သူနတၢ်အိၣ်မူဒ်သိး နကစံးထီၣ်ပတြၢၤ ယဟိဝၤယွၤအဂီၢ်

သးသမူန့ၣ်​ မ့ၢ်တၢ်ဟ့ၣ်လၢအလုၢ်ဒိၣ်ပှ့ၤဒိၣ်တခါလီၤ. အဃိ လၢပတၢ်အိၣ်မူအပူၤ ကိးနံၤဒဲးန့ၣ်​ ပကပာ်ဖျါထီၣ်လၢ ပပာ်လုၢ်ပာ်ပှ့ၤတၢ်ဟ့ၣ်အံၤ ကသ့လၢကျဲဒ်လဲၣ်. ဒ်ပမ့ၢ် ယဟိဝၤပှၤအုၣ်အသးတဖၣ်အသိး, ပဂုာ်ကျဲးစၢးသူ ပတၢ်သ့တၢ်ဘၣ်​ လၢပကမၤလၤကပီၤ ယဟိဝၤယွၤ လၢအမ့ၢ်ပှၤလၢအဟ့ၣ်ပှၤသးသမူန့ၣ်လီၤ. (စံး. ၃၆:၉; လီၣ်. ၄:၁၁) ဘၣ်ဆၣ်, ခီဖျိလၢပအိၣ်မူဘၣ်လၢ ဟီၣ်ခိၣ်အအၢအသီအံၤအပူၤ ဒီးဘၣ်ကွၢ်ဆၢၣ်မဲာ်တၢ်သူၣ်ကိၢ်သးဂီၤ ကိးနံၤဒဲးအဃိ ပကပာ်နီၢ်သးအတၢ်ဖံးတၢ်မၤတဖၣ်လၢညါန့ၣ်​ တညီဝဲဘၣ်. (မၢ်. ၄:၁၈, ၁၉) ပဝဲတဂၤစုာ်စုာ် ပကြၢးသံကွၢ်လီၤပသးလၢ– ‘မ့ၢ်ယဟ့ၣ်ယဟိဝၤယွၤ တၢ်လၢအဂ့ၤကတၢၢ်လံဧါ. (ဟိၤ. ၁၄:၂) ယတၢ်ဖံးတၢ်မၤတဖၣ်​ မၤဘၣ်ဒိ ယတၢ်မၤလၢ ယဟိဝၤယွၤအဂီၢ်ဒ်လဲၣ်. ယနီၢ်သးဖီတၢၣ်တဖၣ်​ မ့ၢ်မနုၤလဲၣ်. ယမၤအါထီၣ်​ တၢ်စံၣ်တဲၤတဲလီၤတၢ်မၤ ကသ့ဒ်လဲၣ်.’ နမ့ၢ်ထံၣ်ဘၣ်​ တၢ်လၢနကဘၣ်​ မၤဂ့ၤထီၣ်အီၤန့ၣ်​ ဃ့ယဟိဝၤယွၤ အတၢ်မၤစၢၤ ဒ်သိးနကဆီတလဲ နတၢ်အိၣ်မူအဂီၢ်တက့ၢ်. နမ့ၢ်စံးထီၣ်ပတြၢၤ ယဟိဝၤယွၤ ကိးနံၤဒဲးန့ၣ်​ နကအိၣ်ဒီး တၢ်သူၣ်မံသးမုာ် ဒီးတၢ်သူၣ်ခုသးခု သပှၢ်တၢၢ်လီၤ.—စံး. ၆၁:၈.

ကွၢ်တၢ်ဂီၤမူလၢ အခိၣ်တီမ့ၢ်ဝဲ သူနတၢ်သ့တၢ်ဘၣ်လၢ ယဟိဝၤယွၤအဂီၢ်, ဝံၤဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–

• ပမ့ၢ်သူပတၢ်သ့တၢ်ဘၣ်လၢ ဟီၣ်ခိၣ်လၢမုၣ်ကီၢ်လံၢ်ပၢဝဲအံၤအပူၤန့ၣ်​ ဘၣ်မနုၤအဃိ တမ့ၢ်တၢ်ဆၢတဲာ်လၢ အပှဲၤဒီးတၢ်ကူၣ်သ့လဲၣ်​ (၁ ယိၤ. ၂:၁၇)

• ပှၤလၢအဟ့ၣ်ယဟိဝၤယွၤ တၢ်လၢအဂ့ၤကတၢၢ်န့ၣ်​ ကဒိးန့ၢ်ဘၣ်​ တၢ်ဆိၣ်ဂ့ၤမနုၤတဖၣ်လဲၣ်.

• နတၢ်သ့တၢ်ဘၣ်လၢ အိၣ်ဒီးနၤန့ၣ်​ နသူအီၤလၢ ကစၢ်ယွၤအတၢ်မၤ ဖဲလဲၣ်တမံၤသ့လဲၣ်.