တၢ်သးဝံၣ် ၁၃၉
ထံၣ်တမှံကွၢ် ဖဲတၢ်ခဲလၢာ်မ့ၢ်တၢ်အသီ
၁. ထံၣ်တမှံကွၢ်, ပဝဲနၤယၤ,
ပဝဲခဲလၢာ် အိၣ်ဘၣ်လၢဟီၣ်ခိၣ်သီ.
ကမုာ်ထဲလဲၣ်, ဆိကမိၣ်ကွၢ်,
အိၣ်ဘၣ်မုာ်မုာ်, တၢ်ကိၢ်ဂီၤလီၤမၢ်.
ပှၤအၢပှၤသီ တအိၣ်လၢၤဘၣ်.
ယွၤအတၢ်ပၢ အိၣ်သူၣ်ထီၣ်အသး.
ဆၢကတီၢ်ဘၣ်လံ ဟီၣ်ခိၣ်ကဲထီၣ်အသီ,
သးဒီဖျၢၣ်ပက
သးဝံၣ် စံးထီၣ်ပတြၢၤအီၤ
(ခိရၢာ်)
“စံးဘျုးနၤ, ပၢ်ဧၢ, နမၤတၢ်ဂ့ၤလီၤ.
တၢ်ခဲလၢာ်မ့ၢ်တၢ်အသီ လၢပဂီၢ်.
ဖဲပသးဝံၣ်တၢ်ခါ တၢ်သးခု လုၢ်ဘၢပှၤ.
တၢ်ယူးယီၣ်, တၢ်လၤကပီၤ ခဲလၢာ်ကြၢးဒီးနၤ.”
၂. ထံၣ်တမှံကွၢ်, ပဝဲနၤယၤ,
ဆိကမိၣ်ကွၢ် ဟီၣ်ခိၣ်သီ တၢ်ဃံလၤ.
တၢ်ပျံၤတၢ်ဖုး, တၢ်လီၤသးအုး
ဟါမၢ်ခဲလၢာ်, အိၣ်ထဲတၢ်သးခု.
ဒ်အတဲဝဲ, လၢပှဲၤထီၣ်ဝဲ.
သူၣ်ထီၣ်ဒဲလံ, ယွၤအိၣ်လၢပကျါ.
ခဲအံၤကကိးပၢၢ်ထီၣ် ပှၤသံသ့ၣ်တဖၣ်.
အဝဲသ့ၣ်သးဝံၣ်
ကလုၢ်တဖျၢၣ်ဃီဒီးပှၤ
(ခိရၢာ်)
“စံးဘျုးနၤ, ပၢ်ဧၢ, နမၤတၢ်ဂ့ၤလီၤ.
တၢ်ခဲလၢာ်မ့ၢ်တၢ်အသီ လၢပဂီၢ်.
ဖဲပသးဝံၣ်တၢ်ခါ တၢ်သးခု လုၢ်ဘၢပှၤ.
တၢ်ယူးယီၣ်, တၢ်လၤကပီၤ ခဲလၢာ်ကြၢးဒီးနၤ.”
(ကွၢ်စ့ၢ်ကီး စံး. ၃၇:၁၀, ၁၁; ၡါ. ၆၅:၁၇; ယိၤ. ၅:၂၈; ၂ ပ့း. ၃:၁၃ တက့ၢ်.)