မတဂၤမၤ တၢ်စံၣ်တဲၤတဲလီၤ တၢ်သးခုကစီၣ်တၢ်မၤလဲၣ်

တယံာ်လၢၤဘၣ်န့ၣ် ယဟိဝၤယွၤ ကမၤလီၤမၢ်ကွံာ် ပတၢ်ကီတၢ်ခဲ ခဲလၢာ် ခီဖျိအဘီအမုၢ်. တၢ်သးခုကစီၣ်တခါအံၤ ဂ့ၤဒိၣ်မးအဃိ ပှၤကိးဂၤဒဲး ကဘၣ်သ့ၣ်ညါဝဲ. ဒီးယ့ၣ်ၡူး အဲၣ်ဒိးဝဲလၢ အပျဲၢ်အဘီၣ်တဖၣ် ကတဲဘၣ်ပှၤဂၤလၢ တၢ်သးခုကစီၣ်အံၤ. (မးသဲ ၂၈:​၁၉, ၂၀) အဃိ ယဟိဝၤပှၤအုၣ်အသးတဖၣ် မၤထွဲဝဲ ယ့ၣ်ၡူး အတၢ်မၤလိာ်အံၤဒ်လဲၣ်.

၁. မးသဲ ၂၄:၁၄ ဟဲလၢထီၣ်ပှဲၤထီၣ် လၢဆၢကတီၢ်ခဲအံၤဒ်လဲၣ်.

ယ့ၣ်ၡူး တဲဆိပာ်စၢၤဝဲလၢ “ဘီမုၢ်တၢ်သးခုကစီၣ်န့ၣ် ကဘၣ် တၢ်စံၣ်တဲၤတဲလီၤအီၤလၢ ဟီၣ်ခိၣ်ဒီဘ့ၣ်ညါ.” (မးသဲ ၂၄:၁၄) အဃိ ယဟိဝၤပှၤအုၣ်အသးတဖၣ်န့ၣ် မၤဝဲ တၢ်မၤလၢအရ့ဒိၣ်တခါအံၤ လၢတၢ်သးခုအပူၤ. ဒီးလၢဟီၣ်ခိၣ်ဒီဘ့ၣ်ညါန့ၣ် ပစံၣ်တဲၤတဲလီၤ တၢ်သးခုကစီၣ်တခါအံၤ လၢကျိာ် ၁,၀၀၀ ဘျဲၣ်ညါ. တကးဒံးဘၣ် ဒ်သိးပကမၤ တၢ်မၤလၢအရ့ဒိၣ်တခါအံၤအဂီၢ် ပလိၣ်ဘၣ် တၢ်ဆၢကတီၢ်, တၢ်ဂံၢ်တၢ်ဘါ ဒီးတၢ်ရဲၣ်တၢ်ကျဲၤ ဂ့ၤဂ့ၤဘၣ်ဘၣ်. အဃိ ယဟိဝၤယွၤ မ့ၢ်တမၤစၢၤပှၤဘၣ်န့ၣ် ပတၢ်မၤလၢအရ့ဒိၣ်အံၤ ကဲထီၣ်တသ့ဘၣ်.

၂. ဒ်သိး ပကတဲဘၣ်ပှၤဂၤလၢ တၢ်သးခုကစီၣ်အဂီၢ် ပဂုာ်ကျဲးစၢးမၤဒ်လဲၣ်.

ပစံၣ်တဲၤတဲလီၤတၢ် လၢတၢ်လီၢ်ကိးပူၤဒဲး ဒီးဒ်ခရံာ်ဖိလၢ တၢ်မၢဖိအစိၤအသိး ပစံၣ်တဲၤတဲလီၤတၢ် “လၢတဟံၣ်ဘၣ်တဟံၣ်.” (မၤတၢ် ၅:၄၂) ခီဖျိလၢ ပမၤဒ်အံၤအဃိ တနံၣ်ဘၣ်တနံၣ်န့ၣ် ပတဲဘၣ်တၢ်ဒီး ပှၤလၢအကကွဲၢ်ညါ. ဒီးမ့ၢ်လၢ ပှၤတအိၣ်လၢဟံၣ် ထီဘိဘၣ်အဃိ ပစံၣ်တဲၤတဲလီၤစ့ၢ်ကီးတၢ် လၢကမျၢၢ်အမဲာ်ညါ လၢတၢ်လီၢ်အါတီၤ. ထီဘိန့ၣ် ပဃုတၢ်ခွဲးတၢ်ယာ် လၢပကတဲဘၣ်ပှၤဂၤ ဘၣ်ဃးဒီး ယဟိဝၤယွၤ ဒီးအတၢ်တိာ်ပာ်အဂ့ၢ်.

