• “တမ့ၢ် ပှၤကူၣ်ဘၣ်ကူၣ်သ့ဘၣ်, မ့ၢ်ဒၣ် ပှၤမုၢ်ဆ့ၣ်မုၢ်ဂီၤဖိ”
    စံၣ်တဲၤတဲလီၤ ယွၤအဘီအမုၢ်အဂ့ၢ် လီၤတံၢ်လီၤဆဲး

    • ၁, ၂. ဖဲတၢ်လုၢ်ဟံၣ်အတြဲၤခီၣ်ထံးန့ၣ်​ စီၤပ့းတရူး ဒီးစီၤယိၤဟၣ်​ မၤဝဲတၢ်လီၤလးမနုၤလဲၣ်.

      တၢ်ဆၢကတီၢ်ဘၣ်လၢ မုၢ်ဟါလီၤ ဒီးမုၢ်ဆဲးလီၤဘၣ်ဝဲ ပှၤဂီၢ်မုၢ်တဖၣ်. တယံာ်လၢၤဘၣ်န့ၣ်​ “တၢ်ဃ့ထုကဖၣ်တၢ် အဆၢကတီၢ်”a ကစးထီၣ်ဝဲ. (မၤတၢ် ၂:၄၆; ၃:၁) အဃိ ပထံၣ်ဘၣ်လၢ ပှၤယူဒၤဖိ လၢအသးတီတဖၣ်​ ဒီးခရံာ်အပျဲၢ်အဘီၣ်တဖၣ်​ လဲၤဝဲလၢတၢ်လုၢ်ဟံၣ်. စီၤပ့းတရူး ဒီးစီၤယိၤဟၣ်စ့ၢ်ကီး အိၣ်လၢပှၤဂီၢ်မုၢ်အကျါ ဒီးအဝဲသ့ၣ်လဲၤလၢ တၢ်လုၢ်ဟံၣ်အတြဲၤလၢ ပှၤကိးအီၤလၢ တြဲၤဃံလၤ. ခီဖျိလၢ ပှၤဟးထီၣ်ဟးလီၤ ဒီးပှၤတဲသကိးတၢ်အဃိ တၢ်လီၢ်တတီၤအံၤ တၢ်သီၣ်တၢ်သဲအါမး. တကးဒံးဘၣ်​ လၢပှၤဂီၢ်မုၢ်အကျါန့ၣ်​ အိၣ်ဝဲဒီး ပိာ်ခွါတဂၤလၢ အဃ့တၢ်လၢကျဲကပၤ. ပိာ်ခွါတဂၤအံၤ အသးနံၣ်အိၣ်ဝဲ အနံၣ်​ ၄၀ ဘျဲၣ်​ ဒီးအခီၣ်ဟးဂီၤလၢ အအိၣ်ဖျဲၣ်ထီၣ်အခါလံ.—မၤတၢ် ၃:၂; ၄:၂၂.