တၢ်သံကွၢ် ၁၇
လံာ်စီဆှံမၤစၢၤ နဟံၣ်ဖိဃီဖိ ကသ့ဒ်လဲၣ်
ဝၤ/ပၢ်သ့ၣ်တဖၣ်
“ဒ်န့ၣ်အသိး ဝၤတဖၣ် ကြၢးအဲၣ်အမါ ဒ်အအဲၣ်အနီၢ်ခိအသိးလီၤ. ပိာ်ခွါလၢ အအဲၣ်အမါန့ၣ် မ့ၢ်အအဲၣ်လီၤ အနီၢ်ကစၢ်အသးလီၤ. ပှၤလၢအသးဟ့လီၤ အနီၢ်ခိဒၣ်ဝဲန့ၣ် တအိၣ်နီတဂၤဘၣ်. လၢတၢ်န့ၣ်အလီၢ် အဒုးအီၣ်ဒုးအီ ဒီးပာ်လုၢ်ပာ်ပှ့ၤအီၤ . . . သုဝဲတဂၤစုာ်စုာ် သုကဘၣ်အဲၣ် သုမါ ဒ်သုအဲၣ်လီၤ သုနီၢ်ကစၢ် အသးအသိးလီၤ.”
“ပၢ်သ့ၣ်ဧၢ, မၤအ့န့သုဖိတဖၣ် အသးတဂ့ၤ. ဆဲးကွၢ်လုၢ်ဒိၣ်ထီၣ် အဝဲသ့ၣ်လၢ ယဟိဝၤယွၤ အတၢ်သိၣ်လိနဲၣ်လိ ဒီးအတၢ်ဟံးစုနဲၣ်ကျဲတက့ၢ်.”
မါသ့ၣ်တဖၣ်
“မါစ့ၢ်ကီး ကဘၣ်ပာ်ကဲအဝၤ ဒိၣ်မးလီၤ.”
“မါသ့ၣ်ဧၢ, ဒိးပၢသုသးလၢ သုဝၤအဖီလာ် ဒ်ကစၢ်အပျဲၢ်အဘီၣ် ကြၢးမၤဝဲအသိး န့ၣ်တက့ၢ်.”
ဖိသ့ၣ်တဖၣ်
“ဖိသၣ်သ့ၣ်ဧၢ, ဒိကနၣ်သုမိၢ်သုပၢ် ဒ်ကစၢ်အတၢ်ဘၣ်သး အိၣ်ဝဲအသိးတက့ၢ်. သုမ့ၢ်မၤဒ်န့ၣ်န့ၣ် မ့ၢ်တၢ်လၢ ကစၢ်ယွၤထံၣ်ဝဲလၢ အဘၣ်လီၤ. ‘ယူးယီၣ်ပာ်ကဲ နမိၢ်ဒီးနပၢ်တက့ၢ်.’ အဝဲန့ၣ် မ့ၢ်ဝဲတၢ်မၤလိာ် အဆိကတၢၢ်တထံၣ် လၢအပၣ်ဃုာ်ဒီး တၢ်အၢၣ်လီၤလီၤ. ဒီးတၢ်အၢၣ်လီၤအဝဲအံၤ တဲဝဲလၢ ‘မ့ၢ်ဒ်သိး နတၢ်အိၣ်မူ ကလဲၤအသး ဂ့ၤဂ့ၤဘၣ်ဘၣ် ဒီးဒ်သိး နသးသမူကထီလၢ ဟီၣ်ခိၣ်ချၢအဂီၢ်လီၤ.’”
“ဖိသၣ်သ့ၣ်ဧၢ, ဒိကနၣ် သုမိၢ်သုပၢ်လၢ တၢ်ကိးမံၤဒဲး အပူၤတက့ၢ်. သုမ့ၢ်မၤဒ်န့ၣ်န့ၣ် မ့ၢ်တၢ်လၢ အဘၣ်ကစၢ်အသးလီၤ.”