၃. မတဂၤအိၣ်ဒီးမူဒါလၢ ကစံၣ်တဲၤတဲလီၤ တၢ်သးခုကစီၣ်အံၤလဲၣ်.

ခရံာ်ဖိအမ့ၢ်အတီ ကိးဂၤဒဲး အိၣ်ဒီးမူဒါလၢ ကတဲဘၣ်ပှၤဂၤလၢ တၢ်သးခုကစီၣ်အံၤ. ဒီးခီဖျိလၢ တၢ်မၤတခါအံၤ မၤပူၤဖျဲး ပှၤဂၤအသးသမူသ့အဃိ ပဂုာ်ကျဲးစၢး လၢအဂ့ၤကတၢၢ် ဒ်သိး ပကစံၣ်တဲၤတဲလီၤတၢ် ဒီးပမူဒါတခါအံၤ ပပာ်အီၤလၢအကဲ တၢ်မၤလၢအရ့ဒိၣ်. (ဖး ၁ တံၤမသ့း ၄:၁၆.) တကးဒံးဘၣ် လံာ်စီဆှံတဲဝဲလၢ “သုန့ၢ်ဘၣ်ကလီတၢ်အဃိ ဟ့ၣ်ကလီတၢ်တက့ၢ်.” (မးသဲ ၁၀:​၇, ၈) အဃိ ပမၤတၢ်မၤတခါအံၤန့ၣ် ပတဒိးန့ၢ်ဘၣ်လါလဲဘၣ်. ပှၤတတူၢ်လိာ် ပတၢ်ကစီၣ် ကိးဂၤဒဲးဘၣ် သနာ်က့ ပမ့ၢ်ဆဲးစံၣ်တဲၤတဲလီၤတၢ်န့ၣ် ပပာ်ဖျါထီၣ်လၢ ပဒိကနၣ် ယဟိဝၤယွၤ အကလုၢ် ဒီးပမၤသးခုအသး.

ဃုသ့ၣ်ညါအါထီၣ်

၄. ပဂုာ်ကျဲးစၢးစံၣ်တဲၤတဲလီၤ ပှၤကိးကလုာ်ဒဲး

တၢ်ဂီၤမူ– စံၣ်တဲၤတဲလီၤတၢ် “ပၢၢ်လၢဟီၣ်ခိၣ်အကတၢၢ်” (၇:၃၃)

• ယဟိဝၤပှၤအုၣ်အသးတဖၣ် ဂုာ်ကျဲးစၢး စံၣ်တဲၤတဲလီၤတၢ်န့ၣ် အထုးန့ၢ်နသးဧါ, ဘၣ်မနုၤအဃိ အထုးန့ၢ်နသးလဲၣ်.

ဖး မးသဲ ၂၂:၃၉ ဒီး ရိမ့ၤ ၁၀:​၁၃-၁၅ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ပအဲၣ်ပှၤလၢပဃၢၤန့ၣ် ပတၢ်စံၣ်တဲၤတဲလီၤတၢ်မၤ ပာ်ဖျါထီၣ်ဝဲဒ်လဲၣ်.

• ပှၤလၢအစံၣ်တဲၤတဲလီၤ တၢ်သးခုကစီၣ်န့ၣ် ယဟိဝၤယွၤ ထံၣ်အဝဲသ့ၣ်ဒ်လဲၣ်.​—ကွၢ် အဆၢဖိ ၁၅.

