ပအဲၣ်ယဟိဝၤယွၤန့ၣ် ပပာ်ဖျါထီၣ်န့ၢ်အီၤ ကသ့ဒ်လဲၣ်

စးထီၣ်လၢ နမၤလိလံာ်စီဆှံ သီသီ ဒီးတုၤလၢခဲအံၤန့ၣ် နဆိကမိၣ် နအဲၣ်ကစၢ်ယွၤ ဒိၣ်န့ၢ်ဒံး လၢညါဧါ. နအဲၣ်ဒိးမၤဂၢၢ်ကျၢၤထီၣ် နတၢ်အဲၣ်ကစၢ်ယွၤဧါ. နမ့ၢ်မၤဂၢၢ်ကျၢၤထီၣ် နတၢ်အဲၣ်အီၤန့ၣ် နနာ်သ့လၢ ဖဲယဟိဝၤယွၤ ထံၣ်ဝဲလၢ နအဲၣ်အီၤဒိၣ်ထီၣ်အခါ အဝဲစ့ၢ်ကီး ကအဲၣ်နၤ ဒီးကကဟုကယာ်နၤအါထီၣ်. အဃိ နအဲၣ်ယဟိဝၤယွၤန့ၣ် နပာ်ဖျါထီၣ်န့ၢ်အီၤ ကသ့ဒ်လဲၣ်.

၁. ပအဲၣ်ယဟိဝၤယွၤန့ၣ် ပပာ်ဖျါထီၣ်န့ၢ်အီၤ ကသ့ဒ်လဲၣ်.

ပအဲၣ်ယဟိဝၤယွၤန့ၣ် ပပာ်ဖျါထီၣ်န့ၢ်အီၤ သ့ခီဖျိ ပဒိကနၣ်အကလုၢ်. (ဖး ၁ ယိၤဟၣ် ၅:၃.) ကစၢ်ယွၤ တမၢဆူၣ်ပှၤလၢ ပကဒိကနၣ် အကလုၢ်ဘၣ်. ပကဒိကနၣ်အကလုၢ်ဧါ တဒိကနၣ်ဘၣ်ဧါန့ၣ် အဝဲဟ့ၣ်ပှၤ တၢ်သဘျ့လၢ ပကဃုထၢ. ဘၣ်မနုၤအဃိ အမၤဝဲဒ်န့ၣ်လဲၣ်. ခီဖျိလၢ ယဟိဝၤယွၤ အဲၣ်ဒိးဝဲလၢ ပက ‘ဒိကနၣ်အီၤလၢ ပသူၣ်ကံၢ်သးလဲ.’ (ရိမ့ၤ ၆:၁၇) ပမ့ၢ်တဲလၢ အဂၤတမံၤန့ၣ် ကစၢ်ယွၤအဲၣ်ဒိးလၢ ပဒိကနၣ်အကလုၢ် တမ့ၢ်ခီဖျိလၢ ပမူဒါအဃိဘၣ်. ဘၣ်ဆၣ် ကစၢ်ယွၤ အဲၣ်ဒိးလၢ ပဒိကနၣ်အကလုၢ် ခီဖျိလၢ ပအဲၣ်အီၤအဃိ. တၢ်မၤလိတဖၣ်လၢ အအိၣ်လၢ အကူာ် ၃ ဒီးအကူာ် ၄ အပူၤအံၤ ကမၤစၢၤနၤဒ်သိး နကပာ်ဖျါထီၣ်လၢ နအဲၣ်ယဟိဝၤယွၤ. ဒီးနပာ်ဖျါထီၣ်လၢ နအဲၣ်ယဟိဝၤယွၤ သ့ခီဖျိ နမၤတၢ်လၢ အဘၣ်အသး ဒီးဟးဆှဲးတၢ်လၢ တဘၣ်အသးဘၣ်တဖၣ်.

၂. တဘျီတခီၣ်န့ၣ် ဘၣ်မနုၤအဃိ အကီလၢ ပကပာ်ဖျါထီၣ်လၢ ပအဲၣ်ယဟိဝၤယွၤလဲၣ်.

