တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၂ မိၤၡ့ ၃၉-၄၀
စီၤမိၤၡ့ မၤထွဲဝဲ တၢ်ဟံးစုနဲၣ်ကျဲ လီၤတံၢ်လီၤဆဲး
ယဟိဝၤယွၤ အတၢ်ဟံးစုနဲၣ်ကျဲ လီၤတံၢ်လီၤဆဲးလၢ ဘၣ်ဃးဒီး တၢ်သူၣ်ထီၣ်ဘှီထီၣ် ဒီးတၢ်ဆီလီၤပာ်လီၤ ဒဲစီဆှံန့ၣ် စီၤမိၤၡ့ မၤထွဲဝဲ လီၤတံၢ်လီၤဆဲးလီၤ. ဒ်န့ၣ်အသိး ပဝဲသ့ၣ်တဖၣ်စ့ၢ်ကီး တၢ်ဟံးစုနဲၣ်ကျဲလၢ အဟဲလၢယဟိဝၤယွၤ အတၢ်ကရၢကရိအအိၣ်န့ၣ် ပကြၢးမၤထွဲအီၤတဘျီဃီ ဒီးလၢတၢ်သူၣ်အိၣ်သးအိၣ်အပူၤလီၤ. တၢ်ဟံးစုနဲၣ်ကျဲတဖၣ် မ့ၢ်ဖျါလၢအရ့တဒိၣ် မ့တမ့ၢ် ပမ့ၢ်တနၢ်ပၢၢ် တၢ်ဂ့ၢ်တၢ်ကျိၤဒၣ်လဲာ် ပကြၢးမၤထွဲအီၤလီၤ.—လူၤ. ၁၆:၁၀.
တၢ်ဟံးစုနဲၣ်ကျဲလၢ ဘၣ်ဃးဒီးတၢ်ဂ့ၢ်လၢ လာ်တဖၣ်အံၤန့ၣ် ဘၣ်မနုၤအဃိ ပကြၢးမၤထွဲအီၤ လီၤတံၢ်လီၤဆဲးလဲၣ်
တၢ်အိၣ်ဖှိၣ်ရိဖှိၣ်လၢ တၢ်စံၣ်တဲၤတဲလီၤတၢ်အဂီၢ် အဆၢကတီၢ်
တၢ်ကတဲာ်ကတီၤပာ်လၢ ဘၣ်ဃးဒီး တၢ်ကဲထီၣ်အသးသတူၢ် ကလာ်လၢ တၢ်ကူစါယါဘျါအဂီၢ်
တၢ်ကတဲာ်ကတီၤလၢ ဘၣ်ဃးဒီး န့ဆၢၣ်တၢ်ဘၣ်ဒိဘၣ်ထံးအဂီၢ်