တၢ်ထုကဖၣ်အိၣ်ဒီး တၢ်စံးဘျုး

၁. တၢ်အဲၣ်တၢ်ကွံကစၢ် ပၢ်ယဟိဝၤယွၤ.

ပစံးဘျုးနၤ ဒီးစံးထီၣ်ပတြၢၤနၤ.

ပတဲတၢ်ဒီးနၤ ခီဖျိတၢ်ထုကဖၣ်,

လၢတၢ်သးဝံၣ်ဖိ ကစံးပတြၢၤနၤ.

နကတဲာ်ကတီၤပာ်လၢ ကပှ့ၤက့ၤပှၤ.

နသ့ၣ်နီၣ်ထီၣ်လၢ ပဂံၢ်စၢ်ဘါစၢ်.

ပၢ်ဧၢ ကိးနံၤဒဲး ပမၤကမၣ်ဘၣ်နၤ.

ပဃ့လၢ နကပျၢ်ပတၢ်ကမၣ်.

၂. ပှၤလၢကနၣ် တၢ်ထုကဖၣ်တဂၤဧၢ.

ပှၤကိးဂၤဒဲး ကဃ့တၢ်လၢနအိၣ်.

သိၣ်လိပှၤလၢ ပကမၤတၢ်ဘၣ်နသး.

မၤစၢၤပှၤဒ်သိး ပကတီဒီးနၤ.

နဒုးသုးဘူးပသးဆူနအိၣ်အဃိ

ပသးခုဒိၣ်မး ပၢ်ယဟိဝၤဧၢ.

နပာ်ဖျါတၢ်အဲၣ်တၢ်သးကညီၤအဃိ.

ပကသ့ၣ်ညါဆၢက့ၤ နဘျုးနဖှိၣ်.