ယဟိဝၤပှၤအုၣ်အသးတဖၣ် အိၣ်ဒီး တၢ်အိၣ်ဖှိၣ်သရၣ် လၢမၤန့ၢ်အဘူးအလဲဧါ
ဒ်တၢ်မၤထွဲနံၣ်တၢကယၤ ခရံာ်ဖိတၢ်ဘူၣ်တၢ်ဘါအဒိအသိး, ယဟိဝၤပှၤအုၣ်အသးတဖၣ်အပူၤ တၢ်နီၤဖးတၢ်အိၣ်ဖှိၣ်သရၣ်ဒီးကရၢဖိတအိၣ်ဘၣ်. ကရၢဖိလၢဘျၢထံဝံၤခဲလၢာ်န့ၣ် မ့ၢ်ပှၤဘၣ်မူဘၣ်ဒါလၢတၢ်သးခုကစီၣ်တၢ်မၤ ဒီးပာ်ဃုာ်လၢ တၢ်စံၣ်တဲၤတဲလီၤဒီး တၢ်သိၣ်လိတၢ်အတၢ်မၤလီၤ. ပှၤအုၣ်အသးမ့ၢ်အိၣ် တကယၤဃၣ်ဃၣ်န့ၣ် ကရၢကရိထီၣ်တၢ်အိၣ်ဖှိၣ်တခါလီၤ. လၢတၢ်အိၣ်ဖှိၣ်ပူၤ ပိာ်ခွါလၢဒိၣ်တုာ်ခိၣ်ပှဲၤလၢနီၢ်သးတဖၣ်န့ၣ် မၤတၢ်ဒ် “ပှၤသူၣ်က့သးပှၢ်,” မ့တမ့ၢ် ပှၤပၢဘၣ်ကွၢ်ထွဲတၢ်တဖၣ်လီၤ. (တံတူး ၁:၅) အဝဲသ့ၣ်မၤအတၢ်မၤလၢ တဟံးန့ၢ်အဘူးအလဲဘၣ်လီၤ.