-
ယဟိဝၤယွၤန့ၣ် အကဲပှၤဒ်လဲၣ်တဂၤလဲၣ်အိၣ်မူလီၤထူလီၤယိာ် ပှဲၤဒီးတၢ်သးခု—တၢ်မၤလိသကိး လံာ်စီဆှံ
-
-
၃. ယဟိဝၤယွၤ အဲၣ်ပှၤန့ၣ် အပာ်ဖျါထီၣ်ဝဲဒ်လဲၣ်.
တၢ်အဲၣ်တၢ်ကွံန့ၣ် မ့ၢ်ဝဲ ယဟိဝၤယွၤ အတၢ်ဂ့ၤတၢ်ဝါ အဒိၣ်ကတၢၢ်တခါ. ဒီးလံာ်စီဆှံ တဲဝဲလၢ “ကစၢ်ယွၤန့ၣ် မ့ၢ်တၢ်အဲၣ်တၢ်ကွံလီၤ.” (၁ ယိၤဟၣ် ၄:၈) ယဟိဝၤယွၤ အဲၣ်ပှၤဟီၣ်ခိၣ်ဖိန့ၣ် အပာ်ဖျါထီၣ်ဝဲ လၢလံာ်စီဆှံအပူၤ တကးဒံးဘၣ် အပာ်ဖျါထီၣ်စ့ၢ်ကီးဝဲ ခီဖျိအတၢ်ဘၣ်တ့. (ဖး မၤတၢ် ၁၄:၁၇.) အဒိ ကစၢ်ယွၤ တ့လီၤပှၤဒ်လဲၣ်န့ၣ် ပကတဲသကိး. ကစၢ်ယွၤ တ့လီၤပှၤဃုာ်ဒီး တၢ်သ့တၢ်ဘၣ် လၢပကထံၣ် တၢ်အလွဲၢ်လၢ အဃံအလၤတဖၣ်, နၢ်ဟူတၢ်ဒ့တၢ်အူဒီး တၢ်သူၣ်ဝံၣ်သးဆၢ ဒီးပကသ့ၣ်ညါ တၢ်အီၣ်အဝံၣ်အဘဲတဖၣ်လီၤ. ကစၢ်ယွၤ အဲၣ်ဒိးလၢ ပတၢ်အိၣ်မူန့ၣ် ကပှဲၤဒီးတၢ်သးခု.
-
-
တၢ်ဘူၣ်တၢ်ဘါကမၣ် ဒုးအိၣ်ထီၣ် တၢ်ထံၣ်ကမၣ် ဘၣ်ဃးဒီး ကစၢ်ယွၤဒ်လဲၣ်အိၣ်မူလီၤထူလီၤယိာ် ပှဲၤဒီးတၢ်သးခု—တၢ်မၤလိသကိး လံာ်စီဆှံ
-
-
၂. ခီဖျိလၢ တၢ်လၢ တၢ်ဘူၣ်တၢ်ဘါကမၣ် အခိၣ်အနၢ်တဖၣ် မၤဝဲအဃိ ပှၤတနီၤထံၣ်ကမၣ် ကစၢ်ယွၤဒ်လဲၣ်.
တၢ်ဘူၣ်တၢ်ဘါကမၣ် အခိၣ်အနၢ်တဖၣ်န့ၣ် တသးအိၣ်ပှၤဂၤ ဒ်ယဟိဝၤယွၤအသိးဘၣ်. လံာ်စီဆှံတဲဝဲလၢ တၢ်ဘူၣ်တၢ်ဘါခိၣ်နၢ်တဖၣ်န့ၣ် “အတၢ်ဒဲးဘး ပာ်ဖှိၣ်ထီၣ်အသး ထီဝဲတုၤလၢမူခိၣ်.” (လီၣ်ဖျါ ၁၈:၅) လၢအနံၣ်လၢ အကယၤတဖၣ်အတီၢ်ပူၤ တၢ်ဘူၣ်တၢ်ဘါခိၣ်နၢ်တဖၣ်န့ၣ် မၤဘၣ်ဃးအသးဒီး ထံဂ့ၢ်ကီၢ်ဂ့ၢ် ဒီးဆီၣ်ထွဲဝဲ တၢ်ဒုးတၢ်ယၤအဃိ ပှၤသံဝဲ အါအါဂီၢ်ဂီၢ်. တကးဒံးဘၣ် တၢ်ဘူၣ်တၢ်ဘါခိၣ်နၢ် တနီၤန့ၣ် အဝဲသ့ၣ် အဲၣ်ဒိးကဲဒိၣ်အဃိ အဝဲသ့ၣ်မၢဝဲ အတၢ်အိၣ်ဖှိၣ်ဖိတဖၣ် ဟ့ၣ်အဝဲသ့ၣ်လၢကျိၣ်စ့. တၢ်လၢ အဝဲသ့ၣ်မၤဝဲတဖၣ်န့ၣ် ပာ်ဖျါထီၣ်ဝဲလၢ အဝဲသ့ၣ် တသ့ၣ်ညါကစၢ်ယွၤဘၣ် အဃိ အဝဲသ့ၣ် တကြၢးတဲလီၤအသးလၢ အမၤန့ၢ်တၢ်လၢ ကစၢ်ယွၤအဂီၢ်ဘၣ်.—ဖး ၁ ယိၤဟၣ် ၄:၈.
-