၁၃. တချုးလၢ ပဟ့ၣ်ကူၣ်ပှၤ မ့တမ့ၢ် ပတူၢ်လိာ်တၢ်ဟ့ၣ်ကူၣ် ဘၣ်ဃးဒီးတၢ်အိၣ်ဆူၣ်အိၣ်ချ့န့ၣ် ပကဘၣ်သ့ၣ်နီၣ်ထီၣ်က့ၤ တၢ်မနုၤလဲၣ်.

^၁၃ မုၢ်မဆါတနံၤညါအံၤ ပဒီပုၢ်ဝဲၢ်လၢ အမၤတၢ်လီၤလးဒီး မၤဘျါပတၢ်ဆါသ့န့ၣ် တအိၣ်နီတဂၤဘၣ်. ဘၣ်ဆၣ် မ့ၢ်လၢအဝဲသ့ၣ်အဲၣ်ဒိးမၤစၢၤပှၤအဃိ ပမ့ၢ်တဃ့တၢ်ဟ့ၣ်ကူၣ်ဒၣ်လဲာ် အဝဲသ့ၣ်ဟဲတဲဘၣ်ပှၤလီၤ. အဝဲသ့ၣ် အတၢ်ဟ့ၣ်ကူၣ်တနီၤနီၤန့ၣ် တကဲထီၣ်တၢ်ဘၣ်ယိၣ်လၢပဂီၢ်ဘၣ်. အဒိ စီၤပီလူးဟ့ၣ်ကူၣ်ဝဲ စီၤတံၤမသ့းလၢ အကအီစပံးထံတစဲးလီၤ. စီၤတံၤမသ့း အိၣ်ဒီးကဖုတၢ်ဆါတမံၤမံၤ ကမ့ၢ်လၢအဝဲအီဘၣ်ထံလၢအတကဆှီအဃိန့ၣ်လီၤ. a (ကွၢ်တၢ်ဂ့ၢ်အဘျဲၣ်တက့ၢ်.) (ဖး ၁ တံၤမသ့း ၅:၂၃ တက့ၢ်.) ဘၣ်ဆၣ် ပကဘၣ်ပလီၢ်ပသးလီၤ. ဘၣ်သ့ၣ်သ့ၣ် ဒီပုၢ်ဝဲၢ်တဂၤကမၢဆူၣ်နၤဒ်သိး နကအီၣ်ကသံၣ်ဖီၣ်, သ့ၣ်ဂံၢ်ဝၣ်စဲ မ့တမ့ၢ် ဟးဆှဲးတၢ်အီၣ်တနီၤနီၤဒီး အီၣ်တၢ်အီၣ်တနီၤနီၤလီၤ. ဘၣ်သ့ၣ်သ့ၣ် အဝဲကတဲဝဲလၢ ပှၤလၢအဟံၣ်ဖိဃီဖိအကျါတဂၤ အိၣ်ဒီးတၢ်ဆါဒ်သိးဒီးနၤ ဒီးအီၣ်ဝဲဘျါအဃိန့ၣ်လီၤ. ဘၣ်ဆၣ်တၢ်အံၤ တအဲၣ်ဒိးတဲဝဲလၢ အဘျုးကအိၣ်လၢနဂီၢ်စ့ၢ်ကီးဘၣ်. ပကဘၣ်သ့ၣ်နီၣ်ထီၣ်က့ၤလၢ ပှၤအါဂၤ မ့ၢ်သူဝဲတၢ်ကူစါယါဘျါ မ့တမ့ၢ် ကသံၣ်ကသီတမံၤမံၤ သနာ်က့ တၢ်အံၤ ကဲထီၣ်တၢ်ဘၣ်ဒိဘၣ်ထံးလၢ ပဂီၢ်သ့ဝဲလီၤ.—ဖး ကတိၤဒိ ၂၇:၁၂ တက့ၢ်.