လံာ်စီဆှံ တဲဝဲလၢ “ပှၤတီပှၤလိၤန့ၣ် ထံၣ်ဘၣ် တၢ်ကီတၢ်ခဲအါမံၤ.” (စံးထီၣ်ပတြၢၤ ၃၄:၁၉) တကးဒံးဘၣ် ပဝဲခဲလၢာ်န့ၣ် ပဘၣ်ဒုးလိာ်သးဒီး ပနီၢ်ကစၢ်တၢ်ဂံၢ်စၢ်ဘါစၢ်. ဒီးပထံၣ်ဘၣ်စ့ၢ်ကီးဒီး ကျိၣ်စ့တၢ်ကီတၢ်ခဲ, တၢ်တတီတလိၤ ဒီးတၢ်ကီတၢ်ခဲအဂၤတဖၣ်. အဃိ ဖဲပထံၣ်ဘၣ် တၢ်ကီတၢ်ခဲတဖၣ်အံၤအခါ ပကမၤ တၢ်လၢအတဘၣ်ဘၣ်န့ၣ် ညီတစဲး. ဘၣ်ဆၣ် ပကမၤတၢ်လၢ ယဟိဝၤယွၤ မၢပှၤန့ၣ် တညီလၢပဂီၢ် ထီဘိဘၣ်. သနာ်က့ ပမ့ၢ်မၤတၢ်လၢ ယဟိဝၤယွၤမၢပမၤန့ၣ် ပပာ်ဖျါထီၣ်လၢ ပအဲၣ်ယဟိဝၤယွၤ အါန့ၢ်ဒံးတၢ်အဂၤ. ဒီးပပာ်ဖျါထီၣ်လၢ ပသးတီဒီးယဟိဝၤယွၤလီၤ. ခီဖျိလၢ ပသးတီဒီးအီၤအဃိ အဝဲကသးတီဒီးပှၤ ဒီးအတပာ်တ့ၢ်ပှၤနီတဘျီဘၣ်.​—ဖး စံးထီၣ်ပတြၢၤ ၄:၃.

၄. မၤသးခု ယဟိဝၤယွၤအသး

ဖး ကတိၤဒိ ၂၇:၁၁ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• နမ့ၢ်အိၣ်ဒီး တၢ်ကူၣ်သ့ ဒီးဒိကနၣ် ယဟိဝၤယွၤ အကလုၢ်န့ၣ် ယဟိဝၤယွၤ ကသးခုဧါ. ဘၣ်မနုၤအဃိ အကသးခုလဲၣ်.

၅. နသးတီဒီး ယဟိဝၤယွၤသ့

တၢ်ဂီၤမူ– ဖဲပှၤထီဒါနၤအခါ တဲဖျါထီၣ် နတၢ်နာ်ဂ့ၤဂ့ၤဘၣ်ဘၣ် (၅:၀၉)

• နကတဲဘၣ်ပှၤဂၤလၢ ယဟိဝၤယွၤအဂ့ၢ်န့ၣ် အကီလၢနဂီၢ်ဧါ.

• လၢတၢ်ဂီၤမူအပူၤန့ၣ် ဒ်သိး ကြ့စၢၤ သုတပျံၤတၢ်လၢၤတဂ့ၤအဂီၢ် တၢ်မနုၤမၤစၢၤအီၤလဲၣ်.

ပမ့ၢ်အဲၣ်တၢ်လၢ ယဟိဝၤယွၤ အဲၣ်ဝဲ ဒီးသးဟ့တၢ်လၢ ယဟိဝၤယွၤ သးဟ့ဝဲန့ၣ် ညီလၢပကသးတီဒီးအီၤ. ဖး စံးထီၣ်ပတြၢၤ ၉၇:၁၀ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ဒ်နမၤလိဘၣ် လၢအပူၤကွံာ်အသိး ယဟိဝၤယွၤ အဲၣ်ဝဲတၢ်မနုၤလဲၣ် ဒီးယဟိဝၤယွၤ သးဟ့ဝဲ တၢ်မနုၤလဲၣ်.

• ဒ်သိး နကအဲၣ်တၢ်အဂ့ၤ ဒီးသးဟ့ တၢ်အၢအဂီၢ် နမၤကသ့ဒ်လဲၣ်.