၅. ပမ့ၢ်ပှၤလၢ အမၤသကိးတၢ်ဒီး ကစၢ်ယွၤ

တၢ်လဲၤခီဖျိလၢ အပာ်ဖျါထီၣ်ဝဲလၢ ယဟိဝၤယွၤ ဟံးစုနဲၣ်ကျဲ ပတၢ်စံၣ်တဲၤတဲလီၤတၢ်မၤန့ၣ် အိၣ်ဝဲအါမး. အဒိ လၢကီၢ်နယူစံလဲၣ်န့ၣ် ဘၣ်တဂီၤ ပိာ်မုၣ်တဂၤ ဃ့ထုကဖၣ်လၢ ကစၢ်ယွၤအအိၣ် ဒီးသူဝဲ ကစၢ်ယွၤအမံၤယဟိဝၤ ဒီးအဃ့ဝဲလၢ ပှၤကဟဲအိၣ်သကိးအီၤ တဂၤဂၤ. လၢဟါခီန့ၣ် ဖဲဒီပုၢ်ဝဲၢ်ခွါ ဖီ(လ်) လဲၤစံၣ်တဲၤတဲလီၤတၢ် တဟံၣ်ဘၣ်တဟံၣ်အခါ အထံၣ်လိာ်သးဒီး ပိာ်မုၣ်တဂၤန့ၣ်. ဒီပုၢ်ဝဲၢ်ခွါ ဖီ(လ်) တဲဝဲလၢ “ပိာ်မုၣ်တဂၤအံၤ ဃ့ထုကဖၣ်တၢ်ဝံၤဒီး လၢခံသၢနၣ်ရံၣ်န့ၣ် ယဟဲတုၤလၢအဟံၣ်.”

ဖး ၁ ကရံၣ်သူး ၃:၉ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• တၢ်လဲၤခီဖျိလၢ ကီၢ်နယူစံလဲၣ်တခါအံၤ ပာ်ဖျါထီၣ်ဝဲလၢ ယဟိဝၤယွၤဟံးစုနဲၣ်ကျဲဝဲ တၢ်စံၣ်တဲၤတဲလီၤတၢ်မၤ ဒ်လဲၣ်.

ဖး မၤတၢ် ၁:၈ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ဒ်သိး ပမၤ ပတၢ်စံၣ်တဲၤတဲလီၤတၢ်မၤ ကဝံၤဝဲအဂီၢ် ဘၣ်မနုၤအဃိ ပလိၣ်ဘၣ် ယဟိဝၤယွၤ အတၢ်မၤစၢၤလဲၣ်.

မ့ၢ်နသ့ၣ်ညါဧါ

ကိးနွံဒဲး လၢပနွံဖးဖီ တၢ်အိၣ်ဖှိၣ်န့ၣ် ပဒိးန့ၢ်ဘၣ် တၢ်မၤလိလၢ ကမၤစၢၤပှၤ ဒ်သိးပကစံၣ်တဲၤတဲလီၤတၢ်အဂီၢ်. နမ့ၢ်လဲၤထီၣ်ဘၣ် ပနွံဖးဖီ အတၢ်အိၣ်ဖှိၣ်လံန့ၣ် တၢ်မၤလိလၢ ပဒိးန့ၢ်ဘၣ်အီၤတဖၣ်န့ၣ် နဆိကမိၣ်ဒ်လဲၣ်.

၆. ပမၤထွဲ ကစၢ်ယွၤ အတၢ်မၤလိာ် လၢပကဘၣ် လဲၤစံၣ်တဲၤတဲလီၤတၢ်

လၢတၢ်မၢဖိအစိၤန့ၣ် ပှၤထီဒါတၢ်တဖၣ် ဂုာ်ကျဲးစၢး မၤပတုာ်ဝဲယ့ၣ်ၡူး အပျဲၢ်အဘီၣ်တဖၣ် ဒ်သိး အဝဲသ့ၣ် သုတစံၣ်တဲၤတဲလီၤတၢ် လၢၤတဂ့ၤအဂီၢ်. ခရံာ်ဖိလၢညါတဖၣ်န့ၣ် ဒီသဒၢဝဲ အဝဲသ့ၣ် အတၢ်ခွဲးတၢ်ယာ်ဒီး ‘ဒုးအိၣ်ထီၣ် ဒီးမၤဂၢၢ်မၤကျၢၤ အတၢ်ခွဲးတၢ်ယာ်လၢ ပဒိၣ်အမဲာ်ညါ ဒ်သိး အဝဲသ့ၣ် စံၣ်တဲၤတဲလီၤ တၢ်သးခုကစီၣ် ကန့ၢ်အဂီၢ်လီၤ.’ (ဖံလံးပံၤ ၁:၇) မုၢ်မဆါတနံၤအံၤ ယဟိဝၤပှၤအုၣ်အသးတဖၣ် မၤဝဲဒ်န့ၣ်စ့ၢ်ကီးလီၤ.a

