၇. (က) နီၢ်ဃးနၤမၤဝဲတၢ်အၢၣ်လီၤအီလီၤ မနုၤလဲၣ်, ဒီးဘၣ်မနုၤအဃိလဲၣ်. တၢ်ကဲထီၣ်သးဒီးအီၤဒ်လဲၣ်. (ခ) နီၢ်ဃးနၤမၤဝဲတၢ်အၢၣ်လီၤအီလီၤ ဒီးကစၢ်ယွၤအဃိ စီၤၡမူၤအ့လး ကဘၣ်မၤဝဲတၢ်မနုၤလဲၣ်. (ကွၢ်တၢ်ဂ့ၢ်အဘျဲၣ်တက့ၢ်.)

^၇ ဖဲနီၢ်ဃးနၤ တူၢ်ဘၣ်ဝဲတၢ်ကိၢ်တၢ်ဂီၤ အဆၢကတီၢ်န့ၣ် အဝဲမၤတၢ်အၢၣ်လီၤအီလီၤဒီးယွၤလီၤ. မ့ၢ်လၢနီၢ်ဃးနၤအဖိအိၣ်တန့ၢ်ဘၣ် ဒီးပှၤတဲဆါအီၤအဃိ အသူၣ်ဘၣ်ဒိသးဘၣ်ဒိဝဲ သပှၢ်ကတၢၢ်လီၤ. (၁ ၡမူၤအ့လး ၁:၄-၇, ၁၀, ၁၆) နီၢ်ဃးနၤ အတၢ်တူၢ်ဘၣ်အိၣ်ဒ်လဲၣ်န့ၣ် အဝဲတဲဘၣ်ယဟိဝၤယွၤ ဒီးအဝဲမၤတၢ်အၢၣ်လီၤအီလီၤဒီး ကစၢ်ယွၤလီၤ. ဒီးအဝဲစံးဝဲလၢ– “တၢ်သုးမုၢ်ဂီၢ်မုၢ်အယွၤဧၢ, နမ့ၢ်ကွၢ်လီၤသပှၢ်တၢၢ်နကုၢ်ပိာ်မုၣ် အတၢ်နးတၢ်ဖှီၣ်, ဒီးသ့ၣ်နီၣ်ထီၣ်က့ၤယၤ, ဒီးတသးပ့ၤနီၣ်ဘၣ် နကုၢ်ပိာ်မုၣ်ဘၣ်, ဒီးဟ့ၣ်လီၤနကုၢ်ပိာ်မုၣ်လၢအဖိခွါဒီး, ယကဟ့ၣ်အီၤလၢ ယွၤတစိၤဒၣ်အီၤလီၤ. ဒီးဒီလူၤတဘၣ်အခိၣ်ဘၣ်.”a (ကွၢ်တၢ်ဂ့ၢ်အဘျဲၣ်တက့ၢ်.) (၁ ၡမူၤအ့လး ၁:၁၁) ယဟိဝၤယွၤဒိကနၣ်ဝဲ နီၢ်ဃးနၤအတၢ်ထုကဖၣ် ဒီးလၢခံတနံၣ်န့ၣ် နီၢ်ဃးနၤအိၣ်ဖျဲၣ်ထီၣ်ဝဲ အဖိခွါစီၤၡမူၤအ့လးလီၤ. နီၢ်ဃးနၤသးခုဝဲဒိၣ်မးလီၤ. ဘၣ်ဆၣ် အဝဲတသးပ့ၤနီၣ် အတၢ်အၢၣ်လီၤအီလီၤဒီးယွၤန့ၣ်ဘၣ်. လၢတၢ်န့ၣ်အဃိ ဖဲအဝဲအိၣ်ဖျဲၣ်ထီၣ်အဖိခွါအခါ တဲဝဲလၢ– “မ့ၢ်လၢယဃ့အီၤလၢ ယွၤအဃိလီၤ.”—၁ ၡမူၤအ့လး ၁:၂၀.