢ စီၤပၤအလီၢ်လီၤ. (၁ ၡမူၤအ့လး ၁၃:၈-၁၄) ပမ့ၢ်ဟံးန့ၢ်တၢ်မၤလိလၢ တၢ်ဟ့ၣ်ပလီၢ်အပူၤန့ၣ် ပကမ့ၢ်ပှၤလၢအကူၣ်တၢ်သ့ ဒီးဟးဆှဲးတၢ်လၢ ပတကြၢးမၤဘၣ်တဖၣ်လီၤ.
ပဆဲးအိၣ်ဒီး တၢ်သးအိၣ်ဟ့ၣ်လီၤသး ကသ့ဒ်လဲၣ်
၈ ပှၤအံၣ်စရ့လးဖိအစီၤပၤ စီၤစီလူး အဒိအတဲာ်န့ၣ် ဟ့ၣ်ပလီၢ်ပှၤဘၣ်ဃးဒီး တၢ်အဲၣ်လီၤထဲသးန့ၣ် မၤဟးဂီၤ ပတၢ်သးအိၣ်ဟ့ၣ်လီၤသးလီၤ. ဖဲစီၤစီလူး စးထီၣ်ကဲစီၤပၤအခါ အဝဲအိၣ်ဒီးတၢ်ဆီၣ်လီၤသးလီၤ. (၁ မူၤ. ၉:၂၁) ဖဲအဝဲပၢတၢ်အဆၢကတီၢ် ပှၤအံၣ်စရ့လးဖိတဖၣ် တဘၣ်သူၣ်ဘၣ်သးအီၤဘၣ် ဒီးထီဒါဝဲ တၢ်ပၢလၢစီၤစီလူး ဒိးန့ၢ်ဘၣ်ဝဲလၢ ကစၢ်ယွၤအအိၣ်လီၤ. ဘၣ်ဆၣ် စီၤစီလူး အိၣ်ဒီးတၢ်ဆီၣ်လီၤသး ခီဖျိ တဟ့ၣ်အဝဲသ့ၣ် တၢ်ကမၣ်ဘၣ်. (၁ မူၤ. ၁၀:၂၇) စီၤပၤစီၤစီလူးန့ၣ် တူၢ်လိာ်ဝဲ ကစၢ်ယွၤအသးစီဆှံ အတၢ်ဟံးစုနဲၣ်ကျဲ ခီဖျိ တီခိၣ်ရိၤမဲဝဲ ပှၤအံၣ်စရ့လးဖိတဖၣ် ဒီးလဲၤဒုးနၢၤဝဲ ပှၤဧၣ်မိၣ်ဖိတဖၣ်လီၤ. အဝဲမၤနၢၤတၢ်ဝံၤ အလီၢ်ခံ ပာ်ဖျါထီၣ် တၢ်ဆီၣ်လီၤသး ခီဖျိ မၤလၤကပီၤဝဲ ယဟိဝၤယွၤ လၢတၢ်မၤနၢၤအံၤအဂီၢ်လီၤ.—၁ ၡမူၤအ့လး ၁၁:၆, ၁၁-၁၃.
တၢး၉၅ ၁၂/၁၅ ၁၀ ¶၁
ပှၤဧၣ်မိၣ်ဖိ—မ့ၢ်ပှၤလၢ တသ့ၣ်ညါဆၢက့ၤ တၢ်ဘျုးတၢ်ဖှိၣ်
ပှၤဧၣ်မိၣ်ဖိတဖၣ် ထီဒါကဒီး ယဟိဝၤယွၤ အတၢ်သးကညီၤ. ဘၣ်ဆၣ် ယဟိဝၤယွၤ တကွၢ်ကပာ်ကွံာ် အဝဲသ့ၣ် အတၢ်တဲပျံၤတဲဖုးလၢ အအၢအသီအံၤဘၣ်. “ဒီးတုၤစီၤစီလူးနၢ်ဟူ တၢ်တဖၣ်န့ၣ် [တၢ်လၢ စီၤနၤဃၣ် တဲဝဲတဖၣ်] ဒီး, ယွၤအသးဟဲလီၤဘၣ်လၢအလိၤ, ဒီးအသးထီၣ်ကဲၤထီၣ် ဒိၣ်ဒိၣ်ကလဲာ်လီၤ.” လၢကစၢ်ယွၤ အတၢ်ဟံးစုနဲၣ်ကျဲအဖီလာ်န့ၣ် စီၤစီလူး ပာ်ဖှိၣ်ထီၣ်ဝဲ ပိာ်ခွါလၢ အဒုးတၢ်အဂၤ ၃၃၀,၀၀၀ ဒီးလဲၤဒုးဝဲ ပှၤဧၣ်မိၣ်ဖိတဖၣ် တုၤလၢအဝဲသ့ၣ် “တအိၣ်လီၤတဲာ်ဘၣ် ခံဂၤတပူၤဃီဘၣ်.”—၁ ၡမူၤအ့လး ၁၁:၆, ၁၁.
နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
တၢး၀၅ ၃/၁၅ ၂၂ ¶၈
လံာ်စီဆှံ အတၢ်ပာ်ဖျါလၢလံာ် ၁ ၡမူၤအ့လး အဂီၢ်
၉:၉—“ပှၤလၢပှၤကိးအီၤလၢ မုၢ်တနံၤအံၤလၢဝံန့ၣ်, လၢပျၢၤလၢထံး, ပှၤကိးလၢပှၤထံၣ်တၢ်လီၤ.” တၢ်ကတိၤတဖၣ်အံၤ အခီပညီဒ်လဲၣ်. တၢ်ကတိၤတဖၣ်အံၤ ပာ်ဖျါထီၣ်ဝဲ လၢစီၤၡမူၤအ့လး ဒီးပှၤအံၣ်စရ့လးဖိ အစီၤပၤတဖၣ်အစိၤန့ၣ် ဝံတဖၣ်မ့ၢ်ပှၤလၢအရ့ဒိၣ်အဃိ ပှၤတကိးအဝဲသ့ၣ်လၢ “ပှၤထံၣ်တၢ်” လၢၤဘၣ် လၢတၢ်န့ၣ်အလီၢ် ပှၤကိးက့ၤအဝဲသ့ၣ်လၢ “ဝံ” လီၤ. စီၤၡမူၤအ့လးန့ၣ် ဘၣ်တၢ်သ့ၣ်ညါအီၤလၢအမ့ၢ် ပှၤအဆိကတၢၢ်တဂၤလၢ အဟဲလီၤစၢၤလီၤသွဲၣ်လၢဝံလီၤ.—မၤတၢ် ၃:၂၄.