အိၣ်မူဒ် ခရံာ်ဖိအသိး
မၤဂၢၢ်ကျၢၤထီၣ် နတၢ်နာ်န့ၢ် ကစၢ်ယွၤအကလုၢ်ကထါ
လံာ်စီဆှံန့ၣ် ဆီတလဲပတၢ်အိၣ်မူသ့. (ဧ့ၤ ၄:၁၂) သနာ်က့ ဒ်သိးပကန့ၢ်ဘၣ်အဘျုးလၢ လံာ်စီဆှံတၢ်ဟံးစုနဲၣ်ကျဲ ဒီးတၢ်ဟ့ၣ်ကူၣ်အဂီၢ် အဆိကတၢၢ် ပကဘၣ်နာ်လၢ လံာ်စီဆှံန့ၣ် မ့ၢ် “ကစၢ်ယွၤ အကလုၢ်ကထါ.” (၁ သ့း ၂:၁၃) အဃိ ပမၤဒိၣ်ထီၣ်ပတၢ်နာ်လၢ လံာ်စီဆှံအဖီခိၣ် ကသ့ဒ်လဲၣ်.
ဖးတၢ်ဂ့ၢ် တနံၤတခါ တနံၤတခါ. ဖဲနဖးလံာ်စီဆှံအခါ ပာ်သူၣ်ပာ်သးလၢ ယဟိဝၤယွၤန့ၣ် ကဲဝဲပှၤလၢ အဒုးအိၣ်ထီၣ်လံာ်စီဆှံ. အဒိ နမ့ၢ်ဖးကတိၤဒိန့ၣ် ပာ်သူၣ်ပာ်သးလၢ ယဟိဝၤယွၤ အတၢ်ဟ့ၣ်ကူၣ်န့ၣ် ကဲဘျုးတုၤလၢ မုၢ်မဆါတနံၤအံၤ.—ကတိၤ ၁၃:၂၀; ၁၄:၃၀.
ဃုသ့ၣ်ညါ လံာ်စီဆှံအဂ့ၢ်. ဖဲနဖးလံာ်စီဆှံအခါ ဃုသ့ၣ်ညါ တၢ်အုၣ်အသးလၢ အပာ်ဖျါထီၣ်ဝဲ ကစၢ်ယွၤသူဝဲ အသးစီဆှံလၢ ကထိၣ်ဟူးထိၣ်ဂဲၤထီၣ် ပှၤတနီၤ ဒ်သိးကကွဲးလံာ်စီဆှံအဂီၢ်. နဃုသ့ၣ်ညါ တၢ်ဂ့ၢ်အံၤသ့ဖဲ လံာ်နဲၣ်ကျဲလၢ ယဟိဝၤပှၤအုၣ်အသးတဖၣ် ကဃုသ့ၣ်ညါတၢ်အဂီၢ် အပူၤသ့. ဖဲန့ၣ်ဆီၣ်လီၤ “လံာ်စီဆှံ” ဝံၤဒီးဆီၣ်လီၤ “ကွဲးအသးလၢ ယွၤအသးစီဆှံ.” တကးဒံးဘၣ် နဃုသ့ၣ်ညါအါထီၣ် တၢ်ဂ့ၢ်အံၤဖဲ တၢ်ဂ့ၢ်ဘၣ်ထွဲလိာ်သး က၃ လၢ ဟီၣ်ခိၣ်သီ တၢ်ကွဲးကျိာ်ထံလံာ်စီဆှံ အပူၤသ့. နမ့ၢ်မၤဒ်န့ၣ်န့ၣ် နကထံၣ်ဘၣ်လၢ လံာ်စီဆှံ အတၢ်ကစီၣ်တဖၣ်န့ၣ် ပနာ်န့ၢ်အီၤသ့ ဒီးနတၢ်နာ်လၢ လံာ်စီဆှံအဖီခိၣ်န့ၣ် ကဟဲဂၢၢ်ကျၢၤထီၣ်.
တၢ်လုၢ်ဟံၣ်လၢ ပှၤဃုထံၣ်န့ၢ်အီၤလၢ ကၤနါ လၢကီၢ်အဲၤကူပတူးအပူၤ န့ၣ်အပာ်ဖျါထီၣ်ဝဲလၢ ကစၢ်ယွၤကလုၢ်ကထါန့ၣ် ပနာ်န့ၢ်အီၤသ့ ဒ်လဲၣ်.
တၢ်ဂ့ၢ်လၢလံာ်စီဆှံပူၤတဖၣ် ပနာ်န့ၢ်အီၤသ့န့ၣ် ပသ့ၣ်ညါဘၣ်ဒ်လဲၣ်.
ဘၣ်မနုၤအဃိ နနာ်သ့လၢ လံာ်စီဆှံတဘ့ၣ်အံၤန့ၣ် အကဲဝဲကစၢ်ယွၤ ကလုၢ်ကထါလဲၣ်.—ဖး ယၡါယၤ ၄၀:၈