တၢ်ဂီၤမူ– လဲၤထီၣ်ရူ ဒ်သိးကဒီသဒၢ တၢ်စံၣ်တဲၤတဲလီၤတၢ်မၤအဂီၢ် (၂:၂၈)

ဖး မၤတၢ် ၅:​၂၇-၄၂ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ဘၣ်မနုၤအဃိ ပတပတုာ် ဟးစံၣ်တဲၤတဲလီၤတၢ်ဘၣ်လဲၣ်.​—ကွၢ် အဆၢဖိ ၂၉, ၃၈ ဒီး ၃၉.

တၢ်ဂ့ၢ်လၢအရ့ဒိၣ်

ယ့ၣ်ၡူး မၤလိာ်ဝဲ အပျဲၢ်အဘီၣ်တဖၣ်လၢ ကစံၣ်တဲၤ တဲလီၤ တၢ်သးခုကစီၣ် လၢပှၤကိးကလုာ်ဒဲး အအိၣ်. ယဟိဝၤယွၤ မၤစၢၤဝဲ အပှၤဂီၢ်မုၢ်တဖၣ် လၢကမၤဝဲ တၢ်စံၣ်တဲၤတဲလီၤတၢ်မၤအံၤလီၤ.

တၢ်ကွၢ်ကဒါက့ၤ

• မတဂၤမၤ တၢ်စံၣ်တဲၤတဲလီၤ တၢ်သးခုကစီၣ် အတၢ်မၤလဲၣ်.

• ပအဲၣ်ပှၤလၢပဃၢၤန့ၣ် ပတၢ်စံၣ်တဲၤတဲလီၤ တၢ်မၤ ပာ်ဖျါထီၣ်ဝဲဒ်လဲၣ်.

• နဆိကမိၣ် တၢ်စံၣ်တဲၤတဲလီၤတၢ်မၤန့ၣ် အမၤသးခုနသးသ့ဧါ. ဘၣ်မနုၤအဃိ နဆိကမိၣ်ဒ်န့ၣ်လဲၣ်.

ဃုသ့ၣ်ညါ

ကွၢ်တၢ်ဂီၤမူ လၢအပာ်ဖျါထီၣ်ဝဲ ယဟိဝၤ ပှၤအုၣ်အသးတဖၣ် စံၣ်တဲၤတဲလီၤတၢ်လၢ ပှၤလၢအအိၣ်လၢ ဝ့ၢ်ဖးဒိၣ်တဖၣ်အပူၤ.

စံၣ်တဲၤတဲလီၤတၢ်လၢ ကမျၢၢ်အမဲာ်ညါလၢ ဝ့ၢ်ဖဲရံၤ(စ်)အပူၤ (၅:၁၁)

ယဟိဝၤပှၤအုၣ်အသးတဖၣ် မၤစၢၤဝဲ ပှၤဘၣ်ကီဘၣ်ခဲဖိတဖၣ် ဒ်လဲၣ်.

ကစၢ်ယွၤဟ့ၣ်လီၤအဝဲသ့ၣ် နီၢ်သးတၢ်အီၣ် (၅:၅၉)

ကွၢ်တၢ်ဂီၤမူ လၢအဘၣ်ဃးဒီး ပှၤလၢအမၤ တၢ်စံၣ်တဲၤတဲလီၤတၢ်မၤ လၢဆၢကတီၢ်လၢပှဲၤတဂၤ အိၣ်ဒီးတၢ်သးခု လၢအတၢ်အိၣ်မူအပူၤ.

ယသးခုလၢ ယဃုထၢ တၢ်မၤတခါအံၤ (၆:၂၉)

ဖးကွၢ် တၢ်ဂ့ၢ်အရ့ဒိၣ်တနီၤ လၢအပာ်ဖျါထီၣ်ဝဲ စံၣ်ညီၣ်ကွီၢ်အရူ အတၢ်ဆၢတဲာ် လၢအမၤစၢၤပှၤ ဒ်သိး ပစံၣ်တဲၤတဲလီၤ တၢ်သးခုကစီၣ် ကညီထီၣ်အဂီၢ်.

