တၢ်သံကွၢ် ၁၆
နလဲၤခီဖျိ တၢ်သူၣ်ကိၢ်သးဂီၤ ကသ့ဒ်လဲၣ်
“ပာ်ထီၣ် နတၢ်ဝံဃၢလၢ ယဟိဝၤယွၤအအိၣ်တက့ၢ်. အဝဲကမၤဂၢၢ်မၤကျၢၤနၤ ဒီးအဝဲတပျဲလၢ ပှၤတီပှၤလိၤတဂၤ ကလီၤဃံၢ်နီတဘျီဘၣ်.”
“တၢ်လၢပှၤခုတဖၣ် ရဲၣ်လီၤကျဲၤလီၤဝဲန့ၣ် ကကဲထီၣ်လိၣ်ထီၣ်ဝဲ သပှၢ်တၢၢ်, မ့မ့ၢ် ပှၤလၢအမၤကရီတၢ်န့ၣ် ကဖှီၣ်လီၤယာ်လီၤဝဲ သပှၢ်တၢၢ်လီၤ.”
“ယအိၣ်ဒီးသုအဃိ တဘၣ်ပျံၤတၢ်တဂ့ၤ. ယမ့ၢ်သုကစၢ်ယွၤအဃိ တဘၣ်သူၣ်ကိၢ်သးဂီၤတၢ်တဂ့ၤ. ယကမၤဆူၣ်ထီၣ် သုဂံၢ်သုဘါ ဒီးယကမၤစၢၤသု သပှၢ်တၢၢ်လီၤ. ယကဖီၣ်ဃာ်သုဒီး ယစုထွဲလၢ အတီအလိၤ ကျၢၤကျၢၤလီၤ.”
“သုမၤထီထီၣ် သုသးသမူ ခီဖျိလၢ သုဘၣ်ယိၣ်တၢ်အဃိန့ၣ် ကသ့တစဲးစဲးဧါ.”
“ခဲမုၢ်ဆ့ၣ်န့ၣ် တၢ်ကိၢ်တၢ်ဂီၤ ကအိၣ်ဒံးအဃိ တဘၣ်သူၣ်ကိၢ်သးဂီၤလၢ ခဲမုၢ်ဆ့ၣ်အဂီၢ်တဂ့ၤ. တၢ်ကီတၢ်ခဲလၢ တနံၤအံၤ အဂီၢ်န့ၣ် အါဝဲလံ.”
“သ့ၣ်ညါနီၤဖး တၢ်လၢအရ့ဒိၣ်ကတၢၢ်တဖၣ်.”
“တဘၣ် သူၣ်ကိၢ်သးဂီၤတၢ် နီတမံၤတဂ့ၤ. လၢတၢ်ခဲလၢာ်အပူၤန့ၣ် တဲဖျါထီၣ် သုတၢ်ဃ့တဖၣ်လၢ ကစၢ်ယွၤအအိၣ် ခီဖျိလၢ တၢ်ဃ့ထုကဖၣ် ဒီးတၢ်ဃ့ကညးတၢ် ဃုာ်ဒီး တၢ်စံးဘျုးစံးဖှိၣ်က့ၤတၢ်တက့ၢ်. ဒီးတၢ်သူၣ်မံသးမုာ်လၢ အဟဲလၢ ကစၢ်ယွၤ အအိၣ် လၢအဒိၣ်န့ၢ်ယိာ်န့ၢ်တၢ်လၢ ပနၢ်ပၢၢ်အီၤသ့န့ၣ် ကပၢၤသုသးဒီး သုတၢ်ဆိကမိၣ်တဖၣ် ခီဖျိလၢ ယ့ၣ်ၡူးခရံာ်လီၤ.”