အိၣ်မူဒ် ခရံာ်ဖိအသိး
ရ့ဒီးပိာ်မုၣ်သးပှၢ်တဖၣ် ဒ်မိၢ်အသိး ဒီးရ့ဒီးပိာ်မုၣ်သးစၢ်တဖၣ် ဒ်ဒီပုၢ်ဝဲၢ်မုၣ်အသိး
လံာ်စီဆှံ ဒုးသ့ၣ်ညါပှၤလၢ ခရံာ်ဖိလၢ အသးပှၢ်တဖၣ်န့ၣ် ပကဘၣ်ရ့အီၤဒ် ပမိၢ်ပပၢ်အသိး ဒီးခရံာ်ဖိလၢ အသးစၢ်တဖၣ်န့ၣ် ဒ်ပဒီပုၢ်ဝဲၢ်တဖၣ်အသိးလီၤ. (ဖး ၁ တံၤမသ့း ၅:၁, ၂ တက့ၢ်) လီၤဆီဒၣ်တၢ် ဒီပုၢ်ဝဲၢ်ခွါတဖၣ်န့ၣ် ကြၢးရ့ဒီး ဒီပုၢ်ဝဲၢ်မုၣ်တဖၣ် သ့သ့ဘၣ်ဘၣ် ဒီးလၢတၢ်ယူးယီၣ်ပာ်ကဲအပူၤလီၤ.
ဒီပုၢ်ဝဲၢ်ခွါတဂၤန့ၣ် တဂဲၤလိာ်ကွဲတၢ်အဲၣ်ဒီး ဒီပုၢ်ဝဲၢ်မုၣ် မ့တမ့ၢ် တမၤဝဲတၢ်တမံၤမံၤလၢ ကမၤတံာ်တာ် ဒီပုၢ်ဝဲၢ်မုၣ်တဂၤအသးဘၣ်. (ဘး. ၃၁:၁) ဒီပုၢ်ဝဲၢ်ခွါသဘျ့တဂၤ မ့ၢ်တသူၣ်အိၣ်သးအိၣ်ဝဲ ဒီပုၢ်ဝဲၢ်မုၣ်တဂၤနီၢ်နီၢ်ဘၣ်န့ၣ် အဝဲတကြၢးမၤဝဲ ဒ်သိးဒီပုၢ်ဝဲၢ်မုၣ်သဘျ့တဂၤ ကတူၢ်ဘၣ်ဝဲလၢ အဝဲဘၣ်သူၣ်ဘၣ်သးအီၤ ဒီးဟ့ၣ်အီၤတၢ်မုၢ်လၢ်န့ၣ်ဘၣ်.
ဖဲဒီပုၢ်ဝဲၢ်မုၣ်တဖၣ် သံကွၢ်တၢ်လၢ တၢ်ယူးယီၣ်ပာ်ကဲအပူၤ မ့တမ့ၢ် တဲဖျါထီၣ် တၢ်တမံၤမံၤလၢ လိၣ်လၢပှၤကဘၣ်သးစၢၢ်ဆၢအခါ တၢ်အိၣ်ဖှိၣ်သးပှၢ်တဖၣ် ကြၢးဒိကနၣ်န့ၢ် အဝဲသ့ၣ်လၢ တၢ်သူၣ်အိၣ်သးအိၣ်အပူၤလီၤ. လီၤဆီဒၣ်တၢ် တၢ်အိၣ်ဖှိၣ်သးပှၢ်တဖၣ်န့ၣ် ကြၢးဆိကမိၣ်န့ၢ်တၢ်လၢ ပှၤလၢတအိၣ်ဒီးအဝၤလၢ ကဒီသဒၢအီၤတဖၣ်အဂီၢ်လီၤ.—ရူၤ. ၂:၈, ၉.
ကွၢ်တၢ်ဂီၤမူလၢအမ့ၢ် ပာ်ဖျါထီၣ် တၢ်အဲၣ်နီၢ်နီၢ် လၢတၢ်အိၣ်ဖှိၣ်အပူၤ— မုၣ်ကမဲ ဒီးဖိလၢအပၢ်တအိၣ်တဖၣ် ဒီးစံးဆၢတၢ်သံကွၢ်တဖၣ်အံၤ–
တၢ်အိၣ်ဖှိၣ် ပာ်ဖျါထီၣ်ဝဲ တၢ်အဲၣ်နီၢ်နီၢ်လၢ ဒီပုၢ်ဝဲၢ်မုၣ် စုးစုးမၠ့း အဖီခိၣ်ဒ်လဲၣ်.
တၢ်အဲၣ်လၢ တၢ်အိၣ်ဖှိၣ် ပာ်ဖျါထီၣ်ဝဲန့ၣ် ကဲထီၣ်တၢ်အုၣ်အသးအဂ့ၤလၢ သဝီပူၤဒ်လဲၣ်.
တၢ်အဲၣ်လၢ တၢ်အိၣ်ဖှိၣ်ပာ်ဖျါထီၣ်ဝဲန့ၣ် အဘျုးအိၣ်လၢ ဒီပုၢ်ဝဲၢ်မုၣ် စုးစုးမၠ့း အဖိမုၣ်တဖၣ် အဖီခိၣ်ဒ်လဲၣ်.
ကျဲတနီၤလၢ နပာ်ဖျါထီၣ် တၢ်သူၣ်အိၣ်သးအိၣ်လၢ ဒီပုၢ်ဝဲၢ်မုၣ်လၢ နတၢ်အိၣ်ဖှိၣ်အပူၤတဖၣ်သ့န့ၣ် မ့ၢ်မနုၤလဲၣ်.