“ဘီမုၢ် အပှၤစံၣ်တဲၤတဲလီၤတၢ်ဖိတဖၣ် တီၣ်ထီၣ်တၢ်ဂ့ၢ် လၢစံၣ်ညီၣ်ကွီၢ်အရူ” (ကစၢ်ယွၤ အဘီအမုၢ် ပၢတၢ်လံ! တၢ်မၤလိ ၁၃)

၅. စးထီၣ်လၢ ၁၉၁၄ နံၣ်န့ၣ် ဟီၣ်ခိၣ်တၢ်အိၣ်သး ဆီတလဲလံ

ကွၢ်တၢ်ဂီၤမူ.

တၢ်ဂီၤမူ– ဟီၣ်ခိၣ်တၢ်အိၣ်သး ဆီတလဲအသး စးထီၣ်လၢ ၁၉၁၄ နံၣ်လံၤလံၤလံ (၁:၁၀)

ယ့ၣ်ၡူး တဲဆိပာ်စၢၤဝဲလၢ အမ့ၢ်ကဲထီၣ်စီၤပၤန့ၣ် ဟီၣ်ခိၣ်တၢ်အိၣ်သး ကကဲထီၣ်အသးဒ်လဲၣ်. ဖး လူၤကၣ် ၂၁:​၉-၁၁ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• တၢ်အိၣ်သးလၢ လံာ်စီဆှံအဆၢတဖၣ်အံၤ ပာ်ဖျါထီၣ်ဝဲန့ၣ် နထံၣ်ဘၣ်ဒီး နၢ်ဟူဘၣ် တခါခါလံဧါ.

တၢ်မၢဖိပီလူး တဲဖျါထီၣ်ဝဲ လၢမုၢ်နံၤခံကတၢၢ် ဖဲပှၤဟီၣ်ခိၣ်ဖိ ပၢဒံးတၢ်အဆၢကတီၢ်န့ၣ် ပှၤဟီၣ်ခိၣ်ဖိ အတၢ်ပာ်သူၣ်ပာ်သး ဒီးအလုၢ်လၢ်သကဲာ်ပဝး ကအိၣ်ဒ်လဲၣ်. ဖး ၂ တံၤမသ့း ၃:​၁-၅ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• မုၢ်မဆါတနံၤအံၤ နထံၣ်ဘၣ် ပှၤဟီၣ်ခိၣ်ဖိ ပာ်ဖျါထီၣ် အတၢ်ပာ်သူၣ်ပာ်သး ဒီးအလုၢ်လၢ်သကဲာ်ပဝး ဒ်အံၤဧါ.

၆. ပာ်ဖျါထီၣ်လၢ နနာ်လၢ ခဲအံၤ ကစၢ်ယွၤအဘီအမုၢ် ပၢတၢ်လံ

ဖး မးသဲ ၂၄:​၃, ၁၄ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• တၢ်မၤအရ့ဒိၣ်တခါလၢ အပာ်ဖျါထီၣ်ဝဲလၢ ခဲအံၤ ကစၢ်ယွၤအဘီအမုၢ် ပၢတၢ်လံန့ၣ် မ့ၢ်တၢ်မၤမနုၤလဲၣ်.

• နပၣ်ဃုာ်လၢ တၢ်မၤလၢ အရ့ဒိၣ်တခါအံၤ ကသ့ဒ်လဲၣ်.

ခဲအံၤ ကစၢ်ယွၤအဘီအမုၢ် ပၢတၢ်လံ ဒီးတၢ်ဆၢကတီၢ်လၢ ကစၢ်ယွၤအဘီအမုၢ် ကပၢက့ၤ ဟီၣ်ခိၣ်ဒီဘ့ၣ်န့ၣ် အိၣ်ဘူးထီၣ်လံ. ဖး ဧ့ၤဘြံၤ ၁၀:​၂၄, ၂၅ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ဒ်ပ “ထံၣ်မုၢ်နံၤ ဟဲဘူးထီၣ်ဝဲအသိး” ပဝဲကိးဂၤဒဲး ပကြၢးမၤတၢ်မနုၤလဲၣ်.