၆. ပမ့ၢ်ဒိကနၣ် ယဟိဝၤယွၤ အကလုၢ်န့ၣ် ကကဲဘျုးလၢပဂီၢ်

ပမ့ၢ်ဒိကနၣ် ယဟိဝၤယွၤ အကလုၢ်န့ၣ် ကမ့ၢ်တၢ်လၢ အဂ့ၤကတၢၢ် လၢပဂီၢ်ထီဘိ. ဖး ယၡါယၤ ၄၈:​၁၇, ၁၈ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ယဟိဝၤယွၤ သ့ၣ်ညါ တၢ်လၢအဂ့ၤကတၢၢ် လၢပဂီၢ်ထီဘိန့ၣ် နနာ်သ့ဧါ. ဘၣ်မနုၤအဃိ နနာ်ဒ်န့ၣ်လဲၣ်.

• ခီဖျိလၢ နမၤလိ လံာ်စီဆှံ ဒီးနသ့ၣ်ညါဘၣ် ယဟိဝၤယွၤ လၢအမ့ၢ် ကစၢ်ယွၤလၢ အမ့ၢ်အတီတဂၤအဂ့ၢ်အဃိ နဒိးန့ၢ်ဘၣ်အဘျုးဒ်လဲၣ်.

တၢ်ဂ့ၢ်လၢအရ့ဒိၣ်

ပအဲၣ်ယဟိဝၤယွၤန့ၣ် ပပာ်ဖျါထီၣ်န့ၢ်အီၤ သ့ခီဖျိ ပဒိကနၣ်အကလုၢ် ဒီးမ့ၢ်ကီလၢပဂီၢ်သနာ်က့ ပဆဲးမၤ အတၢ်ဘၣ်သး လၢတၢ်သးတီအပူၤ.

တၢ်ကွၢ်ကဒါက့ၤ

• နမၤလိန့ၢ်ဘၣ်တၢ်လၢ စီၤယိၤဘး အအိၣ်ဒ်လဲၣ်.

• နအဲၣ်ယဟိဝၤယွၤန့ၣ် နကပာ်ဖျါထီၣ်န့ၢ်အီၤဒ်လဲၣ်.

• ဒ်သိး နကဆဲးသးတီဒီး ယဟိဝၤယွၤအဂီၢ် တၢ်မနုၤကမၤစၢၤနၤလဲၣ်.

ဃုသ့ၣ်ညါ

ဒ်သိး နကသ့ၣ်ညါဘၣ်လၢ နသးတီဒီး ယဟိဝၤယွၤ ဒီးအတၢ်ကရၢကရိ ကသ့ဒ်လဲၣ်အဂီၢ် ကွၢ်တၢ်ဂီၤမူအံၤ.

“ပှၤလၢအတီဒီးနၤန့ၣ် နတီဒီးအီၤ” (၁၆:၄၉)

ဃုသ့ၣ်ညါအါထီၣ် ဘၣ်ဃးဒီး မုၣ်ကီၤလံၢ် ပာ်ဒ့ၣ်ပာ်ကမၣ် ပှၤဟီၣ်ခိၣ်ဖိဒ်လဲၣ်.

“စီၤယိၤဘးတီဒီးယွၤထီဘိ” (လံာ်စီဆှံ​—တၢ်ကစီၣ် အဆၢဒိၣ် ၆)

ဖိသၣ်တဖၣ် ပာ်ဖျါထီၣ်လၢ အအဲၣ်ယဟိဝၤယွၤ သ့စ့ၢ်ကီး.

မၤသးခုယဟိဝၤယွၤအသး (၈:၁၆)

ပှၤသးစၢ်တဂၤ မ့ၢ်ထံၣ်ဘၣ်ဒီး အသကိး တၢ်ဆီၣ်သနံးသနာ်က့ အပာ်ဖျါထီၣ် အတၢ်သးတီဒီး ကစၢ်ယွၤကသ့ဒ်လဲၣ်.

တြီဆၢ တံၤသကိး အတၢ်ဆီၣ်သနံး (၃:၅၉)